| |
| |
Vespers (gospel) special antiphon
|
Ut christo debitas
solvamus carminis odas
sit patrocinio
quem dulci psallimus hymno
sanctus ieronymus
virtutum flore decorus
tamquam sol splendens
et desuper ethera tendens
migrans e mundo
viciorum labe profundo
ad superos choros
divina laude sonoros
|
| |
Matins I
|
Nunc hymnizemus
christo psalmis iubilemus
viti ieronymo
sociemur in ethere summo
|
Matins antiphon 1
|
O lampas ecclesie
et lumen solare
beate ieronyme
pro nobis precare
|
Matins antiphon 2
|
Te ex matris utero
dominus collegit
clara de prosapia
quam sibi elegit
|
Matins antiphon 3
|
Letare ecclesia
de tanto doctore
qui sua sapiencia
vestivit te decore
|
Matins antiphon 4
|
Divina eloquia
ut speculum planavit
in quo se sion filia
sponso preparavit
|
Matins antiphon 5
|
Eius eloquencia
velut lacte lota
est mater ecclesia
vere pulchra tota
|
Matins antiphon 6
|
Scripta eius relucent
velut tus in igne
nec effari sufficit
quis eius laudes digne
|
Matins respons 1
|
Vita sancti splenduit
ut stella matutina
quod donum ei contulit
bonitas divina
|
Matins verse 1
|
Lucens exemplo
ardens eloquio
vita eius regularis
ut fulgor lunaris
|
Matins respons 2
|
Sicut arcus refulgens
inter nebulas glorie
sic sanctus ieronymus
in corpore ecclesie
|
Matins verse 2
|
Quasi lilia que sunt
in transitu aquarum
|
Matins respons 3
|
Quasi flos rosarum spirat
in vernis diebus
sic totus fragrat quasi sit
conditus speciebus
!Fragrat [alt: ?]
|
Matins verse 3
|
Sicut luna plena lucet
suis in diebus
ita vir laudabilis
omnibus in rebus
|
Matins respons 4
|
Istius memoria
sicut favus mellis
opus pigmentarii
carens fece fellis
|
Matins verse 4
|
Immortalis est enim
memoria illius
|
Matins antiphon 7
|
Visio pulchritudinis
vere nuncupatur
quod fama sui nominis
clare protestatur
|
Matins antiphon 8
|
Ut rosa paciencie
flagrat cum rubore
qui tanta sustinuit
christi pro amore
|
Matins antiphon 9
|
Candet quasi lilium
decore castitatis
ardet quasi calculus
fervore caritatis
|
Matins antiphon 10
|
Coronatur merito
digne coronatur
cuius vite sanctitas
per mundum predicatur
|
Matins antiphon 11
|
Similis is factus est
in gloria sanctorum
qui errores dispulit
omnes hereticorum
|
Matins antiphon 12
|
O mater ecclesia
hunc pie amplexare
qui sic tuam gloriam
studuit dilatare
|
Matins respons 5
|
Qui erat sub nubilo
tunc refulsit phebus
cum sanctus ieronymus
velut machabeus
contrivit arrianos
et omnes manicheos
|
Matins verse 5
|
Preter vite meritum
dotemque virtutum
hunc omni sciencia
noveris imbutum
|
Matins respons 6
|
O sanctitatis speculum
et gloria doctorum
consolator pauperum
pater monachorum
qui ineresse meruit
choris angelorum
|
Matins verse 6
|
Institutor hic est morum
vera norma perfectorum
|
Matins respons 7
|
O virum apostolicum
laude preferendum
quemque vite sanctitas
fecit reverendum
hunc precamur iudicem
nobis demulcendum
|
Matins verse 7
|
Eius sapiencia
ecclesia fulcitur
sed modo presencia
celum redimitur
|
Matins respons 8
|
Premiatur hodie
fides mardochei
cum doctor egregius
in conspectu dei
adductus inseritur
sanctorum aciei
|
Matins verse 8
|
Afferuntur nunc annales
veri regis eternales
ut ditet ieronymum
rex in perpetuum
|
Matins (gospel) special antiphon
|
In eternum dominus
digne exaltavit
quem tante sapiencie
munere dotavit
|
Matins respons 9
|
Omne quod est preciosum
hic est contemplatus
et profunda fluviorum
vere perscrutatus
qui omnem sacram paginam
est interpretatus
|
Matins verse 9
|
Sicut cataclysmus
terram rigavit
sic donum pneumatis
hunc debriavit
|
Matins respons 10
|
Cum esset hic presbyter
rome cardinalis
nec in vite merito
ei coequalis
propter zelum discipline
oditur a malis
|
Matins verse 10
|
Cumque summus pontifex
terre commendatur
hic solus ab omnibus
dignus acclamatur
|
Matins respons 11
|
Cumque summus pontifex
rome est electus
instar christi mundum spernens
fit sibi despectus
ex quo summe theorie
arcem est adeptus
|
Matins verse 11
|
In scripturis transferendo
laborans et exponendo
|
Matins respons 12
|
Gloria sit christo
patri cum flamine sancto
quam decantari
simul ecclesie
iubilanti
providus instituit
qui celi sidera scandit
|
Matins verse 12
|
Sanctus ieronymus
divino munere fultus
hodie triumphat
corona laureatus
ad celestia sublimatus
|
| |
Lauds antiphon
|
Laudes deo referamus
die hodierna
qua regna ieronymus
conscendit superna
|
Lauds (gospel) special antiphon
|
Benedictus dominus
deus israelis
qui doctorem eximium
hodie in celis
coniunxit agminibus
civium sanctorum
ubi pie memorum
memor sit suorum
ne nos pro reatibus
scelerum nostrorum
rex addicat iratus
penis inferorum
|
| |
Prime antiphon
|
Mira sancti sanctitas
in hoc declaratur
quod ei crudelis leo
ut servus famulatur
|
Terce antiphon
|
O virum ineffabilem
mitem ac benignum
quem celesti gloria
deus fecit dignum
|
Sext antiphon
|
Fama sancti redolet
quasi flos rosarum
fragrat sicut balsamus
dono graciarum
!Fragrat [alt: ?]
|
Nones antiphon
|
Istius consorcio
celi gaudet regio
ecclesia rutilat
paradisus fragrat
mundus aromatizat
!Fragrat [alt: ?]
|
| |
Vespers (gospel) special antiphon
|
Magnificat te domine
tuorum mens servorum
qui es vera gloria
et splendor iustorum
qui doctorem egregium
choris angelorum
invexisti hodie
cum gaudio sanctorum
exaudi supplicancium
preces famulorum
|
full office name: