| |
| |
Vespers antiphon 1
|
Hi duo nostri martyres
de clara tribu nobiles
in lubre civitate
gentiles in catholicos
rapti sunt in neophytos
pro christi caritate
|
Vespers antiphon 2
|
Sacer abundus ducitur
ad supplicium vehitur
quem rogat marcianus
natum ut restituat
vivum quem iam perdiderat
ut fiat christianus
|
Vespers antiphon 3
|
Sanctus illum resuscitat
ioannem qui dormierat
pristine sanitati
patrem natumque renovat
aqua salutis aggregat
fons vivus deitati
|
Vespers antiphon 4
|
Tres decollari precipit
cesar quos christus suscipit
in gloria celesti
quorum sacrata corpora
humat clara theodora
in predio campestri
|
Vespers antiphon 5
|
Et post annorum spacia
iubente christi gracia
hoc in templum delata
marciani sanctissimi
ioannis sacratissimi
corpora sunt beata
|
Vespers (gospel) special antiphon
|
O gloriosi principes
patroni nostri proceres
qui presulis ministerio
crescenciani sedulo
in hac aula sedetis
quique petri pontificis
ope summi artificis
miraculis fulgetis
ad deum intercedite
devota mente poscite
ut plebem istam augeat
virtutibusque muniat
|
| |
Matins I
|
Christum regem collaudemus
ioanni et patri iubilemus
|
Matins respons 1
|
Defunctum gemens filium
hic princeps marcianus
euntes ad supplicium
iam cernit quos insanus
cesar tunc infidelium
mittit dioclecianus
|
Matins verse 1
|
Ut vitam per martyrium
abundus deo carus
finiretque abundancius
per impiorum manus
|
Matins respons 2
|
Vir marcianus inclitus
inquirit sciscitatur
qui sunt quos chorus horridus
pungit trahit minatur
audit quod horum dominus
christus iesus vocatur
|
Matins verse 2
|
Per hunc virtutum omnium
suis potestas datur
per hunc et cunctis eciam
mors et vita donatur
|
Matins respons 3
|
Hic mestus dum illacrimat
obvius illis factus
orbum se nato clamitat
cordis dolore tactus
abundus sanctus flagitat
a quo est tibi raptus
|
Matins verse 3
|
Hic leto raptum explicat
anxio luctu fractus
|
Matins antiphon 4
|
Herculem summum adorate
et invicto iovi tura date
nisi ad tormenta properate
|
Matins antiphon 5
|
Sancti martyres dixere
et diocleciano respondere
te confundat altus deus
et te profanet unus deus
|
Matins antiphon 6
|
Vobis terminum prefixi
ut deponatis legem christi
et immolate diis veris
ut non deficiatis in his penis
|
Matins respons 4
|
Sacer abundus loquitur
in christo si nunc credis
anima tua salvabitur
et natum vivum habebis
tunc marcianus utitur
humiliter his verbis
|
Matins verse 4
|
Quidquid tu sancte iusseris
implere me videbis
|
Matins respons 5
|
Fer ille inquit filium
quem tantum deflevisti
videbis mirabilium
virtutem iesu christi
quem creatorem omnium
credas cordi non tristi
|
Matins verse 5
|
Verum dei filium
ut recte spopondisti
|
Matins respons 6
|
Viri tunc huius nobilis
cessat omnino fletus
quique fuerat flebilis
incipit esse letus
et mox lubram ingreditur
sequitur eum cetus
|
Matins verse 6
|
Filium tollit umeris
affert ut suscitetur
rapido cursu graditur
christum ut imitetur
|
Matins antiphon 7
|
Stulte miser insensate
redemptori tura date
et adorate crucifixum
et trinitatem in idipsum
|
Matins antiphon 8
|
Cepit imperator altercari
et sanctos in equuleo levari
iussit et capita truncari
|
Matins antiphon 9
|
Dum ad necem mitteret insanus
sanctos christi marcianus
exclamavit heu mihi
quia natum unicum amisi
|
Matins respons 7
|
Abundus orat suscitat
ioannem qui dormierat
patrem confestim renovat
et natum qui perierat
ex fonte qui vivificat
in mortem qui abierat
|
Matins verse 7
|
Quos fides spes et caritas
sic implet purgat recreat
ut qui christum non noverat
mori pro christo iam querat
|
Matins respons 8
|
Sic isti christi athlete
tunc pariter certantes
constantes et intrepidi
in nullo murmurantes
ab impio satellite
percussi sunt orantes
|
Matins verse 8
|
Et sic in agni sanguine
suas stolas dealbantes
ad regnum summe glorie
volarunt colletantes
|
| |
Lauds (gospel) special antiphon
|
Marcianus cum abisset
et ad locum pervenisset
ministri diri satane
noluerunt tantum sustinere
usque quo natum adduceret
ad locum autem venientes
nihil ipsum sustinentes
natum tollit ferens ad abundum
et simul pergit ad secundum
|
| |
2nd Vespers (gospel) special antiphon
|
Ottone magno imperante
silvestro papa trimphante
pax rediit ecclesie
a slavinis timentes
adalbertum perimentes
eorum pium presulem
at pius imperator militavit
slavoniam inde corpus apportavit
adalbertum et humavit
in mirabili ecclesia
inter duos pontes est constructa
urbe roma florida
ibi corpora deducta
abundi et abundancii
aliorum corpora multa
et beata theodora
|
full office name: