| |
| |
Vespers antiphon 1
|
Letetur ecclesia
mater voto mentis
recolens sollemnia
iusti et clementis
|
Vespers antiphon 2
|
Horum vera fraternitas
probatur deo grata
quam exornat integritas
carnis immaculata
|
Vespers antiphon 3
|
Isti sunt triumphatores
mundi carnis inimici
vanitatis contemptores
dei facti sunt amici
|
Vespers antiphon 4
|
Patriarche sectatores
exiverunt patriam
divini predicatores
verbi petunt italiam
|
Vespers (gospel) special antiphon
|
Veneremur sanctos patres
iustum et clementem fratres
quorum carnis fraternitas
magis perfecta caritas
mundi ac celi socia
pari locatur gloria
|
| |
Matins I
|
Regem regum sempiternum
dignis colamus laudibus
qui regnum dedit eternum
iusto et clementi fratribus
|
Matins antiphon 1
|
Beati pestilencie
cathedram refugerunt
magis obediencie
viam ambulaverunt
|
Matins antiphon 2
|
Quare sancti disciplinam
visi sunt apprehendere
evangelicam doctrinam
docentem cuncta spernere
|
Matins antiphon 3
|
Cum invocarent dominum
audiri meruerunt
viros dolosos sanguinum
sancti cum fugaverunt
|
Matins antiphon 4
|
Verba percepit auribus
dominus confessorum
orancium pro frugibus
fame tribulatorum
|
Matins antiphon 5
|
Domine mirabile
nomen cognoverunt
tuum formidabile
quod predicaverunt
|
Matins antiphon 6
|
In domino fiduciam
lactaverunt totam
linquentes provinciam
pergentes ad ignotam
|
Matins respons 1
|
Iustus et clemens nomine
de genere nobilium
fratres parcium africe
refugiunt mirifice
consorcium affinium
levi ne peccent famine
|
Matins verse 1
|
Admiranda fraternitas
quam servat dei pietas
impollutam a crimine
|
Matins respons 2
|
Exeuntes de patrie
solo relicto proprio
fines intrant italie
vulterram dictam hodie
pergunt dei consilio
corruptam tunc perfidia
|
Matins verse 2
|
Magnam gentem copiosam
rebus miris speciosam
nominatam antonia
|
Matins respons 3
|
Replent terram semine
divini verbi germine
pleno fructum percipiunt
sacramenta tribuentes
convertendo cunctas gentes
fideles sic efficiunt
|
Matins verse 3
|
Orantes ab heresibus
forinsecus ab hostibus
civitatem eripiunt
|
Matins respons 4
|
Orta fames cives ferit
gens clamabat quia perit
confessorum auxilium
et ferte dicunt populis
cras vestris coram oculis
videbitis suffragium
|
Matins verse 4
|
Reperiuntur frugibus
mane sanctorum precibus
horrea plena civium
|
Matins antiphon 7
|
Domine sine macula
tui confessores
sacri montis per secula
fiunt possessores
|
Matins antiphon 8
|
Domine in virtute
tua letabantur
a sua iuventute
cum te sequebantur
|
Matins antiphon 9
|
Domini potencia
sanctis est collatum
servare pudicicia
cor immaculatum
|
Matins antiphon 10
|
Exaudivit dominus
preces confessorum
liberans eos protinus
de manu malignorum
|
Matins antiphon 11
|
Te decet hymnus domine
qui habitans in homine
templum facis sanctitatis
omnis replens bonitatis
|
Matins antiphon 12
|
Bonum nobis confiteri
est domino altissimo
psallere qui misereri
ut pater scit piissimo
|
Matins respons 5
|
Nocte sanctis orantibus
vandalis quiescentibus
omne bladum exterius
simul fertur interius
angelico presidio
|
Matins verse 5
|
Eterne rex clemencie
novum genus potencie
sanctorum dat arbitrio
|
Matins respons 6
|
Irate gentes effere
ad arma currunt propere
spoliate cibariis
presse famis angustiis
|
Matins verse 6
|
Faciunt pro lapidibus
afflictis plagis variis
proici panes hostibus
|
Matins respons 7
|
Mira res et laude digna
fit clemencia benigna
turba nocere cupiens
gustato pane furiens
turbata cepit fugere
queque prerupta petere
|
Matins verse 7
|
Instante tota civitas
ad laudes surgit debitas
tanto recepto munere
|
Matins respons 8
|
Una voce tollitur
iustus constituitur
pontifex civitatis
docet mundum spernere
celum semper querere
locum securitatis
|
Matins verse 8
|
Novus presul factus gregis
formam tenet summi regis
sedem humilitatis
|
Matins (gospel) special antiphon
|
Sanctorum sapienciam
narrabat omnis populus
eorum providenciam
quia cernebat oculus
|
Matins respons 9
|
Fabricant ecclesiam
domum oracionis
foris portam antonie
prestant ibi graciam
causa devocionis
euntibus cottidie
|
Matins verse 9
|
Vacabant sacris studiis
hymnis psalmis ieiuniis
doctrinarum vigiliis
|
Matins respons 10
|
Elegerunt asperrimum
ferarum animalium
locum valde deterrimum
demonum infernalium
|
Matins verse 10
|
Consecrant dei laudibus
fit sacrum domicilium
cunctis purgatum sordibus
|
Matins respons 11
|
Carnis degentes sensibus
succurrebant dolentibus
quibuscumque languoribus
suis oracionibus
|
Matins verse 11
|
Imperant demonibus
pellunt de corporibus
assistunt invocantibus
|
Matins respons 12
|
Iusta iustis venit dies
quo perennis datur quies
viancium laboribus
redditur simul gloria
conformis par victoria
iusto et clementi fratribus
|
Matins verse 12
|
Ecce vere datur vita
digna mortali finita
domini confessoribus
|
| |
Lauds antiphon
|
Terret pena detrahentes
beatis confessoribus
duos qui fiunt rigentes
corporis membris omnibus
|
Lauds (gospel) special antiphon
|
Benedictus rex glorie
sit qui celestis patrie
regni confert munus
sanctis quorum precibus
nobis supplicantibus
det trinus et unus
|
| |
Prime antiphon
|
Horarum vigilie
per hos sunt custodite
nunc ad bonum glorie
audiunt venite
|
Terce antiphon
|
Fideles isti domini
servi sunt probati
suo dantes nomini
que sunt operati
|
Sext antiphon
|
Beati servi vigiles
hi patres sunt inventi
bono pastori similes
errantibus intenti
|
Nones antiphon
|
Horum sacrata servitus
deo grata probatur
que festum sancti spiritus
semper concomitatur
|
| |
2nd Vespers (gospel) special antiphon
|
Magnificat divinitas
confessores virtutibus
sanctorum immortalitas
probatur ex operibus
graciam prestancium
quibuscumque languentibus
optatum presidium
cunctis dant petentibus
|
full office name: