| |
| |
Vespers antiphon 1
|
Sancti ieronymi
clara preconia
annisu animi
promat ecclesia
|
Vespers antiphon 2
|
In tenella iuventute
in labore multiplici
legit stratum vite tute
cleri apostolici
|
Vespers antiphon 3
|
Iam adultus ut iosias
industrius ieronymus
dei cepit cultus vias
arripere letissimus
|
Vespers antiphon 4
|
Ut sol miros dat fulgores
vie luculencia
ornat vitam format mores
doctrine sollercia
|
Vespers antiphon 5
|
Hortus virtutum floridus
virginitatis lilium
liber cunctorum splendidus
portas subvertit hostium
|
Vespers respons
|
Aureo candelabro
fulgens gloriosa lucerna
doctrine rutilans
ieronyme sede superna
ad te clamantes
mundi lux sal terre guberna
|
Vespers verse
|
Doctorum doctor inclite
adiutor tu ieronyme
in tribulacione succurre
|
Vespers (gospel) special antiphon
|
Clarus doctor
et lux fidelium
orbis decus
candoris lilium
norma vite
lex morum omnium
felix celi
sortitur bravium
|
| |
Matins I
|
Omnis sapiencie
ducem adoremus
doctorum ecclesie
specimen laudemus
|
Matins antiphon 1
|
Documentis arcium
ad primum eruditus
adit dei studium
virtute redimitus
|
Matins antiphon 2
|
Celibatu honestatus
ascendit summum cardinem
omni quoque consummatus
aptus ad celsitudinem
|
Matins antiphon 3
|
Obiurgator viciorum
vocat pravos clericos
exterminator errorum
pessumdat hereticos
|
Matins respons 1
|
Ecclesie officium
hic ordinavit reccius
davidicum eulogium
vertit de fonte verius
propheticum eloquium
exposuit perfectius
catalogum illustrium
virorum dat insignius
|
Matins verse 1
|
Philosophorum omnium
novit ipse plenissime
theologorum studia
vicit perspicacissime
|
Matins respons 2
|
Helvidius insanus
cedit et pelagianus
origenes tam profanus
tante lucis radio
|
Matins verse 2
|
Iovinianus mutuit
simulque vigilancius
omnis heresis siluit
veri+que adversarius
|
Matins respons 3
|
Studiosus in platone
pariter et cicerone
minus curans de sermone
tradito divinitus
est attritus passione
est punitus celitus
|
Matins verse 3
|
Qualis sit tunc requisitus
christianus falso dictus
tullianus recensitus
plagis multis est afflictus
|
Matins antiphon 4
|
Instante vite tempore
cum vocaretur celitus
deficiente corpore
confortabatur spiritus
|
Matins antiphon 5
|
Angelorum imitatus
vitam et officium
est ab iis invitatus
ad captandum premium
|
Matins antiphon 6
|
Tactu sacri corporis
cecus est sanatus
in momento temporis
hereticus crematus
|
Matins respons 4
|
Quasi stella matutina
splendet pater inclitus
et ut luna plena bina
stat corona preditus
pudicicie corona
radians divinitus
|
Matins verse 4
|
Quasi sol in dei templo
fulget doctor maximus
verbo signis et exemplo
confessor ieronymus
|
Matins respons 5
|
Leonem spina saucium
iubet remediari
mansuetumque socium
asellum comitari
quo rapto mandat proprium
opus illum sectari
leo camelis previum
cogit abbati dari
|
Matins verse 5
|
Raptores petunt veniam
olei prebent copiam
et sic mandat servari
|
Matins respons 6
|
Cum dignus gloria
in lectum decidit
tunc sapiencia
se mirum prodidit
sacra mysteria
cum fletu prendidit
et plenus gracia
spiritum reddidit
?Prendidit [alt: ?]
|
Matins verse 6
|
Quot in ecclesia
tractatus edidit
tot luminaria
orbi contradidit
|
Matins antiphon 7
|
In multis linguis peritus
sacram transfert paginam
paciencia munitus
multam suffert sarcinam
|
Matins antiphon 8
|
Patrum vitas scriptitavit
virginum mores dictavit
ac clericorum regulas
|
Matins antiphon 9
|
Hic correxit mundi statum
atque repressit reatum
per scripture normulas
|
Matins respons 7
|
Cum occasus immineret
celicus exercitus
et lux tanta quam timeret
hominum intuitus
paruere ut clareret
quam sit celo editus
|
Matins verse 7
|
Superans fragranciam
odor naturalem
cumulatam gloriam
monstrat singularem
|
Matins respons 8
|
Corpus carens
fluenti carie
instar lepre
latorem saucium
plenum claret
fluentis gracie
dum odorem
spargit eximium
|
Matins verse 8
|
Signa testantur celica
et odoris diffusio
de doctrina catholica
et de pudoris lilio
|
Matins respons 9
|
Pulchritudo
strati itineris
eius hora
completi temporis
multitudo
celestis agminis
ferens in manibus
vasa luminis
hunc demonstrant
iungendum superis
et declarant
vim sanctitudinis
|
Matins verse 9
|
Tunc mirandus fulgor lucis
dum auditur verbum ducis
premiandum hunc pro crucis
portitura sedula
|
| |
Lauds antiphon 1
|
En adest dies celebris
ieronymus qua lecius
transit de mundi tenebris
celi civis eximius
|
Lauds antiphon 2
|
Alexandrinis profuit
ieronymi vocacio
qua in delicto adfuit
miranda liberacio
|
Lauds antiphon 3
|
Innocentibus delatis
bethlehem pergentibus
igne et fluctis damnatis
astitit ieronymus
|
Lauds antiphon 4
|
Titum devotum perditum
revocavit ad graciam
monacho lapso aditum
impetravit ad veniam
|
Lauds antiphon 5
|
Propter luxum presbyteri
iacentis sacro tumulo
pestem senserunt ceteri
revelante ieronymo
|
Lauds (gospel) special antiphon
|
Ieronymi
beata munia
noster chorus
promat cum gaudio
cuius clare
doctrine gracia
orbis totus
refulget radio
nunc eterna
doctorum gloria
gaudet felix
iunctus collegio
|
| |
2nd Vespers (gospel) special antiphon
|
O ieronyme inclite
per quem fulget ecclesia
virginitate predite
zelo virtutis gracia
baptiste compar prodite
vite et abstinencia
et in cunctis composite
facunde eloquencie
pietatis inclite
admiranda prodigia
tu caritatis solite
memor ad danda munia
finito mundi tramite
perduc nos ad celestia
|
| |
Matins respons .a1
|
Sumit mundus medullas spiritus
litterali detecto cortice
famem sitim pellunt divinitus
manna datum aqua de silice
|
Matins verse .a1
|
Hec ieronymus prebet celitus
in supremo doctorum vertice
|
Matins respons .a2
|
Precursoris et baptiste
admirande gracie
compar fuit doctor iste
equalisque glorie
augustinus hoc testatur
se vidisse cercius
et cyrillus id effatur
et scribit expressius
|
Matins verse .a2
|
Nam uterque celebs purus
et absque contagio
domat artus sibi durus
veste et edulio
|
full office name: