| |
| |
Vespers antiphon
|
Duplicator commissorum
ildefonse talentorum
te laudantem rege chorum
|
Vespers (gospel) special antiphon
|
O decus antistitum
honor sacerdotum
ildefonse debitum
cleri tui votum
presenta deo homini
cuius tu matri virgini
vera das testimonia
et impetrata venia
ex gracia
fac nos certos gloria
|
| |
Matins I
|
Ildefonsi confessoris
sectantes vestigia
christum cordis vocis oris
laudemus melodia
|
Matins antiphon 1
|
Hispalensi sedi
maximus isidorus
preerat qui erat
moribus omni+que
sciencia decorus
|
Matins antiphon 2
|
Huic dilecto preelecto
tenerum
doctor mittit et committit
puerum
|
Matins antiphon 3
|
Vir electus circumspectus
missum gaudens et applaudens
suscipit
et hunc boni instar doni
recipit
|
Matins respons 1
|
O miranda dignacio
supreme providencie
que toleti presidio
tantum das diligencie
alumnum huic divinitus
dans et fovens sollicitus
ut morum et sciencie
prelacio
hunc tanto sacerdocio
dignum ostendat penitus
|
Matins verse 1
|
Tu ildefonso parvulo
providisti isidorum
qui illum de discipulo
doctorem fecit decorum
sciencia facundia
per sanctos monitus
|
Matins respons 2
|
Integer a puero
adulescens factus
ut in evo tenero
carnis sprevit actus
et iam summam nactus
morum et sciencie
sic obediencie
patris est subactus
ut minorum numero
pareret ad actus
|
Matins verse 2
|
Mundus huic immundus
de se nil impressit
corde carne mundus
coevos excessit
mundicia prudencia
innixusque gracie
|
Matins respons 3
|
Iam illustris isidori
summa pericia
mente pensabat memori
quod diligencia
discipuli tam seduli
profecerit et statum
attigerit beatum
placet ergo sentencia
quod instans christi fenori
refulgeat in propria
ut in eterna patria
|
Matins verse 3
|
Dum potuit latuit
seculis
at condiscipulis
patuit
effervens gracia
|
Matins antiphon 4
|
Urbs imperialis
prolis parens talis
gaude plaude
quem misisti disciturum
nunc admitte te recturum
|
Matins antiphon 5
|
Alumno remeanti
presul eugenius
cum clero exultanti
occurrit obvius
|
Matins antiphon 6
|
Clerus cives
pauper dives
toleti
hinc exultant
hinc resultant
leti
|
Matins respons 4
|
Succedente iam iuventa
sacre adulescencie
consuetudo retenta
pie misericordie
cottidie
operibus invigilat
vota carnis annihilat
ieiuniis vigiliis
et oracionibus
insudando
|
Matins verse 4
|
Laudes humanas respuit
soli deo attribuit
quod cogitat quod actitat
obsecrando
|
Matins respons 5
|
Lucerna que sub modio
diu latuerat
iam erumpente radio
late se reserat
presul sanctum considerat
sacroque diaconio
quamquam invitum onerat
et honorat
|
Matins verse 5
|
Hunc laboris hunc honoris
fortem consortem
eligit diligit
et implorat
|
Matins respons 6
|
O stupenda perfeccio
in etate tam tenera
omnis mundi blandicio
ildefonso fit aspera
et contra mundi prospera
tanta surgit suspicio
quod mundanorum tedio
huic vita placet altera
|
Matins verse 6
|
Spreta mundi gloria
ad sanctorum monachorum
se transfert collegia
|
Matins antiphon 7
|
In ipso iam inicio
claro virtutum radio
toti fulsit cenobio
|
Matins antiphon 8
|
Cunctis momentis proficit
iuvenis nec extollitur
et dum se parvum efficit
in abbatem preficitur
|
Matins antiphon 9
|
Iam toletum iam patriam
sancti fama repleverat
quid moror iam hispaniam
et longe plus excesserat
|
Matins respons 7
|
Eugenio decedente
vacat sedes tunc repente
pari mente
clerus ac populus
toleti sedulus
ildefonsum arripiunt
metropoli preficiunt
hunc leti
|
Matins verse 7
|
Ildefonsus egregie
datur sponsus ecclesie
nam cives urbis regie
vi freti
|
Matins respons 8
|
En civitas
in monte posita
en sanctitas
viri precognita
longe patet
huic vita inclita
gregi sollicita
exhibita officio
in tanto sacerdocio
ut poscit dignitas
numquam latet
|
Matins verse 8
|
In agendo presulis
stupenda miraculis
recolenda seculis
fama scatet
|
Matins respons 9
|
Martyr eximia
leocadia
de ventre tumuli
prosilivit
et sancto presuli
apparuit
rege teste ac populo
sed maiori miraculo
illa virgo virginum
salus hominum
visa fuit huic in ecclesia
data veste nocte ut media
|
Matins verse 9
|
Apparens huic humanitus
vestem allatam celitus
huic obtulit
et contulit
lux luminum
dux agminum
|
| |
Lauds antiphon 1
|
O celebs virginitas
integritas
huic sancto prebuit
quod nulli meruit
alii dignitas
|
Lauds antiphon 2
|
Redivive martyris
que huic pre populo
apparuit tenuit
vestem et secuit
regis canipulo
|
Lauds antiphon 3
|
O fidei devocio
sectam sacrarum vestium
partem cultrumque regium
digne mandat sacrario
|
Lauds antiphon 4
|
Inde vox virginis
hunc trans ius hominis
verbis laudat in his
|
Lauds antiphon 5
|
Ildefonso ascribitur
quod mea domina
celi regina
vita fruitur
|
Lauds (gospel) special antiphon
|
Ildefonse
sidus hesperie
digne sponse
huius ecclesie
ad pium regem glorie
filium pie marie
nostra defer suspiria
et diva maria
que te in hac ecclesia
celi cohorte socia
sacra ditavit infula
sit tecum nato sedula
pro urbe hac et omnibus
christum deum colentibus
|
| |
Terce respons
|
Lux refulget hodierna
preclaris titulis
ildefonsus ad superna
fulgens miraculis
digne progreditur
iam perfruitur
eterna gloria
in celi curia
cum senatu
gaude urbs regia
de tanti presulis
patronatu
|
Terce verse
|
Toletum debitis
insiste cultibus
hic tuo placitis
ad deum precibus
stat pro statu
|
| |
2nd Vespers (gospel) special antiphon
|
O rector poli curie
qui sponsum dedisti
et patronum ecclesie
ildefonsum isti
audi preces humilium
et per inclita
eius merita
da nobis te propicium
|
full office name: