full office name: IOSEPH (n1)
edition: AH 26 #61
calendar:March 19
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: vvovv.v
Matins: v.v3{v,vf,vo}vvo{qv,vo,vf}vvo{ov,v,v}
Lauds: oiv3.v
2nd Vespers: .v [”q]
type of saint: confessor
notes:confessor
Persons: Herodes Gabriele
Places: Egyptum Nazareth Egypto Nazareth

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Ioseph exortus regia
de stirpe predicatur
dignus regali gloria
in celis comprobatur
Vespers antiphon 2
Nam sponsus erat virginis
que celi est regina
mater dei et hominis
et mundi medicina
Vespers antiphon 3
Senex expers libidinis
puellam desponsavit
et virtus sacri flaminis
hos coniuges sacravit
Vespers antiphon 4
Sine carnali copula
coniugium servatur
et germen sine macula
divinum procreatur
Vespers antiphon 5
Hec plebs deum magnificat
pro ioseph dignitate
qui sponsum christum typicat
in sua castitate
Vespers (gospel) special antiphon
Gaude ioseph fili david
quem tam magno decoravit
deus privilegio
ut sis sue matris custos
computatus inter iustos
credens dei nuncio
non relinquis desponsatam
sed in fide commendatam
observans puerperam
obsecra marie natum
ut se nobis det placatum
collocans ad dexteram
 
Matins I
Ioseph iustus vigilavit
in timore domini
christo nato iubilavit
congaudendo virgini
Matins antiphon 1
Impiorum consilium
beatus vir despexit
a verbis malignancium
sponsam suam protexit
Matins antiphon 2
Dum christum natum perdere
herodes cogitavit
hunc in egyptum propere
sanctus ioseph portavit
Matins antiphon 3
De regno suo filius
marie profugatur
nec murmurat egregius
ioseph dum comitatur
Matins respons 1
Dum virgo votum faceret
ut virum non acciperet
presul templi tristatur
orans deum consuluit
quis desponsare debuit
puellam revelatur
Matins verse 1
Qui tenet sceptrum virgule
florentis hic puellule
pro sponso comitatur
Matins respons 2
Accepit ioseph virginem
nullam habens libidinem
preceptis pariturus
nazareth virgo rediit
bethlehem ioseph transiit
nupciis provisurus
Matins verse 2
Ioseph quidem ignorante
virgo fecundatur
gabriele nunciante
christus incarnatur
Matins respons 3
Ioseph admirans stupuit
quis sponsam impregnavit
sed virgo rem exposuit
et sponso revelavit
qui fidem quidem prebuit
sed fugam cogitavit
Matins verse 3
Sicut petrus pertimuit
dicens recede domine
sic se indiguum censuit
ioseph stare cum virgine
Matins antiphon 4
Ioseph vagus cum parvulo
egypto commoratur
abiectus sic a seculo
in deum delectatur
Matins antiphon 5
Faber arte lignaria
vivebat cum uxore
acquirens necessaria
ex manuum labore
Matins antiphon 6
Hec est regis familia
ioseph cum sancta virgine
sic degit in infancia
assumpto christus homine
Matins respons 4
O ierusalem filie
ecce regina glorie
in bethlehem ascendit
quam ioseph vir obediens (-)/ deducit et defendit
Matins verse 4
En comitiva regia
tam parva computatur
mater regis eximia
asello deportatur
Matins respons 5
Ioseph dat deo gracias
sacras servans excubias
nato rege messia
minister fit precipuus
et comes individuus
ubi pergit maria
Matins verse 5
O paupertatis precium
rex expectatus gencium
fecit fabrum lignarium
esse suum nutricium
Matins respons 6
Hic senex david filius
paranymphus egregius
marie vir electus
christi fidus nutricius
pro meritis sublimius
in celis est provectus
Matins verse 6
Inter patres computatus
stat antique legis
in conspectu laureatus
fulget summi regis
Matins antiphon 7
Sanctus senex cum virgine
tam castus habitavit
quod numquam suo famine
verbum turpe ructavit
Matins antiphon 8
Torum ioseph et virginis
sanctum et impollutum
rore sue dulcedinis
sacravit rex virtutum
Matins antiphon 9
Christo regi iudicium
ablatum est dum exulat
iam tenet regni solium
et sanctum ioseph infulat
Matins respons 7
Ex egypto revertentem
nazarethque venientem
ioseph deducit parvulum
cum parentibus profectus
puer illis est subiectus
miretur omne seculum
Matins verse 7
Pater mater requirebant
hunc dolentes triduo
christum templo dum videbant
congaudebant mutuo
Matins respons 8
Felix obediencia
cuius virtus eximia
effulsit incessanter
in matre atque filio
parent ioseph imperio
et serviunt letanter
Matins verse 8
Ioseph sponsam veneratur
ministrans fideliter
virgo sponso famulatur
cum nato hilariter
Matins respons 9
Salve ioseph serve christi
qui constanter contrivisti
dentes detrahencium
pro maria respondisti
cuius promptus defendisti
castitatis lilium
deus summus te amavit
et te dignum estimavit
suum thesaurarium
Matins verse 9
Confer nobis ioseph pie
pudoris signaculum
offer nato nos marie
ut det pacis osculum
 
Lauds antiphon 1
Stola decoris induit
christus suum nutricium
et senatorem statuit
intra celi palacium
Lauds antiphon 2
Ioseph in paciencia
servivit in leticia
uxor sibi date
iam astat throno glorie
et videt clara facie
deum in maiestate
Lauds antiphon 3
Promissionum credulus
messie regnum sedulus
siciebat dicendo
o si vivens inspiciam
completam dei graciam
et psallam congaudendo
Lauds antiphon 4
Messias in infancia
crescens etate gracia
cum ioseph habitavit
tandem bonis operibus
plenus ioseph cum patribus
a seculo migravit
Lauds antiphon 5
Carnis motus refrenavit
hostis dolos superavit
perfecta victoria
in virtute consummatus
sanctus senex coronatus
residet in gloria
Lauds (gospel) special antiphon
Custos thesauri regalis
paranymphus nupcialis
eunuchus puerpere
pater christi non natura
sed pro nutriendi cura
sicut tradunt littere
gestans typum prelatorum
qui sunt patres populorum
sponsique ecclesie
iuste senex placa regem
ut cum matre ducat gregem
ad ovile glorie
 
2nd Vespers (gospel) special antiphon
Ioseph accrescens filius
cum sit christi nutricius
fit pater plurimorum
marie sponsus inclitus
omni virtute preditus
exempla prebet morum
carnis motus refrenavit
hostis dolos superavit
perfecta victoria
in virtute consummatus
sanctus senex coronatus
residet in gloria