full office name: IMERIUS (n1)
edition: AH 24 #81
calendar:June 17
structure summary: Vespers: A5E
Matins: A3R3.A3R3.A3RR
Lauds: A5E
2nd Vespers: E
poetic forms: Vespers: g5.o
Matins: g3{v,T,v}v3{Tx,v,T}x3{ov,ix}
Lauds: v5.T
2nd Vespers: .g [”]
type of saint: bishop confessor
geographical information:Amelia, Italy
notes:bishop
confessor
Persons: Imerius Imerium Imerii
Places: Abruzzia Cremona Meliam Cremone Brixia Cremonia Cremonensis

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Psallat hac sincerius
die plebs fidelis
qua pater imerius
natus est in celis
Vespers antiphon 2
Dum esset in corpore
christum est secutus
in primevo tempore
sacris institutus
Vespers antiphon 3
Quamquam tractus gesserit
presulatus curam
numquam tamen deserit
mentem deo puram
Vespers antiphon 4
Mundum a contagio
mundi se servavit
et celi collegio
sese coaptavit
Vespers antiphon 5
Carnis clausus carcere
dissolvi cupivit
et cum christo vivere
cum quo modo vivit
Vespers (gospel) special antiphon
Magnificat imerium
lux vere sapiencie
decor virtutum omnium
thesaurus christi gracie
 
Matins antiphon 1
Inclitus imerius
parvulus etate
vir erat iam validus
mentis probitate
Matins antiphon 2
Natus ex abruzzia
fuit hic beatus
puritatis gracia
digne sic vocatus
Matins antiphon 3
Christi famulatui
totus inherebat
et doctrine cultui
vigil intendebat
Matins respons 1
Superno docta lumine
cremona dirigatur
cordis absque velamine
christo confiteatur
per quem tanto munimine
protectus roboratur
Matins verse 1
Almi patris imerii
confessoris egregii
dum honore dicatur
Matins respons 2
Ab etatis
prime cunabulis
litterarum
imbutus studiis
dat se sacris
totum oraculis
voluptatis
liber a viciis
Matins verse 2
Mundi pompas
vitans attencius
homo dei
sanctus imerius
Matins respons 3
Beatus vir imerius
serviret ut liberius
deo maiori vita
maris in quadam insula
per annorum curricula
vixit anachorita
Matins verse 3
Ubi cordis in gaudio
angelico tripudio
proficiebat ita
Matins antiphon 4
Imerius rem nomini
quod purus explanatur
iungens antistes domini
pure conversabatur
Matins antiphon 5
Quidquid habere potuit
humane facultatis
pauperibus distribuit
amator paupertatis
Matins antiphon 6
In predicandi gracia
vir sanctus eminebat
quem virtus et sciencia
perfectum exhibebat
Matins respons 4
Utebatur
agresti pabulo
vir futurus
pastor in populo
crucifixus
impuro seculo
coheret
ut christo sedulo
Matins verse 4
Celesti curie
iungi promeruit
qui carnis glorie
florem exaruit
Matins respons 5
Ingressus urbem meliam
suo pastore viduam
dum precibus instatur
plebi per dei graciam
dignus ad sacram infulam
vir sanctus revelatur
Matins verse 5
Sic in domo deifica
cunctis ut sit lucifera
lucerna sublimatur
Matins respons 6
Transit tandem
pastor ad pascua
carnis morte
celi conspicua
iesu pie
nos per imerium
in celeste
duc refectorium
Matins verse 6
Te cupivit
dilexit docuit
prosit nobis
ut tibi placuit
Matins antiphon 7
Condolebat pater
pressis pauperie
sicut pia mater
nati miserie
Matins antiphon 8
Revelatur sancto
divino spiritu
hora qua de mundo
migravit obitu
Matins antiphon 9
Circa congregatis
pastorem ovibus
celi cum beatis
triumphat civibus
Matins respons 7
O rem dignam quam fecisti
sacris imeri laudibus
dum cremone tribuisti
te protectorem civibus
nobis ergo presul christi
tuis succurre precibus
Matins verse 7
Tu qui mundo claruisti
doctrinis et virtutibus
adsis pater choro isti
totis clamat viribus
Matins respons 8
Felix brixia
que natum genuit
plus tamen melia
que patrem habuit
ad hec per omnia
cremonia floruit
que sanctum tenuit
Matins verse 8
Imeri celice
christo nos socia
per quem magnifice
splendet ecclesia
 
Lauds antiphon 1
Laudis deo sonorius
plena vox offeratur
per quem presul imerius
in celo coronatur
Lauds antiphon 2
Hic sermone mellifluus
totum quod predicabat
primum in se vir strenuus
exemplo demonstrabat
Lauds antiphon 3
Almum quisquis hunc adiit
adversis occupatus
ovans adversa rediit
ad sua consolatus
Lauds antiphon 4
Divinus per imerium
cultus erigebatur
et demonis imperium
omnino fugabatur
Lauds antiphon 5
Collaudet omnis spiritus
hac die sacra deum
qua confessor hic inclitus
assumptus est ad eum
Lauds (gospel) special antiphon
Salve decus
omnis ecclesie
cremonensis
clara lux patrie
o confessor
imeri gracie
intercessor
nobis et venie
 
2nd Vespers (gospel) special antiphon
O pastor egregie
lucerna decora
speculum mundicie
vox christi sonora
vere penitencie
spacium implora
roganti familie
mortis astans hora