| |
| |
Vespers antiphon 1
|
Iucundare bethlehem
effrata beata
que sursum es ierusalem
plaude mater grata
nam doctor ineffabilis
celestis facecie
columnaque mirabilis
tocius ecclesie
te lustrat ieronymus
prodigiis insuetis
decorat in fastigiis
te gaudiis preletis
|
Vespers antiphon 2
|
Grecorum hic et arabum
persarum chaldeorum
noverat potissimum
linguas hebreorum
scivit quasi litteras
cunctarum nacionum
perfecte quoque studuit
artes liberales
tunc mundus non habuit
sibi coequales
|
Vespers antiphon 3
|
Nota fecit populis
utraque testamenta
angularis lapidis
stravit fundamenta
ex hebrea transfert ea
linguam in latinam
magnam curam ad scripturam
habuit divinam
|
Vespers antiphon 4
|
Almus eum spiritus
scripturis erudivit
et per eum dominus
ecclesiam sanxivit
et in tantum ceteros
doctores transilivit
quod nescivit ieronymus
natura nulla scivit
|
Vespers antiphon 5
|
Corde te sanctissime
rector veritatis
petimus humillime
subveni renatis
qui malleus heretice
fuisti pravitatis
te laudantes protege
iungito beatis
|
Vespers (gospel) special antiphon
|
O florens dalmacia
que germen vincens edidit
balsami dulcorem
dum doctorum facula
ieronymus emicuit
veri fontis rorem
infundens fidelibus
scribens transferendo
non paucas rixas levibus
verbis resecando
vastam tenens eremi
bis annis lete binis
carnem quivit conteri
inediis supinis
demum remeans bethlehem
bibliothecam summo
studio compilavit
anhelans ad requiem
etatis octogesimo
felix anno migravit
doctorum flos ex nomine
tuis opem supplicibus
fer ad gaudiosa
pater dulcis ieronyme
supernis apicibus
nos iunge nunc vitare
fac damnosa
|
| |
Matins I
|
Hymnizemus hodie
christo vero regi
in psalmorum carmine
iubilemus ei
qui transvexit inclitum
ad celos ieronymum
|
Matins antiphon 1
|
Cathedra pestilencie
hic doctor numquam legit
sed verbo sapiencie
vulpeculas abegit
demolientes vineam
domini confregit
|
Matins antiphon 2
|
Fremebant heretici
contra virum dei
perversi quoque clerici
illudebant ei
quorum unus posuit
pravis in exemplum
eve vestem induit
quam sanctus intrans templum
|
Matins antiphon 3
|
Nimis multiplicati sunt
ipsum tribulantes
heretici cum clericis
luxui vacantes
de roma dum proiciunt
sanctum blasphemantes
de doctrinis celicis
minime curantes
|
Matins respons 1
|
Ieronymus verberibus
vanis de codicibus
a christo revocatus
preventusque muneribus
et pascuis uberibus
ab eo deputatus
ad matris ecclesie
ponenda fundamenta
dum transtulit summopere
utraque testamenta
|
Matins verse 1
|
Iam duplicata domino
reddidit talenta
salubria nam populo
dedit documenta
|
Matins respons 2
|
Grandescit vir sanctissimus
in sanctitatis vita
ieronymus mitissimus
felix eremita
hic per quadriennium
fit socius ferarum
pascitur ex fructibus
et foliis herbarum
|
Matins verse 2
|
Sic flebat venialia
levissima peccata
tamquam homicidia
forent perpetrata
|
Matins respons 3
|
Numquam lectum alium
quam terram ipse scivit
pisces cibos carnium
numquam concupivit
saccoque cilicio
membra sic contrivit
ut sanguinis effusio
in die ter abivit
|
Matins verse 3
|
Carnem sic spiritui
ieronymus subiecit
et magna mirabilia
in vita sua fecit
|
Matins antiphon 4
|
Sanctum suum dominus
signis mirificavit
ipsum die obitus
quidam blasphemavit
quem ulcio divinitus
in lignum transmutavit
et ignis lapsus celitus
hunc incineravit
|
Matins antiphon 5
|
Sepulchrum patens undique
guttur hereticorum
obstruxit mirifice
dum trium mortuorum
per eum eusebius
suscitavit corpora
qui fatebantur plenius
nequissimorum opera
|
Matins antiphon 6
|
Honore cum gloria
post mundi tropeum
et duplici aureola
coronasti eum
virginum coronula
sertoque doctorum
huius christe per merita
memento renatorum
|
Matins respons 4
|
Appropinquante tempore
dissolucionis
discipulis magnopere
compos racionis
dixit dilectissimi
fratres caritatis
ad presepe domini
me sepeliatis
|
Matins verse 4
|
Et corpus dominicum
statim afferatis
desidero potissimum
me reficiatis
|
Matins respons 5
|
Corpus cum salvificum
vir sanctus recepisset
simeonis canticum
et vix complevisset
instar solis radius
subito refulsit
vox elapsa celitus
talia deprompsit
|
Matins verse 5
|
Veni dilectissime
serve mi fidelis
iam delicatissime
letaberis in celis
|
Matins respons 6
|
Hippone dum in cellula
in huius mortis horula
sederet augustinus
anima sanctissimi
apparuit ieronymi
splendor ut divinus
preconceptam questionem
solvendo per racionem
celitus expertam
|
Matins verse 6
|
De celesti hierarchia
hunc instruxit hic in via
unitatem trinitatis
declarando sibi satis
|
Matins antiphon 7
|
Habitavit sedulo
in dei tabernaculo
ieronymus insignis
palam quoque clanculo
restitit in seculo
perversis et malignis
|
Matins antiphon 8
|
De precioso lapide
coronam in capite
eius posuisti
vite longitudinem
in celo terra celibem
ei tribuisti
|
Matins antiphon 9
|
Populi letamini
et vos elevamini
porte eternales
transit de sublimibus
ieronymus concivibus
ad nupcias regales
|
Matins respons 7
|
Venit baptista salvatoris
de supernis celi choris
cum sancto ieronymo
dicens augustino
hic certe meus socius
quem tu vides ieronymus
equalis mihi oppido
est in celi gaudio
|
Matins verse 7
|
Sicut deum video
sic et ipse videt
cognoscit et intellegit
non amplius formidet
|
Matins respons 8
|
Silvanus presul inclitus
et sabinianus
hereticus nequissimus
sub tortoris manus
se obligabant mutuo
errore pro heretico
sanctus presul educitur
et gladius mox rapitur
per manus sanctissimi
doctoris ieronymi
|
Matins verse 8
|
Increpans hereticum
subito disparuit
et caput nequissimum
mox ad terram decidit
|
Matins respons 9
|
Translacionis tempore
dum cepit terram fodere
inclitus cyrillus
in tumulo sic iacuit
ut nusquam terram attigit
sancti viri corpus
quem nunc roma fovet
in templo virginis alme
|
Matins verse 9
|
Subvenias tristi
populo ieronyme christi
doctor et amice
tu fons nitidissime lingue
|
| |
Lauds antiphon 1
|
O quam credibilia
tua testimonia
fecit ille deus
dum pro tua vinea
per tempora non modica
fit grecus et hebreus
|
Lauds antiphon 2
|
Summa cum sollemnitate
omnis terra iubilate
deo cum leticia
qui hunc sanctum decoravit
sibi fidem preparavit
per eterna secula
|
Lauds antiphon 3
|
Quesierunt sed in vanum
sanctum presulem silvanum
tres morti perimere
sed ensis retrosiliit
quociens hic cecinit
succurre ieronyme
|
Lauds antiphon 4
|
Omnes benedicite
deo sacerdotes
et fideles psallite
nam ad celi dotes
graditur eximius
hodie ieronymus
|
Lauds antiphon 5
|
Collaudabant bestie
suum creatorem
dum fecit mitescere
ieronymus leonem
qui venit in cenobium
propter spinam pungentem
demum pascit asinum
ligna deferentem
|
Lauds (gospel) special antiphon
|
Principalis spiritus
qui est os sanctorum
loquebatur celitus
per speculum doctorum
dum de petrarum medio
magnam vocem populo
dederat ieronymus
hinc gentes et populi
modulemur et singuli
benedictus dominus
|
| |
2nd Vespers (gospel) special antiphon
|
In omni terra sonuit
ieronymi doctrina
nam ipse primus condidit
officia divina
invisis quem prodigiis
deus magnificavit
insuetis signis variis
hunc mirificavit
testantur venerabiles
cyrillus augustinus
salem hippone presules
quod doctor hic divinus
sit unus de sublimibus
christi summi regis
hierarchie civibus
et sacre norma legis
o sacer ieronyme
nos iunge regi glorie
|
full office name: