| |
| |
Vespers (gospel) special antiphon
|
Laude magna vox sonora
largiente pociora
semper decet sine mora
christum coli dominum
qui hereticos dispersit
exaltavit et respersit
christi sponsam atque tersit
sanctum per ieronymum
virtus celica letatur
aucta tali compare
virtus cuius ostentatur
tot signorum iubare
|
| |
Matins I
|
Angelorum pro concive
celebri ieronymo
iubilemus nunc festive
summo christo domino
|
Matins antiphon 1
|
Romam scandens vir beatus
christi veste cingitur
clara fide roboratus
sacro fonte tingitur
secus foncium decursus
sita mens ieronymi
sese vehens semper sursum
stat in lege domini
|
Matins antiphon 2
|
Sumpsit ibi rudimenta
trino pollens famine
hausit arcium fluenta
dulci cum solamine
in quem gentes fremuerunt
quarum rupit vinculum
iugum harum iecit ferunt
hinc fidei cingulum
|
Matins antiphon 3
|
Litterarum quo adepto
mundanarum studio
omni cavit ab inepto
heresis colludio
multe quamvis hunc circumdant
non formidat milia
gentis ipsi nam abundant
celica consilia
|
Matins respons 1
|
Alme pater qui sacrista
sacrorum charismatum
tu in scholis es legista
divinorum dogmatum
opem semper sponse christi
tuo fer precamine
quam doctrinis tu fovisti
flante summo flamine
|
Matins verse 1
|
Nos purgatos a peccatis
christo sacro sanguine
fac regnemus cum beatis
in sanctorum agmine
|
Matins respons 2
|
Sancti claustrum introgressus
planta lesus acriter
lugens leo atque fessus
lotus qui hilariter
est medelam consecutus
mitescit sevissimus
fit asello sic imbutus
curator tutissimus
|
Matins verse 2
|
Quem cum quidam abegissent
ligna leo detulit
quos ad claustrum cum redissent
rugiens ire compulit
|
Matins respons 3
|
Corpus pendent exhumatum
nusquam tactum publice
post decessum est locatum
in ara mirifice
sex et decem occecati
lumen tunc recuperant
et obsessi catenati
tres salvati fuerant
|
Matins verse 3
|
Natus vidue compressus
fove coniungitur
triduanus fossa pressus
vita secum fungitur
|
Matins antiphon 4
|
Quem adversis tribulatum
dominus mirificat
vultu suoque signatum
celitus letificat
invocantem exaudivit
extulit ieronymum
eius sponsam qui munivit
in salutem hominum
|
Matins antiphon 5
|
Viros sanguinum dolosos
perdens et mendacia
nodos arrii nodosos
solvit christi gracia
quem matrona paula fovit
suis facultatibus
quam cum nata reditavit
divinis dogmatibus
|
Matins antiphon 6
|
Hunc presbyterum cardinalem
pontifex liberius
fecit motum qui carnalem
edomat severius
anastasie ditatur
titulo fretus gloria
et honore coronatur
iugi pro memoria
|
Matins respons 4
|
Dum decessit mox crebrescit
heresis pestifera
sed marcescit dum accessit
veritas lucifera
vera fantur cum donantur
vite tria funera
personantur et parantur
christo laudis munera
|
Matins verse 4
|
Finem promit secte gratum
vir beatus sepius
cum vocatur consolatum
sensit se eusebius
|
Matins respons 5
|
Falsum sancto dum imponit
librum hostis perfidus
nazarenus se opponit
presul fide fervidus
subdit se punicioni
vite nisi venerit
signo dans huic accioni
finem qui defecerit
|
Matins verse 5
|
Nazarenus liberatur
et si genu flectitur
talionem dum letatur
hostis sursum plectitur
|
Matins respons 6
|
Forma demon ut silvanus
teruit cubiculum
mulieres ut profanus
cunctis fit ridiculum
sanctum pulsant sese truncant
hunc nitentes perdere
iustum ligant et aducant
sed salvatur propere
|
Matins verse 6
|
Vir beatus suas iubet
detegi nequicias
rugiens facit quamquam pudet
cernit plebs versucias
|
Matins antiphon 7
|
Notos linquit nazanzenum
petit post evagrium
hunc desertum preamenum
subit dactiliferum
quo dum vivens se mactaret
christo sine macula
fastus iecit ut intraret
eius tabernacula
!Notos ?notor [alt: ?]
|
Matins antiphon 8
|
David tandem urbs fidelis
prebet domicilium
hinc quo tensis querit velis
in scripturis filium
dei a quo coronatus
est doctrine gloria
et decori magno datus
spreta secli scoria
|
Matins antiphon 9
|
Sudat vere transferendo
libros sacre pagine
explanando componendo
plures cum indagine
mira plus quam decem lustris
illic ducit prelium
fortis potens et illustris
pro castris fidelium
|
Matins respons 7
|
Vi torture sunt confessi
iuvenes interitum
et ad decollandum pressi
citra facti meritum
ictus estimat remissos
fefellisse protinus
tortor rogo tunc immissos
protegit ieronymus
|
Matins verse 7
|
Iugulati sustentantur
eius ministerio
quem vocabant conversantur
hinc in monasterio
|
Matins respons 8
|
De pictura cruor fluxit
ensis dum immergitur
sanctus iudici illuxit
factum narrat pergitur
illuc nequam arrianus
fixus adhuc steterat
ut blasphemus atque vanus
donec plebs advenerat
|
Matins verse 8
|
Lanceatus gladiatus
ac obrutus lapide
obit miser laqueatus
hamo mentis rabide
|
Matins respons 9
|
De ieronymo secura
cuncta pie creatura
christo psallat cuius cura
mira fiunt in natura
gloriosi patris pura
sternit demonem figura
pelle nobis nocitura
que suggessit mala plura
|
Matins verse 9
|
Nam imago seu pictura
quod hinc fugat a factura
dei laudes redditura
|
| |
Lauds antiphon 1
|
Armis fidei precinctus
febre licet valida
tactus caritate vinctus
docet tamen sapida
confitetur dat se deo
celebris ieronymus
migrat iustus et in eo
sic regnavit dominus
|
Lauds antiphon 2
|
Hunc cyrillus pater clarus
cantibus et cereis
callis fultum cernit gnarus
severus cum ceteris
augustinus quoque scivit
pure non sub nubilo
atria quod introivit
domini in iubilo
|
Lauds antiphon 3
|
Te suscepit dextra christi
pater venerabilis
cui devotus adhesisti
cursu vite labilis
voluisti te humari
ad presepe domini
nudus iens ex hoc mari
quo laus eius nomini
|
Lauds antiphon 4
|
Virtus omnis supernorum
benedicat dominum
nam deducet cetus horum
ad supernum solium
hanc doctorem gloriosum
doctrinis uberrimum
fructum qui dat luminosum
nobis saluberrimum
|
Lauds antiphon 5
|
Exaltavit in salutem
mansuetum dominus
et assumpsit ad virtutem
celi nihilominus
visum vibrat lux immensa
suavisque fragrancia
nares sparsit cum intensa
mortis est substancia
|
Lauds (gospel) special antiphon
|
Verbo scripto quod sudavit
ad dandam scienciam
actis semper approbavit
vite per decenciam
omnes eius scripta statum
informando solidant
finem suadit ad beatum
et culpis improperant
linguam ampliat latinam
legem sub hac unica
total transferens divinam
verba per veridica
semper nobis interpellat
veniam ieronymus
ut nociva cuncta pellat
benedictus dominus
|
| |
2nd Vespers antiphon 1
|
Digna fulget dies laude
celebris ieronymi
omnis prompte lingua plaude
christi laudes nomini
solis ortus cum occasu
gaudet doctor germinat
multum fructum et hoc casu
perfidos exterminat
|
2nd Vespers antiphon 2
|
Omnes properate gentes
collaudate dominum
fluctuosas firmat mentes
mire per ieronymum
cuius aurea doctrina
falsitas dilabitur
semper veritas divina
manet et firmabitur
|
2nd Vespers antiphon 3
|
Ducens ab extremo nubes
magna diis pre ceteris
lucem nobis ferre iubes
a stridonis exteris
unde pater generosus
prodiit eusebius
ac hinc nobilis famosus
claruit ieronymus
|
2nd Vespers antiphon 4
|
Hic distinxit sitibunde
psalmos nocturnaliter
pulchre deoque iucunde
ut psallamus taliter
lecciones+que divisit
misse per sollemnia
horis dominum premisit
iuncta psalmis gloria
|
2nd Vespers antiphon 5
|
Sion seras confortavit
portarum ecclesie
natos eius saciavit
scripturarum adipe
ars est isti nulla latens
cuncto fere famine
pollens fons est sursum scatens
flante sacro flamine
|
2nd Vespers respons
|
Trames patet luminosus
dum transiret gloriosus
christus forma speciosus
heret dextre numerosus
chorus adest celitus
ferens cereos ardentes
solis iubar vincentes
sanctum throni concinentes
sic reducunt congaudentes
abest dolor penitus
|
2nd Vespers verse
|
Hec cyrillus cernens clare
quis es inquit mihi fare
sum ieronymus o care
qui sic glorior preclare
gaudens linquens gemitus
|
2nd Vespers (gospel) special antiphon
|
O sublimis principatus
per te noster incolatus
spe refloret quod beatus
tecum semper gaudeat
qui quod sit sic candidatus
miris undique stipatus
tuus facit favor gratus
hunc qui sic mirificat
hic adversis fuit stratus
sed nunc celo dedicatus
noster totus unde status
dominum magnificat
|
full office name: