| |
| |
Vespers (gospel) special antiphon
|
Ave martyr dux danorum
ave decus dacie
cura causas sauciorum
cum sis pignus gracie
in nostra serie
factis verbis te sequamur
et cum mentis acie
ne in limo infigamur
vel labamur glacie
vallis miserie
sed te duce mundo calle
transeamus ex hac valle
ad superna
et eterna
gaudia
|
| |
Matins I
|
Veni turba fidelium
dei adora filium
qui sanctum pro victoria
eterna ditat gloria
|
Matins antiphon 1
|
Beatus vir vere beatus
secus fontem transplantatus
fructum profert irrigatus
in tempore suo
|
Matins antiphon 2
|
Quare fremuerunt gentes
innocentem persequentes
infideles perierunt
et cum christo sunt et erunt
qui confidunt in eo
|
Matins antiphon 3
|
Exaudi deus te orantem
ne contemnas deprecantem
cum exaudis et intendis
et a malo nos defendis
sperabo in te domine
|
Matins respons 1
|
Ortum duxit dux kanutus
de radice nobili
rex ericus erat huic
propagator suboli
ex qua crevit regni salus
et libertas populi
|
Matins verse 1
|
Stemmatis pompositas
morum elegancia
et virtutum probitas
sunt in hac substancia
|
Matins respons 2
|
Quando fuit peregre
rex profecturus honorem
optavit proli
sed onus non sustulit etas
perpendens pater hoc
compassio sanguinis urget
|
Matins verse 2
|
Disponit cuidam
pueri committere curam
|
Matins respons 3
|
Hoc statuto de kanuto
quod pater disposuit
dicto vale ius regale
tunc haraldus suscipit
incohato voto grato
iter rex arripuit
|
Matins verse 3
|
Mansit puer cum cognatis
et cum matre pater gratis
peregrinus proficit
|
Matins antiphon 4
|
Cum invocarem exaudisti
invocantem nomen christi
et pro morte temporali
in spe vite singulari
constituisti me
|
Matins antiphon 5
|
Verba mea sunt precepta
morte vita est adepta
mors hec tuis grata satis
scuto bone voluntatis
coronasti nos
|
Matins antiphon 6
|
Domine dominus noster es
et sancti tui requies
coronasti hunc in celis
quem honorat plebs fidelis
|
Matins respons 4
|
Iam flos purpureus
spirat odore
germine iustis
tempore messis
dulcia grana
ducit in altum
|
Matins verse 4
|
Ut puer ille
corpore crevit
crevit in illo
gracia christi
|
Matins respons 5
|
Instat tempus iuventutis
fructus patet gracie
et salutis et virtutis
per quem iugo servitutis
plebs privatur dacie
|
Matins verse 5
|
Constitutus est kanutus
dux in regno
et princeps in acie
|
Matins respons 6
|
Dux hic factus sui iuris
diligit iusticiam
et in rebus defensuris
obtinet victoriam
perdit pravos a pressuris
conservans ecclesiam
|
Matins verse 6
|
Pauperibus pater ille pius
fit pastor egenis
|
Matins antiphon 7
|
Ecce peccatores
falsi proditores
(-)/ |
Matins antiphon 8
|
Domine quis habitabit
et cum sanctis quis intrabit
in tua tabernacula
miles tuus et athleta
immortalis vite meta
inventus sine macula
non movebitur in eternum
|
Matins antiphon 9
|
Domine in virtute tua
sancti letetur anima
pro cuius magna gloria
psallemus virtutes tuas
|
Matins respons 7
|
Pacem danis et paganis
fidem sanctus contulit
quos a vanis et profanis
ritibus recedere
et in christum credere
compulit sub pacis federe
|
Matins verse 7
|
Duci danorum
sub iure regio
honorem exhibet
slavorum legio
|
Matins respons 8
|
Felix iste vicibus
fruitur paternis
nam obtrusis undique
hostium cavernis
dux dat uti daciam
legibus modernis
|
Matins verse 8
|
Providus in opere
verax in sermonibus
vere deo placuit
et dulcis hominibus
|
Matins respons 9
|
Decus regni et libertas
pax flos fructus et ubertas
surdis aures das apertas
linguas mutis das disertas
claudis gressus cecis visus
quisquis eger est confisus
in te sanus redditur
|
Matins verse 9
|
Cetibus angelicis
iunctus super astra locaris
atque tuis famulis
in terris auxiliaris
|
| |
Lauds antiphon 1
|
In matutinis laudibus
exaudiat te dominus
et sancti sui meritis
nos servet a periculis
in longitudine dierum
|
Lauds antiphon 2
|
Iubilate et servite
illi qui est auctor vite
ut sequentes sanctum ducem
ducat nos ad veram lucem
veritas eius
|
Lauds antiphon 3
|
Deus meus domine
labia mea laudabunt te
os iusti laude replebitur
os obstructum destruetur
loquencium iniqua
|
Lauds antiphon 4
|
Benedicite regem iusticie
quem secutus dux beatus
est cum sanctis exaltatus
in secula
|
Lauds antiphon 5
|
Laudabunt omnes angeli
nomen sanctum domini
et mater ecclesia
pro filii sui gloria
laudat dominum
|
Lauds (gospel) special antiphon
|
Benedictus dominus
qui virtutis incrementum
sancto duci contulit
unum granum grana centum
moriundo protulit
ut non intret in tormentum
patens peccatoribus
pie dux hunc duc conventum
de peccati foribus
in viam pacis
|
| |
2nd Vespers (gospel) special antiphon
|
Dulcis martyr dux kanute
audi preces supplicium
duc nos de hac servitute
ne peccatum nos privatum
sive scelus publicum
ducat ad interitum
sed cum iustis et cum bonis
terram repromissionis
fac intrare
et in ea perdurare
per tuum sanctum meritum
in eternum
|
| |
Q antiphon
|
Ave martyr dux danorum
kanute qui proditorum
armis sevis nectus es
nos expertes peccatorum
hinc ad sedes fac polorum
scandere quo vectus es
|
full office name: