| |
| |
Vespers antiphon 1
|
Iens per mundi circula
astra querit ieronymus
gerens vitam pauperculam
sicut predixit dominus
|
Vespers antiphon 2
|
Eius laudes magnificans
et exultans exercebor
doctrinam suam applicans
et declarans confitebor
|
Vespers antiphon 3
|
Repellens hic caliginem
errorum et inflammatus
sacro spirante flamine
est ieronymus beatus
|
Vespers antiphon 4
|
Omnes fideles pariter
celi cives cantate
christi redempti sanguine
ieronymum laudate
|
Vespers antiphon 5
|
Novum prestet presidium
norma vite beate
que dotavit ieronymum
omnes gentes laudate
|
Vespers (gospel) special antiphon
|
O quam sanctum ieronymum
leo de silva predicat
qui scripturarum cumulum
mira virtute enodat
eremita mirificam
vitam gerens perlucidam
celi cives letificat
celi cives magnificat
|
| |
Matins I
|
Omnes ante presepium
domino iubilemus
cum beato ieronymo
venite exultemus
|
Matins antiphon 1
|
Intravit monasterium
ardore inflammatus
ante dei presepium
ieronymus beatus
|
Matins antiphon 2
|
Motu resolvi febrium quia fratres viderunt ieronymum (-)/ et quare fremuerunt
|
Matins antiphon 3
|
Ipse fratres redarguit
plenos amaritudine
et ne flerent admonuit
sed decantarent domine
|
Matins respons 1
|
Vite preclare speculum
et norma sanctitatis
piissimus ieronymus
doctor veritatis
vite exolvens debitum
ait suis prostratis
|
Matins verse 1
|
Sacco corpus contegite
nudum humo tradentes
expoliatum vestibus
sitis obedientes
|
Matins respons 2
|
Pastor et doctor optime
cur nos sic desolatos
sine presule deseris
filios enutritos
errantes et orphanos
oves bonis privatos
|
Matins verse 2
|
Erue pater profugos
in terra aliena
non habentes refugium
neque salutis venam
|
Matins respons 3
|
Terre asperitatem
ut persensit vir dei
iucundatus est nimium
fecit sermonem veri
deiciendo vicia
plantavit que sunt dei
|
Matins verse 3
|
Regulam dedit fratribus
fultam dei timore
et ornatam virtutibus
dominico sermone
|
Matins antiphon 4
|
Vitam vestram dirigite
in dei salutare
quia mihi presidium
fuit cum invocarem
|
Matins antiphon 5
|
Salutis patrem prefero
vobis ut vita vera
vivatis regulariter
secundum verba mea
|
Matins antiphon 6
|
De cremonensi ambitu
eusebium nomine
sanctum virum et nobilem
proferens nobis domine
|
Matins respons 4
|
Vocemque mediocriter
elevans vultu placido
osculum dedit pariter
suis iucundo animo
|
Matins verse 4
|
In celum tensis manibus
ad deum oravit
lacrimis inundantibus
se recommendavit
|
Matins respons 5
|
Terre macie affectum
iuxta domini presepe
cum cernetis dissolutum
corpus meum sepelite
et spoliate veste nudum
terra cooperite
|
Matins verse 5
|
Eius mihi dantes corpus
qui in ligno me redemit
antequam sim absolutus
ab his sarcinis terrenis
|
Matins respons 6
|
Regis regum sanctum corpus
cum ieronymus conspexit
caritate inflammatus
et ad intus genuflexit
et prostratus exclamavit
domine ad quid venisti
|
Matins verse 6
|
Bone pastor non sum dignus
ut sub tectum meum intres
quia reus tu benignus
ut te ipsum mihi prestes
et te dones tamquam pignus
promittentem summas vestes
|
Matins antiphon 7
|
Ingemiscens ieronymus
caritatis dulcedine
sumpsit corpus dominicum
dicens salva me domine
|
Matins antiphon 8
|
Felix atque piissime
serve dei ieronyme
qui exhalans exclamasti
pacem da mihi domine
|
Matins antiphon 9
|
Corpus tinsit (-)/ ieronymi
quasi solaris radii
missi a sede domini
|
Matins respons 7
|
Regni celestis gaudia
sanctorum et miliciam
vocem clamantem celicam
astantes persenserunt
veni dilecte accipe
illam immensam gloriam
quam tibi tua opera
preclara meruerunt
|
Matins verse 7
|
Audito hoc ieronymus
mentis cum summo gaudio
clamavit ecce venio
pie iesu domine suscipe
quem tuo recuperasti
precioso sanguine
|
Matins respons 8
|
Tunc subito disparuit
lux illa et gloria
cum animam ieronymi
fulgentem solis radiis
carnis solutis debitis
celi suscepit curia
|
Matins verse 8
|
Erat cyrillus pontifex
hierosolyme urbis
in extasi iam positus
divinitus dum vidit
|
| |
Lauds antiphon 1
|
Regni celestis curia
cito obviam venimus
pro ieronymi anima
quia mandavit dominus
|
Lauds antiphon 2
|
De carnis ergastulo
animam separate
eam cum summo gaudio
ferentes iubilate
|
Lauds antiphon 3
|
Immensis beneficiis
ieronymum laudate
cecis visum restituit
tactu laudetur deus
|
Lauds antiphon 4
|
Nefandorum spirituum
propulsorem adducite
laudes decus et gloria
psallentes benedicite
|
Lauds antiphon 5
|
Solventes lingue vinculum
et aurium vocate
doctorem eximium
extollentes laudate
|
Lauds (gospel) special antiphon
|
Nobis adsit ieronymus
virtutibus munitus
per quem malus hereticus
in lignum est mutatus
et omnibus videntibus
ab igne est consumptus
et in cinerem conversus
deus sit benedictus
|
| |
Prime antiphon
|
Nil querens ieronymus
quam salutem pro homine
sicut novit altissimus
dixit deus in nomine
|
Terce antiphon
|
Corde clamans ieronymus
deus et pastor optime
qui es doctorum optimus
tu mihi legem pone
|
Sext antiphon
|
Latens intra corpusculum
amor eum perfecit
duxitque ad presepium
in quo mundo defecit
|
Nones antiphon
|
Usque ad finem pariter
contempsit mundialia
laudes dei magnificans
narravit mirabilia
|
| |
2nd Vespers antiphon 1
|
Imitando vestigia
salvatoris ieronymus
deseruit propria
sicut dixit dominus
|
2nd Vespers antiphon 2
|
Opera magna domini
inquirens meditabor
viam salutis homini
enodans confitebor
|
2nd Vespers antiphon 3
|
Habitum gerens humilem
virtutibus ornatus
exaltatus est hodie
ieronymus beatus
|
2nd Vespers antiphon 4
|
A summo rapit spiritum
a mundi sanitate
cum beato ieronymo
pueri deum laudate
|
2nd Vespers antiphon 5
|
Norma scripture speculum
vite in sanctitate
quia despexit seculum
omnes gentes laudate
|
2nd Vespers (gospel) special antiphon
|
Regnans magnus ieronymus
in urbe quam edificat
sui monstravit artubus
legem quam iam letificat
viam vite notificat
regum regem magnificat
|
full office name: