| |
| |
Vespers antiphon
|
Adest dies celebris
quo nobis mater ecclesia
in festo tanti luminis
offert nova preludia
dum hyacinthum sanctissimum
cunctis tradit hominibus
venerandum per secula
|
Vespers (gospel) special antiphon
|
Hyacinthi novi sideris
magnificemus gloriam
qui in vita pauperrimus
magnis dotatus meritis
semper auxit ecclesiam
quam pius quam humillimus
exemplum dedit seculis
numquam casurum mentibus
|
| |
Matins I
|
Iubar quod diu latuit
cunctis resplendet hodie
|
Matins antiphon 1
|
Hyacinthi corpus tumulo
leta sumit cracovia
sanctique viri spiritum
celi suscepit curia
|
Matins antiphon 2
|
Quare frementis populi
hyacinthus corda gencium
verbo convertit humili
corda tangebat hominum
|
Matins antiphon 3
|
Vir fuit evangelicus
qui sui patris monita
secutus est divinitus
celesti plenus gracia
|
Matins respons 1
|
Iacentem mundum tenebris
hyacinthus totum reperit
sed luce sancti flaminis
totus accensus ferbuit
et corda tangens hominum
multos ad fletum compulit
|
Matins verse 1
|
Fluminis impetus letificat civitatem dei
|
Matins respons 2
|
Hic sanctorum confessorum
gloria sanctissimus
hic studentum norma morum
vir est hic catholicus
suis vertens in stuporem
patriam sermonibus
|
Matins verse 2
|
Ignitum verbum proferens
inflammat corda frigida
|
Matins respons 3
|
Inter flores hoc hyacintho
flos non redolencior
inter gemmas preciosas
nulla gemma clarior
qui virtutum flos et morum
gemma splendens omnibus
|
Matins verse 3
|
Date deo voluntarias primicias et purpuram et hyacinthum
|
Matins antiphon 4
|
Te invocamus dominum
in huius sancti gaudiis
exaudi tuum populum
placatus suis meritis
|
Matins antiphon 5
|
Verba prudentis hominis
fluunt ex ore celici
dum aqua sancti fluminis
purgentur omnes populi
|
Matins antiphon 6
|
Noster in celis dominus
regnat qui cunctis seculis
nos sui sancti precibus
celi coniungat angelis
|
Matins respons 4
|
Magnus preco divinitus
missus ad partes patrie
vir vere dei celitus
cunctos subegit gracie
morbos curando omnium
christi invocando nomine
|
Matins verse 4
|
Verbo vita miraculis
sevos repellit demones
|
Matins respons 5
|
Corpus afflictum iugiter
subegit christi legibus
quod calcans multipliciter
non tulit mergi turpibus
sed dono dei gracie
mundum servavit spiritum
|
Matins verse 5
|
Carnem adversus animam
rebellem sensit plurimum
|
Matins respons 6
|
Exemplar datum humilis
hyacinthus fuit seculo
cracoviensem populum
celesti pascens pabulo
christi frequentans poculum
et corporis mysterium
|
Matins verse 6
|
Velum fecit de hyacintho
cortinasque purpureas
|
Matins antiphon 7
|
Quis vidit in celestibus
florentem tanta gloria
qui vitam in terrestribus
conservat dei gracia
|
Matins antiphon 8
|
Virtute magna preditus
vicit omne mortiferum
et mente semper fervidus
celi conscendit solium
|
Matins antiphon 9
|
Terra relicta ceteris
spreta contemptu facili
pauper hyacinthus statuit
degere sibi humili
|
Matins respons 7
|
Patres ivo dominicus
et deus rex altissimus
te doctum sanctum humilem
fecerunt cunctis seculis
o vir inenarrabilis
|
Matins verse 7
|
Hyacinthus plebem supplicem
conserva tuis meritis
|
Matins respons 8
|
Scandenti celi sidera
consecuturo premium
celesti tibi curia
occurrit rex psallencium
vir sancte viso domino
|
Matins verse 8
|
Levans ad celum oculos
cogis abire spiritum
|
Matins respons 9
|
Orantibus discipulis
pater relicto seculo
letus ascendit spiritu
toto plorante populo
o vir pater sanctissime
tuis succurre filiis
|
Matins verse 9
|
Qui lacrimarum fluvio
confidunt tuis meritis
|
| |
Lauds antiphon 1
|
In hora sui transitus
hyacinthus pansis manibus
celo premisit spiritum
cunctis solutis fletibus
|
Lauds antiphon 2
|
In te speravi domine
decantans voce flebili
sanctam efflavit animam
aspectu visus angeli
|
Lauds antiphon 3
|
Cum venit ad versiculum
in manus tuas domine
relicta carnis sarcina
redit ad suum dominum
|
Lauds antiphon 4
|
O virum ineffabilem
benedicendum iugiter
regnans in celi solio
nos benedic per secula
|
Lauds antiphon 5
|
Laudantem sancti merita
sanctorum iunge cetibus
ploranti sua scelera
parce hyacinthi precibus
|
Lauds (gospel) special antiphon
|
O quantus luctus populo
quanta lamenta fratribus
dum vir hyacinthus seculo
discessit tendens oculos
ad iesum suum dominum
orans coniunctis manibus
in manus tuas domine
meum commendo spiritum
|
| |
2nd Vespers (gospel) special antiphon
|
Ave gemma preciosa
cunctis gemmis clarior
ave florum flos hyacinthe
omni flore purior
ave pie ave bone
pastor noster inclite
tu qui potes scis et vales
preces nostras suscipe
ut potenti tua prece
nos trahas ad superos
|
full office name: