| |
| |
Vespers antiphon
|
Donata beneficia
colentibus sollemnia
iacobi maioris
pensemus cum leticia
psallendo laudum carmina
nostri redemptoris
|
Vespers (gospel) special antiphon
|
Magnifecemus dominum
qui piscatorem hominum
iacobum respexit
sanctorum quem tripudiis
cum angelorum gaudiis
celestibus annexit
|
| |
Matins I
|
Iubilemus nato dei
laudum per preconia
venerantes zebedei
filii sollemnia
|
Matins antiphon 1
|
Enarrent celi gloriam
ob iacobi victoriam
verbo quod hic eructavit
quo prophetas declaravit
|
Matins antiphon 2
|
In domino laudabitur
mansuetus qui letabitur
iacobi doctrina
per quam a ruina
diaboli liberabitur
|
Matins antiphon 3
|
Oleo leticie
perunxit eum hodie
deus nam dilexit
dominum iusticie
servos qui perfidie
dicendo invexit
|
Matins respons 1
|
Iesu christi famulus
frater ioannis iacobus
per iudeam predicabat
et ex scripturis affirmabat
iesum dei filium
fore delinquencium
redemptorem gencium
|
Matins verse 1
|
Beati qui scrutantur testimonia
prophetarum dicencia
|
Matins respons 2
|
Philetus videns singula
iacobi miracula
hermogeni nunciabat
iesum fore natum dei
crucifixum quem iudei
turpiter necabant
|
Matins verse 2
|
Per quem lumen cecis dabat
et infirmos hic curabat
hunc constanter affirmabat
|
Matins respons 3
|
Hermogenes hec audiens
zelo philetum adiens
fortiter ligabat
quod iacobus percipiens
a vinculis eripiens
eundem et precipiens
vincto quod sic cantabat
|
Matins verse 3
|
Dominus erigit elisos
et ipse solvit compeditos
|
Matins antiphon 4
|
Psallite regi
qui respexit
speciem iacob
quem dilexit
|
Matins antiphon 5
|
Permanet in conspectu dei
veritatem namque fidei
sanctus iste requisivit
per quam fideles acquisivit
|
Matins antiphon 6
|
Iudei linguas acuerunt
contra sanctum disputantes
in hoc tamen defecerunt
scripturas patrum perscrutantes
|
Matins respons 4
|
Hermogenes videns vanam
artem suam christianam
fidem mente induit
et chartas quibus magica
perfecit maleficia
summergendo respuit
|
Matins verse 4
|
Aspernans seculum
secutus est apostolum
verumque deum coluit
|
Matins respons 5
|
Iudei dum viderent istum
magnum predicantem christum
iacobum ceperunt
quem adeuntes quare iesum
predicaret cruce lesum
secundum legem audierunt
|
Matins verse 5
|
Qui ex prophetis retulit
et fructum dei contulit
populo quod credidit
|
Matins respons 6
|
Iudeorum labia
dei replevit gracia
per iacobi doctrinam
qui clamabant penitenter
baptizemur diligenter
ne tradamur in ruinam
|
Matins verse 6
|
Ut per christum renovemur
fide christi gloriemur
|
Matins antiphon 7
|
Hic docuit diligere
nos deum non extollere
cor nostrum exaltando
pauperes reficere
cunctis benefacere
semper miserando
|
Matins antiphon 8
|
Annunciavit gloriam
celorum et iusticiam
quam populi viderunt
cum christum induerunt
|
Matins antiphon 9
|
O domine iusticiam
in iacob tu fecisti
thronorum in leticiam
dum eum assumpsisti
|
Matins respons 7
|
Iacobus dum ducebatur
decollari curabatur
homo paralyticus
quod iosias videns signum
fune trahens hunc benignum
effectus est catholicus
|
Matins verse 7
|
In christo iesu est renatus
et pro deo decollatus
|
Matins respons 8
|
Dum iosias benedixit
christo pontifex tunc dixit
ni iesu maledixeris
et eum abnegaveris
cum iacobo decollaberis
|
Matins verse 8
|
Iosias inquit maledicti
sint dii tui et convicti
iesu nomen benedictum
ab eterno sic est dictum
|
Matins respons 9
|
Diem festum celebremus
exauditam quo videmus
apostolorum matrem
bibentes namque calicem
sedent cum sanctis invicem
apud summum patrem
|
Matins verse 9
|
Ut ibidem congaudere
sanctis valeamus vere
iesu mala fac deflere
nosque sibi consedere
|
| |
Lauds antiphon 1
|
Plebem terre tunc firmavit
iacobus cum enarravit
de christo testimonia
facta credibilia
|
Lauds antiphon 2
|
Viri fratres hic narravit
deo qui nos liberavit
iubilate quia lavit
oves quas demon prostravit
|
Lauds antiphon 3
|
Terra deserta floruit
et germen deo prebuit
plebem cum iacob docuit
in tantum quod penituit
|
Lauds antiphon 4
|
Domino benedicite
hic inquit et diligite
iesum quem illicite
negastis nunc induite
|
Lauds antiphon 5
|
Laudate deum glorie
per quem assumptus hodie
servus est fidelis
qui oret ut leticiam
donet et nobis graciam
dominus de celis
|
Lauds (gospel) special antiphon
|
Benedictus es domine
tuo namque numine
iacobus erexit
assedentes umbre mortis
vie pacis ut consortes
forent sic direxit
|
| |
2nd Vespers (gospel) special antiphon
|
Huius sancti gloriose
rutilat sollemnitatis
quem assumpsit vigorose
celis dei bonitas
ut ibi nos radiose
illuminet divinitas
pro nobis oret studiose
iacobi sedulitas
|
full office name: