full office name: IACOBUS, intercisus (n1)
edition: AH 26 #46
eccles:mon
calendar:November 27
structure summary: Vespers: E
Matins: IA6R3.A6R3.ERR
Lauds: A5E
2nd Vespers: E
poetic forms: Vespers: .o
Matins: i.oifoov{is,og,ol}voiivo{vi,ot,is}.o{iT,ol}
Lauds: o3$v.$
2nd Vespers: .i [”q]
type of saint: martyr
notes:martyr
Persons: Iacobum Iacobus Zebedei Alphei
Places: Persia Nazarenus Perside Alape Persarum Persis

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
O beate intercise
factus civis celestium
consors gracie divine
obtinuisti bravium
ubi regnas sine fine
ora pro nobis dominum
 
Matins I
Christum regem
adoremus martyrum
qui hodie
coronavit iacobum
Matins antiphon 1
Plaudat mater ecclesia
in interciso martyre
chorus frequentet cantica
de tam sollemni palmite
Matins antiphon 2
Nobilissimis exortus parentibus
uxorem sanctam habuit
diviciis spretis ac honoribus
pro christo mori voluit
Matins antiphon 3
Hic censetur similis
iacobo maiori
sed totus adhesibilis
iacobo minori
Matins antiphon 4
Hic oracione facta
hostem devicit perfidum
ac eiusdem pedis planta
calcat et hunc igniferum
Matins antiphon 5
Reverenter tumulatur
hic sanctus in persia
ubi magna congregatur
christianorum copia
Matins antiphon 6
Sanctus iste iacobus
vocatur intercisus
nam quilibet est digitus
a manibus divisus
Matins respons 1
Zebedei iacobus
maximus vocatur
sed alphei minor
pastor consecratur
iste nazarenus
a preside vocatur
Matins verse 1
Ambo fratres domini
amboque discipuli
sed iste servus iesu christi
Matins respons 2
Iacobus residens in petra
fundatus est in gracia
qui abhorrens queque tetra
mundana sprevit vicia
facieque iugi leta
sacra vixit mundicia
Matins verse 2
Sit tuarum obsecro
lacrimarum rivus
in corde lapideo
meroris motivus
Matins respons 3
Vere dux novus dicitur
per quem fidelis pascitur
claris lustratur moribus
mundi spretis honoribus
Matins verse 3
Hic attritus martyrio
clamat voce magna
dum privatur digito
tu facis mirabilia
Matins antiphon 7
Nazarenus iam vocatur
spiritus sancti flamine
dono gracie donatur
divino spiramine
Matins antiphon 8
Vita sancta duplicatur
postquam martyrium sustulit
sanctitasque serenatur
dum gloriosus obiit
Matins antiphon 9
Mortem esse somnum clamat
inter tormenta crudelia
quem et angelus confortat
in mirabili constancia
Matins antiphon 10
Stans inter homines feroces
totum se deo dedicat
et sacros rutilans sermones
terrena queque abdicat
Matins antiphon 11
Decollatur intercisus
circumstante populo
aperitur paradisus
ascendente iacobo
Matins antiphon 12
Hunc membratim absciderunt
carnifices de perside
et primates annuerunt
de civitate alape
Matins respons 5
Dum semivivus corpore
sanctus constringebatur
foras intenso vulnere
totus destruebatur
Matins verse 5
Manibus abscissis
genibus demolitis
de tam crudeli turbine
christum precebatur
Matins respons 6
Hora mortis acclamasti
iste carcer sit solutus
et semivivus tu dixisti
rex persarum sit confusus
Matins verse 6
Spiritus meus ad te veniat
et tecum in sempiternum vivat
Matins respons 7
Felix pater quod figuras
carnificibus predicasti
felix martyr quod scripturas
abscissis digitis allegasti
tu deridens blandimenta
tu surridens iam tormenta
Matins verse 7
Iesus marie filius
te vocavit iacobum
ut esses suus servus
te dixit intercisum
Matins (gospel) special antiphon
Iste novus martyr novo
martyrio decoratur
inter sanctos sanctus solio
in celesti coronatur
Matins respons 9
Manuumque pedum digiti
frustratim abscinduntur
umeri crura et lacerta
busto evelluntur
quot scripturas abscissis
digitis allegasti
precemur ergo iacobum
ut intercedat
pro nobis ad dominum
Matins verse 9
Iste sanctus
magnus reputatur
cum in celo
martyr coronatur
Matins respons 10
Hic simplex rectus humilis
dei cultor amabilis
inter adversa paciens
inter prospera sapiens
Matins verse 10
Hic litteras habuit
a matreque uxore
et subito ingemuit
attritus dolore
 
Lauds antiphon 1
Intercisus iam perfectus
credit cum mente solida
et virtute circumseptus
prebet salutis monita
Lauds antiphon 2
Letus in celis iubilat
quia letus servivit
et inter sanctos rutilat
dum in celos introivit
Lauds antiphon 3
Manuque crure abscissis
instat bellator strenuus
contra hostem regem persis
pugnavit miles optimus
Lauds antiphon 4
Te benedicunt
cuncte creature
teque commendant
divine scripture
Lauds antiphon 5
Tuis pater sic assiste
filiis precantibus
ut locetur chorus iste
sanctis in celestibus
Lauds (gospel) special antiphon
O beata provincia
o beata ecclesia
in qua intercisi
fulget memoria
beatus locus
honorans martyrem
beatus clerus
exaltans presulem
felix pater
succurre miseris
ut felices
iungamur superis
 
2nd Vespers (gospel) special antiphon
O beate iacobe intercise
qui providentissime
errorem cognoscendo
et amare flendo
nunc cum christo thronum tenes
in celesti curia
servorum supplicancium
exaudi preces
ut perfruamur gracia