full office name: IOACHIM (n2)
edition: AH 26 #47
calendar:August 16
September 09
December 09
March 20
structure summary: Vespers: E
Matins: IA3R3.A3R3.A3R
Lauds: A5E
2nd Vespers: E
poetic forms: Vespers: .i
Matins: v.g3{T3}g3{T,T,io}g3{T}
Lauds: g5.s
2nd Vespers: .i [”]
type of saint: patriarch confessor
notes:Christ:
Persons: Ioachim Saram Rachelem

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Ave flos patriarcharum
ioachim
cuius est maria
et christus gloria
nos hic mala
turbant multiplicia
accelera
nobis remedia
ut sint accepta nostrarum
laudum cantica
 
Matins I
Christo iesu iubilemus
et psallamus pariter
cuius avo laudem demus
ioachim hilariter
Matins antiphon 1
Patriarcha ioachim
merito beatus
qui in via domini
stetit sublimatus
Matins antiphon 2
Presul bona ioachim
spernit et deridet
sed qui celis presidet
sanctam mentem videt
Matins antiphon 3
Voce magna dominum
invocans auditur
ad salutem omnium
voto stabilitur
Matins respons 1
Lux est orta
vere leticie
sit mens leta
expers mesticie
hunc ioachim
colamus hodie
Matins verse 1
Ex quo natus
flos innocencie
vite salus
arrhaque glorie
Matins respons 2
Concelebret
hec nostra concio
festum ioachim cum tripudio
cuius salvet
mundum cognacio
Matins verse 2
Nam generavit nostro seculo
dei matrem
sine piaculo
Matins respons 3
O ioachim
electe celitus
ex te ad vitam
est nobis reditus
unde celi
gaudet exercitus
Matins verse 3
Nobis sevis
dum hic ab hostibus
impugnamur
et carnis estibus
da resistemus castis actibus
Matins antiphon 4
Invocavit dominum
ioachim cum luctu
cui fuit postmodum
gaudium de fructu
Matins antiphon 5
Gloriatur plurimum
ioachim fidelis
qui per christum dominum
triumphat in celis
Matins antiphon 6
Perfecisti domine
sterilis decorem
que divino munere
mundo dedit florem
Matins respons 4
O reorum
dulce refugium
pater sancte
confer auxilium
his quos triste
gravat exilium
Matins verse 4
Ut laudemus
illius filium
cui astant
milia milium
ut impendat
his patrocinium
Matins respons 5
Pater alme
digne memoria
mundum levans
post fata tristia
cuius proles
reparat omnia
Matins verse 5
Datur cunctis
salus et gracia
quam producis
ex dulci filia
Matins respons 6
Firma fide crede
ne sis ultra dubius
anne uxoris tue
intumescet uterus
non dolebis sed gaudebis
immunis opprobrii
Matins verse 6
Saram rachelem recole
fidenter de montibus descende
Matins antiphon 7
Iste sine maculis
iugiter incessit
nunc in tabernaculis
sanctis requiescit
Matins antiphon 8
Prevenisti domine
ioachim et annam
gracie dulcedine
gignentes mariam
Matins antiphon 9
Omnes ergo celebrent
te patrem felicem
qui dedisti perditis
dei genetricem
Matins respons 8
Ave pater
nunc in sublimibus
nate iunctus
tuis fac precibus
ne serpentis
ledamur morsibus
quo fraus primis
venit parentibus
Matins verse 8
Tu nunc sanctis
presidens omnibus
da post mortem
iungi celestibus
 
Lauds antiphon 1
Ioachim prenobilis
induit decorem
administrans singulis
gracie splendorem
Lauds antiphon 2
Per eum reducitur
annus iubileus
cuius ex progenie
venit homo deus
Lauds antiphon 3
Columba revertitur
ramum dans olive
ioachim dum nascitur
flos virtutis dive
Lauds antiphon 4
Lignum vite attulit
labenti nature
cuius fructum concinunt
omnes creature
Lauds antiphon 5
Laus et honor domino
in excelsis detur
qui per germen ioachim
perditis medetur
Lauds (gospel) special antiphon
Benedictus dominus
visitans nos comminus
sua miti gracia
ioachim qui precibus
et sanctis nos actibus
collocet in patria
 
2nd Vespers (gospel) special antiphon
Magnificamus ioachim
te avum iesu christi
apostolos duodecim
tempore preiisti
tu radix es plantaria
palmitum nobilium
tu cella es vinaria
paterque floris virginum
ora pro nobis dominum