| |
| |
Vespers antiphon 1
|
Vox iucunda cor exultans
vultus letus nil occultans
in se mesti tanti festi
psallant in obsequium
quo fit celo gaudium
|
Vespers antiphon 2
|
Hec est dies quam sacravit
precursoris et beavit
mors preciosissima
mors eterna laude digna
mors quam vite probant signa
signa preclarissima
|
Vespers antiphon 3
|
Carcer in palacium
luctus in solacium
ioannis mutatur
festum in supplicium
in luctum dominium
herodis firmatur
|
Vespers antiphon 4
|
Ave dulcis patriarcha
fluctuantes nos in arca
iugi sub diluvio
morte vitam da beata
terminari quam beata
subsequatur visio
|
Vespers (gospel) special antiphon
|
O christe mirabilis
cuius inscrutabilis
via sapiencie
decus innocencie
ioannes baptista
vite magisterium
factus improperium
legis agonista
cuius in derisum
petulantis femine
caput est precisum
|
| |
Matins I
|
Agno dei regi magno
quem ioannes predicavit
iubilemus domino
|
Matins antiphon 1
|
Vir beatus zelo legis
arguit nefarias
nupte fratris nupcias
et incestum regis
|
Matins antiphon 2
|
Rex adversus equitatem
legis subsannator
adversatur veritatem
sceleris amator
|
Matins antiphon 3
|
Insurgit hinc nequicia
virtus tribulatur
capitur iusticia
pietas ligatur
|
Matins antiphon 4
|
Conturbatur herodias
et in sanctum dei
gravi corde meditatur
dolos et insidias
|
Matins antiphon 5
|
Herodes vir sanguinum
viciorum fautor
patronus facinorum
criminis est auctor
!Auctor [alt: ?]
|
Matins antiphon 6
|
Deus admirabilis
qui post ignominiam
donas sanctis gloriam
et per pacienciam
humiles coronas
|
Matins respons 1
|
Mysterio mirabili
quo conceptus sterili
celitus donatur
ex grandevis nasciturus
quante puer sit futurus
gracie monstratur
|
Matins verse 1
|
Cuius ad indicium
editus ab angelo
nomen et officium
|
Matins respons 2
|
Salutis puerpere
salutantis reddere
gestiens affatus
exultat in utero
ac alludit puero
puer salutatus
|
Matins verse 2
|
Virginis in gremio
sciens esse deum
quod nequit eloquio
gestu prodit eum
|
Matins respons 3
|
Ioannes dum nascitur
mundo novus oritur
lucifer diei
lucescentis nuncius
vie factor previus
et precursor dei
|
Matins verse 3
|
Fide patrum imbuens
corda filiorum
ostendit incredulis
semitas iustorum
|
Matins respons 4
|
Vox clamantis in deserto
dum ioannes in aperto
herodis incestum
arguendo frustra studet
induratur et non pudet
sceleris scelestum
|
Matins verse 4
|
Innocens in carcere
clausus alligatur
cui furor adultere
mortem machinatur
|
Matins antiphon 7
|
Rex natalis sui cenam
primis et maioribus
magnam fecit et amenam
galilee ducibus
|
Matins antiphon 8
|
Apti diem temporis
videns herodias
impudici pectoris
intendit argucias
|
Matins antiphon 9
|
Execratur sanctitatem
absorpta deliciis
et infamat castitatem
delectata viciis
|
Matins antiphon 10
|
Testem vite detestata
ioannem in carcere
face mortis inflammata
non timet occidere
|
Matins antiphon 11
|
Postulata iusti nece
insana letatur
quando caput pro mercede
filie donatur
|
Matins antiphon 12
|
Cuius mox discipuli
corpus asportarunt
et honore tumuli
terre commendarunt
|
Matins respons 5
|
Rex profanus dum servandum
morte iusti iusiurandum
putat peius peierat
quando sacrum sacramento
necans dono tam cruento
saltantem remunerat
|
Matins verse 5
|
Ius irridet fas non videt
nefanda religio
dum per iocum prestat locum
iurans homicidio
|
Matins respons 6
|
Mira dispensacio
femine ludibrium
saltatricis premium
fit baptista dei
obstupescit racio
discipline speculum
fieri spectaculum
ebrie diei
|
Matins verse 6
|
Castitas opprimitur
profanatur sanctitas
veritas damnatur
|
Matins respons 7
|
Ortus sui diem festum
rex convivis instruit
sed non laute dum incaute
nece iusti destruit
et fas et honestum
|
Matins verse 7
|
Quis non recte dixerit
gaudium furorem
ubi vino miscuit
crapula cruorem
|
Matins respons 8
|
O iubar leticie
titulus virtutis
qui solem iusticie
dominum salutis
in secretis uteri
senciens gaudebas
et ad portas inferi
letus precurrebas
spem redempcionis
mortis in caligine
nuncians absorptis
|
Matins verse 8
|
Angelus officio
spiritu propheta
gabriele nuncio
natus ex effeta
|
Matins (gospel) special antiphon
|
Christi vates et legista
paranymphus et baptista
maior natis hominum
cure tibi dominum
sic sit prevenire
ut non nobis noceat
illa dies ire
|
Matins respons 9
|
Dira fames edax invidia
sanctum mactat inter convivia
esurit plus hominem
impudens regina
et infelix sanguinem
sitit inter vina
|
Matins verse 9
|
Mestus vere dies festus
funesta societas
fede dapes iusti cede
dum madet ebrietas
|
Matins respons 10
|
Triumphator hostium
triumpho potitus
carnis mundi demonum
derides garritus
herodes dominium
tuum fert contritus
|
Matins verse 10
|
O doctorum speculum
martyrum vexillum
virginum signaculum
portum da tranquillum
|
Matins respons 11
|
Angelus cognomine
vere maior homine
ioannes occiditur
pro lege paterna
dum zelat extinguitur
fidei lucerna
|
Matins verse 11
|
Erat enim sanctitate
lucens ardens caritate
|
Matins respons 12
|
Summa legis preco regis
et plus quam propheta
via morum dux iustorum
virtutis athleta
decollatur caput datur
manibus inceste
cuius scelus iusti zelus
damnat manifeste
|
Matins verse 12
|
Herodias imperat
impia scortatrix
et iussis obtemperat
filia saltatrix
|
| |
Lauds antiphon
|
Collaudemus dominum
omnis creature
terre maris hominum
et vite future
regem deprecemur
ut exuta carnis mole
cum baptista vero sole
amicti letemur
|
Lauds respons
|
Per eum qui constituit
te maiorem hominibus
et universis docuit
prestanciorem vatibus
|
Lauds verse
|
Te precamur assiduis
nos iuva precaminibus
|
Lauds (gospel) special antiphon
|
Benedictus es tu christe
verbum patris quod baptiste
prophetavit spiritus
digitus monstravit
in fide sincera
plebem tibi nos perfectam
in salutis viam rectam
dirige lux vera
|
| |
Prime antiphon
|
Salutaris dies ista
quam precursor et baptista
christi consecravit
dum pro veritate legis
per iniqui manum regis
mori non expavit
angelis laudabilis
nobis venerabilis
inferis excidium
desperatis gaudium
vere nunciavit
|
Terce antiphon
|
Ioannes legis terminus
et finis umbrarum
littere silencium
et vox prophetarum
immolatur femine
quando decollatur
infeste datus innocens
et sanctus inceste
|
Sext antiphon
|
Ecce quem divinitas
ipsa veneratur
cui de celo trinitas
tota revelatur
qui per vite meritum
angelus vocatur
hic tantus ad lubitum
femine damnatur
|
Nones antiphon
|
Scelerati iussu regis
dum zelator sacre legis
morti deputatur
imminente passione
stans erectus in agone
sic orat sic fatur
meum tibi domine
spiritum commendo
pro cuius me nomine
moriens impendo
|
| |
2nd Vespers (gospel) special antiphon
|
Magnificemus dominum
quem inter natos hominum
maior necdum natus
in matre salutatus
sciens salvatorem
exultans ut domino
detulit honorem
cuius veneranda passio
nos commendet virginis filio
|
| |
Matins respons 1.a
|
Infrunite femine
furor inflammatur
dum de tori crimine
iuste proclamatur
sed prophete sanguine
cruenta placatur
|
Matins verse 1.a
|
Adversatrix mens virtutis
vilipendit nec attendit
monita salutis
|
Matins respons 2.a
|
Rex aversa facie
lumini rebellis
inimicus gracie
vere versipellis
iure rupto sanguinis
vim facit nature
|
Matins verse 2.a
|
Dissipator federis
adinventor sceleris
pacis violator
|
Matins antiphon 3.a
|
Hic prophetis alcior
iste maior homine
despecte despeccior
merces datur femine
|
Matins antiphon 8.a
|
Arbitrum iusticie
temulenti rident
et lucernam gracie
immundi non vident
|
Matins antiphon 4.a
|
Triste nimis epulum
caput in scutella
quod quasi ridiculum
intulit puella
|
Matins respons 5.a
|
Baptista christi nobilis
amicus christi humilis
tu forma sanctitatis
pro tuis sanctis precibus
coniunge celi civibus
|
Matins verse 5.a
|
Ave fruens summo bono
sedens celi solio
intuens divinitatem
plenus omni gaudio
|
| |
2nd Vespers antiphon .a
|
Rex ioannem metuebat
quia sanctum hunc sciebat
cuius quasi stimulis
verbis pungebatur
sed infelix male functus
tanto viro nec compunctus
mortem merebatur
|
full office name: