| |
| |
A verse LR
|
Fili marie virginis
lux lucis lumen mencium
nos redde tibi placidos
in lumine vivencium
|
A verse LV
|
Illuminatos radio
splendoris tue gracie
sancti ioannis meritis
duc nos ad lucem glorie
|
A verse CA
|
Erumnis mundi variis
afflictis et merentibus
sancte ioannes subveni
nobis beatis precibus
fac ut purgati viciis
et peccatorum sordibus
intremus locum glorie
quo fruamur celestibus
|
A verse IR
|
Ioannes plenus gracia
fide pollens et moribus
deo gratus et homini
fulsit in suis actibus
|
A verse IV
|
Lucis exempla proximis
lucernas tenens manibus
ardentes quibus dominum
laudent monstrat operibus
|
A verse IA1
|
Ioannes iustus pontifex
laboravit finaliter
quem christus nunc remunerat
viventem eternaliter
|
A verse IA2
|
In eterne iustissimus
ioannes est memoria
qui nunc cum sanctis omnibus
perenni gaudet gloria
|
A (gospel) verse _E
|
Christum fideles hodie
magnificent magnificum
qui ioannem magnificat
dans sibi regnum celicum
|
A verse B$
|
Concelebret ecclesia
confessoris sollemnia
ioannis cum leticia
qui fide verbo claruit
sanctitate resplenduit
miraculis emicuit
|
| |
A M _R1
|
Ianuensis diocesis
festivo gaude gaudio
que tuum germen aggregas
confessorum collegio
ioannem qui te adiuvat
multiplici suffragio
|
A M _V1
|
Huius ioannis meritis
suffragiis et inclitis
tanto magis adiuvaris
hunc quo magis veneraris
|
A M _A1
|
Villa camulli nascitur
ioannes de parentibus
ianuensis diocesis
valle rechi nobilibus
|
A M _R2
|
Humilitatis gracia
fuit ioannes preditus
trino refecit pabulo
gregem pastor sollicitus
pietatis operibus
hic totus fuit deditus
hic relevare miseros
et consolari solitus
|
A M _V2
|
Hic famelicos pascebat
hic et nudos vestiebat
sicientes hic potabat
egros captos visitabat
peregrinis hospicium
dat mortuis officium
|
A M _A2
|
Ioannes a parentibus
mediolanum ducitur
metropolis ecclesie
qui clericus efficitur
|
A M _R3
|
Ianuensis pontificis
sancti syri ad derium
ecclesiam edificat
pii ioannis studium
qui plebis sibi contulit
primatus beneficium
ut in chori pariete
scriptura dat indicium
|
A M _V3
|
Apostolorum omnium
syri marie variis
ioannes hanc magnificat
sacrosanctis reliquiis
|
A M _A3
|
A mediolanensibus
cunctis digne predilectus
ioannes in pontificem
merito fuit electus
|
A M _A4
|
Ioannes pastor similis
fuit viro sapienti
domum suam super petram
sapienter construenti
|
A M _A5
|
Nobis ioannes pontifex
tuum dona presidium
quo currentes in stadio
percipiamus bravium
|
A M _R4
|
In suis facultatibus
heredem hic instituit
ambrosii ecclesiam
quam gubernare studuit
ioannes per decennium
presul qui deo placuit
|
A M _V4
|
Quam dei thecam omnium
bonorum temporalium
suorum esse voluit
ut thesaurum in patria
inveniat cum gloria
in celis quem reposuit
|
| |
A Q $A
|
Talenta sacra duplicans
ioannes pastor ovium
intrat in sui domini
servus fidelis gaudium
|
A Q KA
|
Ad paradisi gloriam
merito christus provexit
ioannem gestu habitu
qui se totum hic despexit
|
| |
A L HR
|
Sic se ioannes humilem
coram cunctis exhibuit
an esset ipse pontifex
vix hic discerni potuit
humilitatis merito
cui porta celi patuit
|
A L HV
|
O quam felix humilitas
per quam vera sublimitas
veris datur humilibus
in celis iam regnantibus
|
A L LR1
|
Urso pio divinitus
ioannes hic apparuit
ubi eius quiesceret
corpus sibi exposuit
quod vidit ursus presuli
heriberto aperuit
quem regat ut extumulet
quod diu luto iacuit
|
A L LV1
|
Quia ioannem dominus
hunc venerari voluit
et corpus honorifice
reponi sibi placuit
heribertus sollicite
hoc adimplere studuit
|
A L LR2
|
Vallis de recho incole
leti portant ad patriam
sancti ioannis bracchium
costam simul et tibiam
thesaurum honorabilem
ad sancti reverenciam
|
A L LV2
|
Iuxta promissum construunt
venerandam ecclesiam
ad decus tanti presulis
laudem quoque ad gloriam
|
A (gospel) L _E
|
Benedictus ab omnibus
deus ioannis precibus
nos benediccionibus
benedicat celestibus
|
| |
A H _A1
|
In mundum deus veniens
passus crucis patibulum
per mortem suam liberat
a morte suum populum
cunctorum gloriacio
sit christi crucis passio
cuius sequens vestigia
ioannes est in gloria
|
A H _A2
|
Fideles deo populi
cantent laudes magnificas
qui mansiones tribuit
sancto ioanni celicas
|
A H _A3
|
Benedicite domino
celi terra maria
qui ioanni pontifici
regna dat celestia
|
A H _A4
|
In ioannis pontificis
festo laudet in tympano
deum fidelis populus
in chordis atque organo
|
A H B$
|
De ara sancti stephani
non poterant reliquie
moveri sancti presulis
donec opus ecclesie
fabricari promittitur
ad sue decus glorie
|
| |
A $_A1
|
Veneremur memoriam
ioannis venerabilem
ut hic in nostris precibus
se reddat exaudibilem
|
A $_A2
|
In prato carbonario
immobiles reliquie
sunt sancti donec redditur
sancto pratum plenarie
|
A $_A3
|
Sanctum ioannem dominus
supra multa constituit
qui super pauca sapiens
se sapienter habuit
|
A $_A4
|
Diebus suis domino
sacerdos magnus placuit
ioannes ante dominum
quia iustus apparuit
|
A $_A5
|
Pietatis operibus
se ioannes exercitat
contemplativus pontifex
activa vita militat
|
A $_A6
|
Ioannes sanctus pontifex
servus fidelis et prudens
novit mensuram tritici
dare gregi pastor studens
|
A $_A7
|
Conditum aromatibus
corpus ioannis conditur
michaelis ecclesia
qui vere sanctus colitur
|
A $_A8
|
Venerandis reliquiis
sancti ioannis obviam
caterva ianuensium
venit ad eius gloriam
|
| |
A K _A
|
A largitore gracie
datore omnis glorie
implora nobis graciam
ioannes atque gloriam
|
| |
A W _A
|
Humilitate preminens
ioannes venerabilis
pietatis operibus
caritate prestabilis
nostris devotis precibus
sis semper exaudibilis
per te donetur gloria
nobis interminabilis
|
full office name: