| |
| |
Vespers antiphon 1
|
Plaudat mater ecclesia
novis laudum preconiis
quam iuliane gloria
festivis replet gaudiis
|
Vespers antiphon 2
|
Hec nata de nobilium
prefectorum progenie
patris matris insignium
civium nicomedie
|
Vespers antiphon 3
|
Ab annis puerilibus
sacris imbuta moribus
sponsum christum preelegit
cui totam se subiecit
|
Vespers antiphon 4
|
Sprevit omnem viri torum
hostis manens viciorum
conservare volens statum
virginalem illibatum
|
Vespers respons
|
Trahentes ad interitum
igni martyr proicitur
sed gaudens tradit spiritum
dum caput ense ceditur
|
Vespers verse
|
Honor virtus et gloria
sit christo sponso virginum
qui nos ad celi gaudia
ducat post vite terminum
|
Vespers (gospel) special antiphon
|
Ad honorem iuliane
contemptricis pompe sane
persolvamus laudis melos
hac qua die scandit celos
in vestitu speciosa
solis more luminosa
sponso iesu presentata
sit pro nobis advocata
|
| |
Matins I
|
Regem regum adoremus
voce votis honoremus
qui iulianam hodie
heredem fecit glorie
|
Matins antiphon 1
|
Admirabilis domine
comprobaris in virgine
humanas que blandicias
sprevit atque delicias
|
Matins antiphon 2
|
Celi narrabant gloriam
perpetuam se querere
non mundi transitoriam
que noscitur deficere
|
Matins antiphon 3
|
Hec est generacio
querencium dominum
perseverans nacio
sacratarum virginum
|
Matins antiphon 4
|
In virginis labiis
est gracia diffusa
nam cesa suppliciis
stabat inconfusa
|
Matins antiphon 5
|
Deus noster refugium
fuit iuliane
patris nequam consilium
faciens inane
|
Matins antiphon 6
|
Dominum mirabilem
virgo laniata
fatetur laudabilem
celo iam beata
|
Matins respons 1
|
Iuliana nobilis
a patre flagellatur
ut immolet demonibus
minime mutatur
vacat dei laudibus
|
Matins verse 1
|
Christum dei filium
vocat in auxilium
exposita verberibus
|
Matins respons 2
|
Cesa datur iuliana
prefecto quam puniat
iudicis officio
movet iudex verba vana
ut eam emolliat
carnali contagio
|
Matins verse 2
|
Immortali servo quidem
inquit soli puram fidem
nulli iam consencio
|
Matins respons 3
|
In furore iudex motus
mente ceca captus totus
virginem expoliari
quattuor iubet mactari
ministrorum manibus
|
Matins verse 3
|
In tormentis vulti leta
domini stabat athleta
nullis lesa cedibus
|
Matins respons 4
|
Prefectus cepit fremere
se volens interimere
cecus iracundia
mandans statim viris illis
nudam appendi capillis
die fere media
|
Matins verse 4
|
Dura quassata procella
cuncta tolerat puella
mira paciencia
|
Matins antiphon 7
|
Fundamenta posuit
sancta sanctis montibus
oleum hec habuit
intrans cum prudentibus
|
Matins antiphon 8
|
Cantate regi virginum
omnis terra canticum
hec sancta propter dominum
carnis vitavit lubricum
|
Matins antiphon 9
|
Dominus sapiencia
triumphum dedit virgini
de mundi malicia
sanctorum iungens agmini
|
Matins antiphon 10
|
Cantate mirabilia
que dominus ostendit
dum cuncta visibilia
martyr hec vilipendit
|
Matins antiphon 11
|
Dominus glorificavit
in eterno solio
virginem que triumphavit
perpesso supplicio
|
Matins respons 5
|
Tyrannus magis seviens
illatis nil proficiens
tormentis crudelius
ollam plumbi bullientis
super caput pacientis
fundi iubebat sepius
|
Matins verse 5
|
Penam libenter paciens
pro christo mori cupiens
nil reputabat carius
|
Matins respons 6
|
Religata post catenis
reservanda novis penis
iuliana ergastulo
datur adminiculo
sublato ministrantis
|
Matins verse 6
|
Non defuit solacio
divina miseracio
angeli consolantis
|
Matins respons 7
|
Nocte satan veniens
angelum se menciens
bonum dicit talia
cur tam dura pateris
tuis membris teneris
sunt hec nimis gravia
|
Matins verse 7
|
Christo placent minime
nec tue prosunt anime
perpessa supplicia
|
Matins respons 8
|
Dubitavit primitus
sed docetur celitus
capere demonium
interrogat quid ageret
quod homines deciperet
hoc suum officium
|
Matins verse 8
|
Amat fraudes odia
quelibet convincia
nutrit cum discordia
|
Matins (gospel) special antiphon
|
Quasi rosa vel lilium
plantata secus fluvium
fructus fecit honestatis
viam servans puritatis
|
Matins respons 9
|
Educta de carcere
summe verberatum
trahit dei munere
demonem ligatum
in lutum proiciens
|
Matins verse 9
|
Vade inquit in infernum
christianos in eternum
sinas leo rugiens
|
Matins respons 10
|
Preceptoris imperio
rota grandis erigitur
in ipsa dum extenditur
carnificum officio
tota conquassatur
|
Matins verse 10
|
Angelus statim adfuit
rotam illam comminuit
mox virgo liberatur
|
Matins respons 11
|
Numero quingenti viri
signo viso tanti miri
se fecerunt baptizari
qui sunt iussi decollari
|
Matins verse 11
|
Centum triginta femine
confidentes in virgine
viris petunt sociari
|
Matins respons 12
|
Iuliana ad premium
virgo presentata
capite minuitur
corpus terre linquitur
anima secura
intrat celi gaudium
|
Matins verse 12
|
Christo mente semper iuncta
vita vivit vita functa
|
| |
Lauds antiphon
|
Dominus fortitudinem
iuliane tribuit
quando nullam gravedinem
tormentorum timuit
|
Lauds (gospel) special antiphon
|
Flor iuliana virginum
ora pro nobis dominum
pro nobis virgo christi
ut mundi post exilium
intremus celi gaudium
martyr quod meruisti
|
| |
Prime antiphon
|
Hec est virgo sapiens
de numero prudentum
devote custodiens
virgineum talentum
|
Terce antiphon
|
Ista virgo sapiens
inventa margarita
mundana despiciens
comparavit ita
|
Sext antiphon
|
Benedixit creatorem
suis in operibus
virginalem servans florem
datum celi civibus
|
Nones antiphon
|
Duo minuta protulit
quod est quadrans obtulit
corpus tormentis tradidit
animam celo reddidit
|
| |
2nd Vespers (gospel) special antiphon
|
Glorificat miraculis
iulianam divinitas
in qua divinis oculis
mira fulsit fidelitas
quam graciarum titulis
sollemnem fecit populis
virginalis integritas
|
full office name: