| |
| |
Vespers (gospel) special antiphon
|
Post primitive ecclesie
tempora a beato petro
apostolorum principe
iam rome summo presule
septem discipulis missis
hispanias ex illis
indalecius refulsit
predicacionis gracia
et virtutum gloria
|
| |
Matins I
|
Presens ut psalmus
monet indalecius almus
nobis laudandi
sit cause deumque precandi
|
Matins antiphon 1
|
Vir sanctus indalecius
christi quidem discipulus
est predicandi gracia
delegatus hispanias
|
Matins antiphon 2
|
Septem quidem discipulis
destinatis hispanias
ex illis indalecius
emicuit egregius
|
Matins antiphon 3
|
Septem christi discipuli
predicarunt hispanias
ex tam digno collegio
fulsit indalecius
|
Matins antiphon 4
|
Iam iesu christo domino
ascendente ad superos
hi septem viri iacobo
adheserunt apostolo
|
Matins antiphon 5
|
A petro septem traditis
hispanie episcopis
ex his est indalecius
urci factus episcopus
|
Matins antiphon 6
|
Confessor indalecius
tam verbis quam virtutibus
is convertit ad dominum
urcensis urbis populum
|
Matins respons 1
|
Cetus apostolicus
christi virtutis amicus
septem doctores
fidei iubet esse datores
|
Matins verse 1
|
Hispane genti
tunc idola vana colenti
|
Matins respons 2
|
A duce cunctorum
petro grex discipulorum
septem completur
legacio digna videtur
|
Matins verse 2
|
Ibant gaudentes
christi mandata ferentes
|
Matins respons 3
|
Doctrine munus
cepit indalecius unus
hic satis egregie
pollebat luce sophie
|
Matins verse 3
|
Erogat hispanis
divina pabula panis
|
Matins respons 4
|
Dum sancti peterent
loca dum diversa tenerent
insistens operi
venit indalecius urci
|
Matins verse 4
|
Que post mutata
fuit almaria vocata
|
Matins antiphon 7
|
Presul sanctus ieiuniis
intentus et vigiliis
exemplum pie vivere
tradebat plebi propere
|
Matins antiphon 8
|
Christi miles egregius
et presul indalecius
mundi functus victoria
migravit ad celestia
|
Matins antiphon 9
|
Urcensi in ecclesia
tumultus cum gloria
veris signis angelica
adherebat custodia
|
Matins antiphon 10
|
Dignis et visionibus
ut ad nos indalecius
sanctus transferri debeat
ostendit dei pietas
|
Matins antiphon 11
|
Militibus et monachis
in castris somno deditis
hic apparebat sepius
ut transferretur ocius
|
Matins antiphon 12
|
O indaleti inclite
presul doctor egregie
tua laude continua
qui celebramus merita
nos adipisci premia
fac in celesti gloria
|
Matins respons 5
|
Perpetue vite
dator indalecius iste
predicat et gentes
credunt errasse fatentes
|
Matins verse 5
|
Cum sociis dignis
resplendens dogmate signis
|
Matins respons 6
|
Hac hominum turbe
dans signa salutis in urbe
ut sibi sit sedes
christo sic et eligit edes
|
Matins verse 6
|
Cursum complevit
migrans hic et requievit
|
Matins respons 7
|
Cum quisquam nescit
quo sancti gleba quiescit
qua iaceant fossa
globus igneus indicat ossa
|
Matins verse 7
|
Vestibus et iuvenis
notat hoc indutus amenis
|
Matins respons 8
|
Dum situs est castris
sanctus vox intonat astris
ad te clamamus
confessor ne pereamus
|
Matins verse 8
|
Bellum sedatur
dum talia turba precatur
|
Matins (gospel) special antiphon
|
Alme confessor domini
presul regis eterni
indaleti consors sanctorum
concivis celestium
exaudi preces tuorum
sume vota supplicium
et pro nobis regem regum
ipsum posce dominum
|
Matins respons 9
|
Noctis hic absque mora
sacer indalecius hora
hinc ubi servatur
castris iubet moveatur
|
Matins verse 9
|
Quod loca sorderent
quibus illius ossa iacerent
|
Matins respons 10
|
Nocte quiescenti
cuidam sanctumque videnti
presul ut ornatus
vir protulit ista beatus
|
Matins verse 10
|
Dic monachis propere
me tollant qui rapuere
|
Matins respons 11
|
Sancti captivus
munimine dum fugitivus
aspicitur mire
liber iam gaudet abire
|
Matins verse 11
|
Hunc quem spectabat
dominus non esse putabat
|
Matins respons 12
|
O celi civis
qui et magnus in ethere vivis
indaleti morum
nos instrue luce bonorum
hos quibus est crebris
lux laudibus ista celebris
|
Matins verse 12
|
Translatus penne
dans munus habere perenne
conservare velis
domini tu preco fidelis
|
| |
Lauds antiphon 1
|
Eterni magnus dominus
regni decore preditus
nos induat virtutibus
quis fulsit indalecius
|
Lauds antiphon 2
|
Omnipotenti domino
iubilemus cum gaudio
de sancto indalecio
nobis patrono dedito
|
Lauds antiphon 3
|
Ad te de luce domine
nos vigilare annue
ut te mens nostra siciat
nobis hic sanctus faveat
|
Lauds antiphon 4
|
Quem in fornace liberi
benedixerunt pueri
benedicat nos meritis
beati indalecii
|
Lauds antiphon 5
|
Laudemus nomen domini
cum creaturis omnibus
per quem extat laudibilis
confessor indalecius
|
Lauds (gospel) special antiphon
|
Oramus pater inclite
indaleti piissime
ut nos per dei graciam
a malis cunctis eruas
et post vite huius cursum
celestem nobis impetra
|
| |
2nd Vespers (gospel) special antiphon
|
Exaltans humiles
deponens atque potentes
te deus oramus
pie rex et magnificamus
ceu canit hic psalmus
det ut indalecius almus
nos abrahe fieri
genus et promissa mereri
|
full office name: