full office name: IULIANA of Nicomedia (n2)
edition: AH 26 #65
calendar:February 16
structure summary: Vespers: A5RE
Matins: secular
Lauds: A5E
2nd Vespers: E +
Vespers: R
poetic forms: Vespers: oloii{lh}.v
Matins: o.sii{lh3}sgo{lh3}lni{lh3}
Lauds: vxlig.v
2nd Vespers: .l
Vespers: {is;p} [”q]
type of saint: virgin martyr
geographical information:N, Italy
notes:martyr
virgin / feria 5
Persons: Iuliane Iuliana
Places: Tartareum

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Psallat mater ecclesia
dulci cum symphonia
recensendo celebria
iuliane sollemnia
Vespers antiphon 2
Hec quasi fetorem
christi flagrans per amorem
sic mundi florem
mundique sprevit honorem
Vespers antiphon 3
Per virtutum incrementa
carnis horrens blandimenta
servans fidem christo soli
leta scandit arcem poli
Vespers antiphon 4
O flos virens inter paradisi lilia
iuliana virgo pia
veri solis filia
deo nos reconcilia
Vespers antiphon 5
Plaudat sion filia
laudum cum canore
adsunt nunc sollemnia
virginis decore
iuliane sponse christi
que suo cruore
lota felix in celesti
gaudet iam decore
cuius christe sancta prece
purgans a peccati fece
iunge nos celestibus
Vespers respons
Que geminis felix
ornaris virgo triumphis
martyr cum roseis
rutilans iuliana coronis
splendida virgineis
florescis femina sertis
Vespers verse
Sis memoratrix
famulorum sancta tuorum
qui tibi devote
famulantur nocte die+que
Vespers (gospel) special antiphon
Gaude celum terra plaude
dies adest digna laude
plena dies gloria
qua iuliana antiquum
castitatis inimicum
elisit victoria
pia mater et matrona
tuis sanctis precibus
interventrix et patrona
sis pro nobis omnibus
 
Matins I
Regi regum iubilantes
laudem per insignia
exultemus venerantes
iuliane sollemnia
Matins antiphon 1
Hec celi divicias
estimabat copiam
et mundi delicias
reputabat inopiam
Matins antiphon 2
Sic enim in christo
fundata fuerat
quod ab ipso separari
penitus non poterat
Matins antiphon 3
Coniugalem suum sprevit
et intra se decrevit
idola patris respuere
et christo regi credere
Matins respons 1
Fulgebat sancta
triplex decus in iuliana
nobilitas generis
et virtus nobilitatis
Matins verse 1
Martyrii laudatur in hac
victoria plus quam
Matins respons 2
Exutam virgis
iussit cedi pater eius
a sponso propriis
suspensa fuitque capillis
Matins verse 2
Ut satanam coleret
et christum pure negaret
Matins respons 3
De plumbo plena
post hec succenditur olla
que succensa suos
guttis furentibus ussit
Matins verse 3
Sed sibi nil potuit
succensio dira nocere
Matins antiphon 4
O mira insania
a patre tenerrima
flagellatur filia
quia spernit idola
Matins antiphon 5
Carnifices credentes
inquiunt prefecto
nos pati supplicia
cupimus pro christo
Matins antiphon 6
Tunc precepit credentes
christo omnes decollari
qui cum palma martyrii
meruerunt coronari
Matins respons 4
Carcere clausa manet
hanc infer evertere temptat
quem vinctum tenuit
et vinclis dire cecidit
Matins verse 4
Ne plus multaret
sibi crimina multa fatetur
Matins respons 5
Hostem tartareum
secum duxit religatum
ac in stercus eum
proiecit sordibus unctum
Matins verse 5
Sic quoque deceptus
discessit denique victus
Matins respons 6
Machina rotatur
rota ferrea flexa paratur
in quam contrahitur
sed penitus annihilatur
Matins verse 6
Angelus hanc fregit
et eam de morte redemit
Matins antiphon 7
Cum virginali turma
sequitur in stola candida
iuliana sanctissima
agnum sine macula
Matins antiphon 8
In celesti solio
servit dei filio
cum castitatis lilio
Matins antiphon 9
Vicit cum triumpho
seculum inane
et cum martyrii gladio
finivit vite certamen
Matins respons 7
Post hec ex lignis
magnus succenditur ignis
in quem iactatur
sed virgo mox liberatur
Matins verse 7
Stans autem libere
deum benedixit in igne
Matins respons 8
Conflato vere
corpus perfunditur ere
hoc deus examen
sibi contulit esse solamen
Matins verse 8
Ut constans fieret
et firmior inde maneret
Matins respons 9
Post hec tormenta
ducitur iuliana beata
ad decollandum
que post se vociferantem
audivit demonem
tortores sicque rogantem
Matins verse 9
Non ei parcatur
sed ei caput ense feratur
 
Lauds antiphon 1
Beata iuliana
sublimata in celis
que supplicia plurima
perpessa est fidelis
Lauds antiphon 2
Deo cum leticia
serviens puella
sub patris manibus
sustinet flagella
Lauds antiphon 3
Preses rotam ferream
iussit preparari
in qua membra tenerrima
precepit laniari
Lauds antiphon 4
Misit dominus angelum
suum de celis
qui ignem comminuit
et illesam custodivit
Lauds antiphon 5
In tantis suppliciis
iuliana fidelis
benedixit dominum
iugiter de celis
Lauds (gospel) special antiphon
Quasi stella matutina
quam illustrat lux divina
in conventu cum concentu
iuliana celestium
gaudet luminarium
 
2nd Vespers (gospel) special antiphon
Vergentis ad vesperam
mundi vitam prosperam
iuliana despiciens
non retro respiciens
ad ea se extendit
que iam comprehendit
 
Vespers respons .a1
O lampas ecclesie
rivos fundens olei
medicina gracie
incrementum fidei
tutelam prestans pavidis
calorem minus fervidis
languidis medelam
Vespers verse .a1
Tu dei saturitas
oliva fructifera
cuius lucet exitus
et resplendent opera