| |
| |
Vespers antiphon 1
|
Sidus ioannes oritur
preclara ex progenie
virtutum princeps colitur
ditatus divo munere
|
Vespers antiphon 2
|
Plaudat etruria
ornata floribus
penset et mystica
coruscet moribus
divina gracia
|
Vespers antiphon 3
|
Innocens spernit
natale solum
currit ad bravium
cum cernit polum
et fit mirificus
|
Vespers antiphon 4
|
Doctor theorice
vite catholice
spernit seculum
vivit celice
et hoc pro summa gloria
|
Vespers respons
|
O lux mirabilis
et immutabilis
ioannes lilium
et flos convallium
post donum gracie
confert et glorie
in celesti patria
|
Vespers verse
|
Summum presagium
fuga contagium
divino munere
|
Vespers (gospel) special antiphon
|
Salve decus confessorum
lux superna beatorum
funde vota et suspiria
apud deum mente pia
pro nobis supplicibus
quos acquire precibus
|
| |
Matins I
|
Adoremus creatorem
iubilantes laudibus
qui ioannem confessorem
celi iunxit civibus
|
Matins antiphon 1
|
Beatus in provincia
ioannes puer tuscie
est ortus de prosapia
spectabili florencie
|
Matins antiphon 2
|
Preventus est gracia
superni spectatoris
refulget nunc in gloria
seraphici decoris
|
Matins antiphon 3
|
Verus crucis imitator
habet inde graciam
cui caput se inclinans
agit reverenciam
|
Matins antiphon 4
|
Pompa mundi tunc relicta
crucem iam amplectitur
circumcidens se hebreus
christum totum sequitur
|
Matins antiphon 5
|
Ubi christus immolatur
vite sumit habitum
totus deo consecratus
solvit ade debitum
|
Matins antiphon 6
|
Tunc exustus caritate
hostia seraphica
agit christi largitate
iam signa mirifica
|
Matins respons 1
|
Patriarcha fit ioannes
servans christi regulam
fit deinde et monarcha
fruens dei gloriam
|
Matins verse 1
|
Exoremus patrem patrum
ut det nobis veniam
|
Matins respons 2
|
Summum decus paupertatis
atque paciencie
hic est doctor caritatis
atque innocencie
|
Matins verse 2
|
Imitemur preceptorem
vite evangelice
|
Matins respons 3
|
Hic expugnat sanctitatis
seva venalicia
atque munde castitatis
decolora vicia
|
Matins verse 3
|
Fuge simon pravitatis
atque immundicia
|
Matins respons 4
|
Princeps apostolicus
fretus divo munere
totus fit propheticus
almo christi germine
|
Matins verse 4
|
Fulget omnes suum velle
pro celesti colere
|
Matins antiphon 7
|
Abraham hic imitatur
se dicando domino
et isaac emulatur
labore longanimo
|
Matins antiphon 8
|
Israel est videns pater
intuens absencia
futura preterita
clarere fulgencia
|
Matins antiphon 9
|
Supplantator viciorum
iacob hic efficitur
et ioseph nulli castorum
morum iam ambigitur
|
Matins antiphon 10
|
Panem celi prophetalem
manducat cum fratribus
et eliam imitalem
eum facit angelus
?Imitalem [alt: ?]
|
Matins antiphon 11
|
Elementis dominari
probant mirabilia
terra pontus ether ignis
huius patris gracia
|
Matins antiphon 12
|
Fere martyr doctor virgo
pater iste cernitur
et cunctorum beatorum
premiis extollitur
|
Matins respons 5
|
Plaude turba parcitatis
tanto ditata munere
laudes funde largitatis
sacro depressas ubere
|
Matins verse 5
|
Te cibante gregem sanctum
mystico spiramine
|
Matins respons 6
|
Aaron virga frondet flore
fagus patris cum decore
et dat fructum cum odore
|
Matins verse 6
|
Nam virtutes operatur
quis popellus recreatur
|
Matins respons 7
|
Tamquam ioseph dat frumenta
sanctus pater monumenta
sed non deficit sementa
pre immensa caritate
|
Matins verse 7
|
Imitemur documenta
ut letemur sancte pace
|
Matins respons 8
|
Dum perquirit vilitatem
conspicit divinitatem
contemplatur trinitatem
fretus sic in iubilo
|
Matins verse 8
|
Sic sequantur nati patrem
quantum dat permissio
|
Matins (gospel) special antiphon
|
Cantet clerus melodizans
et ordo monasticus
ploret demon eiulizans
stetque sic perterritus
a religione
|
Matins respons 9
|
Aqua mundus delebatur
in noe diluvio
edes fasta quassabatur
ioannis imperio
|
Matins verse 9
|
Atque imber grassabatur
cum miro prodigio
|
Matins respons 10
|
Lucta mystica iacob fuit
sancta contemplacio
quem a sensu tunc privavit
diva benediccio
|
Matins verse 10
|
Sed ioanne reparatur
bracchii siccacio
|
Matins respons 11
|
Arca legis si fangatur
nulli mors effugitur
cum hic pater adoratur
mentis salus redditur
|
Matins verse 11
|
Perduc nos ad summum statum
in quo deus fruitur
|
Matins respons 12
|
Adhuc existens in carne
pater fit extaticus
angelum videt et sensu
et sic fit hierarchius
|
Matins verse 12
|
Qui deportet in superno
actus est mirificus
|
| |
Lauds antiphon 1
|
Dominus regnavit
cantemus iubilando
qui nos expiavit
patrem deprecando
|
Lauds antiphon 2
|
Iubilis in mysticis
prompte imprimatur
per quem mens devota
digne decoratur
|
Lauds antiphon 3
|
Deus deus meus
patri decantemus
cum sanctis patribus
semper vigilemus
|
Lauds antiphon 4
|
Benedictus pater ora
tu pro nobis deum
semper nos custodiens
ut colamus eum
|
Lauds antiphon 5
|
Laudent deum celi
spiritus iustorum
et ioannes inclitus
in cetu beatorum
|
Lauds (gospel) special antiphon
|
O sidus celicum
flos castitatis
decus innocencie
lux puritatis
lex penitencie
et pietatis
conforta nos
ioannes gracia
|
| |
Prime antiphon
|
Primum tempus agitur
in conversione
cum satan expellitur
fracta caucione
|
Terce antiphon
|
Tercium expenditur
virtutes excolendo
atque crux amplectitur
totum se vovendo
|
Sext antiphon
|
Sexta hora radians
ascendit sol in centrum
lucifer expellitur
et suum figmentum
|
Nones antiphon
|
Nona festum coluit
et cumulum virtutum
si demonem expulerit
qui facit servum mutum
|
| |
2nd Vespers antiphon 1
|
Fulget splendor vespertinus
firmat decor celestinus
in gracia et gloria
|
2nd Vespers antiphon 2
|
Vir beatus atque prudens
sit adiutor atque ducens
ad superna gaudia
|
2nd Vespers antiphon 3
|
Solis ortus laudet deum
qui salvavit patrem verum
antequam formaret eum
|
2nd Vespers antiphon 4
|
Collaudatur gens italica
facta est mirifica
in tanto patre beatifica
reciproco dulcore
|
2nd Vespers (gospel) special antiphon
|
Rex eterne doctor lucis
dirige virtute crucis
adopcionis quos vocasti
per ioannem quem salvasti
|
full office name: