| |
| |
Vespers (gospel) special antiphon
|
Gloriosa splendet orbi
beati fides iacobi
pro qua cesus ab herode
regnum scandit ad celeste
|
| |
Matins I
|
Veneremur christum regem
quo iacobus iam perennem
promeruit regni sedem
|
Matins antiphon 1
|
Ut celestis firmamenti
intonuit vox iacobi
dum gloriam narrat dei
|
Matins antiphon 2
|
Verbo dei confirmatus
et spiritu oris eius
cunctis fulsit virtutibus
|
Matins antiphon 3
|
Quod a deo constitutus
princeps terre sit iacobus
hermogenes sensit magus
|
Matins respons 1
|
Fulget sole splendidius
inter primates iacobus
qui in carne reverendam
christi viderunt gloriam
|
Matins verse 1
|
Tres pre cunctis sunt electi
quorum felices oculi
|
Matins respons 2
|
Cum tropeum salvatoris
predicaret synagogis
ars magorum fit obvia
qui docebant contraria
|
Matins verse 2
|
Quos revincens per spiritum
convertit hos ad dominum
|
Matins respons 3
|
A iosia fune vinctus
ad herodem est perductus
dum bibere iam felicem
christi sitiret calicem
|
Matins verse 3
|
Qui ut iudeis placuit
hunc decollari statuit
|
Matins antiphon 4
|
Gloriosus princeps iste
deo coniunctus abrahe
triumphato gaudet hoste
|
Matins antiphon 5
|
Hereditatem tu deus
per iacobum credentibus
dedisti in celestibus
|
Matins antiphon 6
|
Intellexit dei facta
et que de nati gloria
intonuit vox paterna
|
Matins respons 4
|
Ducebatur apostolus
ad victimam sicut agnus
cum videns paralyticum
fert oranti remedium
|
Matins verse 4
|
Fide plenus et merito
spe gaudebat in domino
|
Matins respons 5
|
Admirans christi graciam
iosias poscit veniam
clamans o sancte iacobe
fac me christum agnoscere
|
Matins verse 5
|
Fundens preces cum lacrimis
ad pedes eius procidit
|
Matins respons 6
|
Quanta refulsit gracia
per iacobum in iosia
os eius pugnis ceditur
quia christum confitetur
|
Matins verse 6
|
Dignus ergo cum iacobo
adiudicatur gladio
|
Matins antiphon 7
|
Ipsius namque merita
sunt a deo exaltata
peccatorum fonte trita
|
Matins antiphon 8
|
Per iacobum in iudea
lux fidei fulsit orta
rectis corde leticia
|
Matins antiphon 9
|
Christo cuius mente tota
servavit testimonia
iam corregnat in gloria
|
Matins respons 7
|
Iam addictum secum pene
dum iacobus lavat fonte
christi confirmat et fide
hoc triumphans comitante
|
Matins verse 7
|
Dans oscula illi pacis
signansque caput martyris
|
Matins respons 8
|
O caritas admiranda
qua ferves christi victima
dum hosti poscis veniam
regnique tecum gloriam
|
Matins verse 8
|
Nunc ergo gregem adiuva
qua precellis clemencia
|
Matins respons 9
|
Insignis athleta dei
iacobus salutare
christi poculum quod
par amor fratrum siciebat
bibere dum meruit
primus ad desideratam
regni sedem conscendit
torque et purpura decoratus
|
Matins verse 9
|
Nos prece ducat eo
quo gaudens ipse tropeo
|
| |
Lauds antiphon 1
|
Auctori celebres
pangat pia concio laudes
alternique chori
iacobi famulentur honori
|
Lauds antiphon 2
|
Cuius in ecclesia
micat ut sol plenaque luna
vita fides meritum
virtus doctrina tropeum
|
Lauds antiphon 3
|
Ad christi vocem
cum navi recia patrem
et mundo si quid
possederat omne reliquit
|
Lauds antiphon 4
|
Cum facies christe
tua splenduit adfuit iste
astitit et celle
qua reddita vita puelle
|
Lauds antiphon 5
|
Sacra voce tonans
iacobus signisque coruscans
filius est tonitrus
digne cum fratre vocatus
|
Lauds (gospel) special antiphon
|
Iam signis et virtutibus
hostem supplantans iacobus
qui pro te fuso sanguine
tecum regnat iesu christe
nos ipsius per merita
tua fac dignos gracia
|
| |
2nd Vespers (gospel) special antiphon
|
Dum celestis palmes vitis
iacobus apostolus
multum fructum proferens
predicaret gentibus
reprobatus ab impiis
capitali sentencie
pro christo occubuit
|
| |
Compline (gospel) special antiphon .a
|
Cum prece devota
famulantum suscipe vota
poscere non segni
post mortem gaudia regni
|
| |
Matins antiphon .a
|
Letabitur in domino
qui philetum dei verbo
resolvit magi vinculo
|
| |
2nd Vespers (gospel) special antiphon .a
|
Magnificet deum fidelis ecclesia
apostoli iacobi celebrans sollemnia
qui primus in apostolis sub herodis gladio
coronari promeruit insigni martyrio
|
full office name: