full office name: IERONYMUS (n4)
edition: AH 26 #36
calendar:September 30
structure summary: Vespers: AE
Matins: secular
Lauds: A5E
2nd Vespers: E
poetic forms: Vespers: v.l
Matins: o.vov{vo,o,vo}ngl{vo3}o3{o,o,vo}
Lauds: ggo3.v
2nd Vespers: .v [”]
type of saint: doctor
geographical information:Rome, Italy
notes:doctor
Persons: Ieronymum Donatus Latina Tullianum Platonicam Ieronymus Priscinorum Ieronyme
Places: Greca Salem Romano Ethiopicam Bethlehemita

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Fulsit splendor firmamenti
quando regum rex credenti
mundo curam hominum
gerens misit protectorem
sacre fidei doctorem
beatum ieronymum
Vespers (gospel) special antiphon
Ad sancti patris
sollemnia plebs generosa
appropians laudis
det cantica nunc speciosa
semina qui mundo
sue doctrine furibundo
sparsit largiflue
docens ad summa venire
pectora curvemus
cui laudes magnificemus
 
Matins I
Mole pressa iam corporis
in sancti festo doctoris
christum laude deprecemur
ut ad ipsum sublevemur
Matins antiphon 1
Annis tener vir beatus
hians romam adiit
arte prima cui donatus
primo doctor extitit
Matins antiphon 2
Tanta crevit disciplina
ut non solum hic latina
lingua greca doceretur
sed hebrea fungeretur
Matins antiphon 3
Cum leporem lectitaret
tullianum ruminaret
sophiam platonicam
flagro cesus celi more
amplexatur mox labore
artem theologicam
Matins respons 1
Salem hausit suo flore
in quo mansit cum decore
hic vir preclarissimus
affatim quem velut undam
post effudit nimis mundam
eloquens ieronymus
Matins verse 1
Linquens dogma priscinorum
sequens thesaurum sanctorum
Matins respons 2
Ter denorum iam annorum
cum fuisset romanorum
est creatus cardinalis
nec inventus fuit talis
Matins verse 2
Sanctitate precellebat
sapiencia pollebat
Matins respons 3
Summo presule defuncto
a clero romano cuncto
dignus est fastigio
acclamatus sed hic spernens
solitudinem plus querens
relicto fastigio
Matins verse 3
In quam transit vir devotus
fit anachoreta totus
Matins antiphon 4
Arguebat iugiter
cleros lascivientes
idcirco unanimiter
oderunt eum ferventes
Matins antiphon 5
Norunt castimoniam
patrem diligentem
atque innocenciam
prorsus retinentem
Matins antiphon 6
Mulieris vestimentum
mane surgens induit
visitando matutinum
suum fore credidit
illud in opprobrium
emuli fecerunt
suum iuxta lectulum
quod prius straverunt
Matins respons 4
Ieronymus anachoreta
bis duobus annis spreta
seculi leticia
mansit plorans mestus gemens
sitibundus fame demens
penetendo vicia
Matins verse 4
Regem regum generosum
ut haberet graciosum
hanc elegit sibi vitam
cum se fecit eremitam
Matins respons 5
Algus ingens hunc consumpsit
solis fervor et combussit
pellem eius niveam
tempus atque spaciosum
sepius tempestuosum
fecit ethiopicam
Matins verse 5
Tanta quamquam sit perpessus
paciendo non est fessus
sed se putans deliciis
interesse leticiis
Matins respons 6
Solitudine relicta
festinans bethlehemita
sanctus fit ieronymus
en ut hagiographie
foret interpres sophie
hunc elegit dominus
Matins verse 6
Nobis large propinavit
adulescens quod gustavit
Matins antiphon 7
Leo claudus insudante
leccione contemplante
sancto viro subintravit
tremefacti fratres surgunt
velocissime discurrunt
illi solus obviavit
Matins antiphon 8
Conquerendo monstrat plantam
leo dire sauciatam
ut sibi provideret
et confestim sanaretur
crebra cura pes lavatur
sente vulsa mox sanatur
Matins antiphon 9
Truculencia reiecta
velut agnus intra tecta
inter fratres conversatur
ad quorum pedes mox curvatur
Matins respons 7
Multilinguem cognoscens
et famosum papa prudens
huic iniunxit studium
pie mentis ex affectu
sancte matris pro profectu
ut conderet officium
Matins verse 7
Prius quisque quod volebat
precabatur ut sciebat
suasu sed imperatoris
sacri cultus dilectoris
Matins respons 8
Vidit evangelistarum
rudimenta gloriosa
frustratim epistolarum
ad legenda preciosa
iussa patris adimplevit
cultus sic diurnus crevit
Matins verse 8
Amplexatur veneratur
omnis clerus gratulatur
Matins respons 9
Vatum psalmos segregavit
seriatim ordinavit
depromendos iugiter
alme laudem trinitatis
in psalmorum fine satis
statuit humiliter
Matins verse 9
Dei laudis augmentator
grandis fuit ordinator
 
Lauds antiphon 1
Mira dei bonitas
huic sedem paravit
sancto cuius gnaritas
mundum illustravit
Lauds antiphon 2
In illis temporibus
hereses fuere
suisque conatibus
scripta pervertere
Lauds antiphon 3
Clarus homo clara vita
sanctitate redimita
sustulit horum latratus
qui cum essent transferentes
veritatem conticentes
obiurgavit roboratus
Lauds antiphon 4
Hereses cunctas priores
extirpavit et errores
veritatem demonstravit
ob hoc celum terra mare
deum benedicunt gnare
sic hunc sanctum qui perflavit
Lauds antiphon 5
Ad eternam regis pacem
mundum linquens hunc fallacem
nonaginta octo annis
sex et mensibus expletis
sue vite sanctus transit
et cum celi sanctis mansit
Lauds (gospel) special antiphon
Ab excelsis est vocatus
ut obiret vir beatus
quadringentis circiter
annis nostri salvatoris
angelorum astat choris
promens laudes iugiter
 
2nd Vespers (gospel) special antiphon
Lucens fax inter doctores
verax inter translatores
ieronyme sanctissime
plebem doctam te pulsantem
et tuas doctrinas fantem
respice piisime
quam guberna sancta prece
ut damnosa prorsus nece
non gravetur mortua
sed fungens amenitate
sit qua fungeris beate
cum sanctis perenniter