| |
| |
Vespers antiphon 1
|
Ianuarius inclitam
vitam gerens dum semitam
christi regis prosequitur
urbis tunc beneventane
sancte multum et humane
dignus presul eligitur
|
Vespers antiphon 2
|
Pollens claris miraculis
cunctis donabat populis
fidem veram servantibus
debilibus remedia
infectisque presidia
sibi coram astantibus
|
Vespers antiphon 3
|
Constanter christum predicans
et ore numquam denegans
portatur coram preside
blande eum adhortatur
sed audire dedignatur
secte coniungi perfide
|
Vespers antiphon 4
|
Preses contemptus cogitat
et penas omnes indagat
tandemque almum presulem
crudeli fere subicit
et sanum stare conspicit
a dire morte exulem
|
Vespers antiphon 5
|
Laudes mente humili
agit divino numini
degens in flamma ignium
qua protexit incolumem
eiusque nomen celebre
fecit creator omnium
|
Vespers (gospel) special antiphon
|
Exulta plebs fidelium
pete patris auxilium
ut semper magis floreat
nec casum malum horreat
urbs neapolitana
sed spiritu proficiat
et mortis actum nesciat
vitet tetrum exilium
dei vivendo filium
ecclesia romana
|
| |
Matins I
|
Regis sanctorum domini
adoremus imperium
in flamma ignis clibani
servantis ianuarium
|
Matins antiphon 1
|
Beatus martyr dominum
corde semper oravit
presens spernendo seculum
tyrannum superavit
|
Matins antiphon 2
|
Quare miser non cogitas
timotheo dicebat
ut vites penas debitas
et fidem suadebat
|
Matins antiphon 3
|
Domine oro inspice
hoc durum tormentum
animam tu recipe
et corpus elementum
|
Matins respons 1
|
Ianuarius dominum
mente constanti confitens
triumphavit perenniter
factorem esse omnium
tyrannum numquam reverens
coronatur sollemniter
|
Matins verse 1
|
Mortem subit intrepidus
confessor christi providus
polum intrat celeriter
|
Matins respons 2
|
Deductus coram preside
suis ministris imperat
ut fornacem accendant
ad ignem gentis perfide
mente libenti properat
ut sic omnes perpendant
|
Matins verse 2
|
Quod in flamma iam iactato
angelis in se beato
pariter deum commendant
|
Matins respons 3
|
Sanctus feris exponitur
ut christum ore deneget
coram aspectu populi
in nullo prorsus leditur
fidem perfecte retinet
grates superno presuli
|
Matins verse 3
|
Dignas devote obtulit
ob hoc quod sibi contulit
bona futuri seculi
|
Matins antiphon 4
|
Invocantem summe deus
exaudisti me clementer
factus es protector meus
penas sustuli potenter
|
Matins antiphon 5
|
Verba protuli dulcoris
ut fidelis christianus
sed in poculum doloris
in me vertit vir profanus
|
Matins antiphon 6
|
Admirandum nomen tuum
in conspectu populorum
meum cor servavi purum
comes factus beatorum
|
Matins respons 4
|
Vesuvius mons nimium
igne concrematur
timens ne in devium
flamma protendatur
exorat ianuarium
ut cito extinguatur
|
Matins verse 4
|
Plebs vicina civium
oppressa mole cinerum
dira molestatur
|
Matins respons 5
|
Fulgens habitu splendido
nocte apparuisti
florentinum in lectulo
manu apprehendisti
signans quod in avido
honore provexisti
|
Matins verse 5
|
Oracioni dedito
inducto nutu celico
clemens annuisti
|
Matins respons 6
|
Defunctum natum anxie
mater deploravit
in presulis effigie
mox ut mensuravit
pater misericordie
eum suscitavit
|
Matins verse 6
|
Subveniret miserie
eius afflicte vidue
dolens exoravit
|
Matins antiphon 7
|
Spondens tua bonitate
viro probo canopeum
sibi dedi indilate
post abscissum caput meum
|
Matins antiphon 8
|
Ductus es in altum locum
ubi vitam finivisti
neque digitum amotum
deperire permisisti
|
Matins antiphon 9
|
In virtute exultabo
predicando verbum dei
hymnum laudis post cantabo
consolamen cordis mei
|
Matins respons 7
|
Extinctus erat clericus
sopori mortis deditus
assistit chorus cleri
suscitavit clemencius
crescens et innocencius
testes sunt huius rei
|
Matins verse 7
|
Adveniens ut medicus
palpavit ianuarius
virtute summi dei
|
Matins respons 8
|
Insignis vir gregorius
confectus iam doloribus
preerat capuane
urbi tribunus dominus
sepulchrum cum militibus
petebat non inane
|
Matins verse 8
|
Sanatum ianuarius
reddit palam in gentibus
languentem inhumane
|
Matins respons 9
|
Orientales populi
currentes mente humili
oppressi pregravantur
virtute ianuarii
suo succurri vulneri
devote precabantur
|
Matins verse 9
|
Sed et cecorum lumini
membrorum loco debili
remedia donantur
|
| |
Lauds antiphon 1
|
Martyr deo deditus
in fine sui exitus
fidem numquam negavit
testans quod in perpetuum
christus creator omnium
ut dominus regnavit
|
Lauds antiphon 2
|
Sanctos sibi consocios
velut filios proprios
amplectens caritate
eis pie suadebat
hortans eciam docebat
deo semper iubilate
|
Lauds antiphon 3
|
In fornace dum iactatur
sanctus statim liberatur
stupet nimis timotheus
non oblitus cogitare
ore eciam clamare
sancte deus deus meus
|
Lauds antiphon 4
|
Verba sancti pontificis
lingua pravi carnificis
dicit delira somnia
clamat dum non per alium
seni dedit orarium
benedicite omnia
|
Lauds antiphon 5
|
Signum fecit danielis
presul magnus et fidelis
coram aspectu omnium
mites fere cucurrerunt
pedes eius dum linxerunt
omnes laudate dominum
|
Lauds (gospel) special antiphon
|
Letare pastor optime
et nos a malo redime
omnesque actus mencium
conserva hic sistencium
in caritate nimia
ut pace bona gaudeant
rancorem pravum odiant
christo+que laudes dicere
et postea conspicere
possint superna limina
|
| |
2nd Vespers (gospel) special antiphon
|
Salve defensor patrie
gaudens triumpho glorie
nitens ut gemma presulum
almum concede exitum
ianuari sanctissime
ut in supremo culmine
vero possimus lumine
nostrum perenne premium
deum auctorem omnium
contemplari clarissime
|
full office name: