| |
| |
Vespers antiphon 1
|
Respiremus in beati
huberti memoria
nos ipsius preditati
corporis presencia
consurgamus excitati
in eius preconia
|
Vespers antiphon 2
|
Insecutus nobilium
ritus adulescencium
militari cingulo
sese precingens nobilis
in armorum est habilis
usu placens populo
|
Vespers antiphon 3
|
Hic aquitanus genere
turriti regis tempore
regalis palacii
comes insignitus
in doctrinis eruditus
litteralis studii
|
Vespers antiphon 4
|
Sub coniugali federe
castitatem coluit
quam iussus erat ducere
uxorem sic habuit
quod iura tori petere
coniugalis horruit
|
Vespers antiphon 5
|
Ebroinum considerat
promptum ad maliciam
quam cum ferre non poterat
secessit in austriam
ubi rex pippinus erat
sic reliquit franciam
|
Vespers respons
|
O huberte pastor pie
morum virens plantula
summi regis te collaudant
frequenter miracula
hostis seva da prudenter
precavere iacula
|
Vespers verse
|
Poscas nobis apud deum
vitam prece sedula
|
Vespers (gospel) special antiphon
|
Petri clerus iucundetur
hodie leodii
presens corpus veneretur
presulis eximii
ut eidem suffragetur
ope patrocinii
|
| |
Matins I
|
Christo regi confessorum
iubilemus pariter
quem civium supernorum
hymnus laudat iugiter
quibus iunxit apex morum
hubertum sollemniter
|
Matins antiphon 1
|
Moram tungris cum faceret
iuvenis egregius
et lambertum agnosceret
morari vicinius
traiectum ut hunc cerneret
descendit velocius
|
Matins antiphon 2
|
Hunc lambertus amplexatur
dato pacis osculo
sic in eius hospitatur
comes habitaculo
ei quoque commendatur
caritatis vinculo
|
Matins antiphon 3
|
Post sermones sancti viri
eiusque consilium
post tocius reperiri
mutatus in alium
virum comes et sortiri
cleri vult consorcium
|
Matins respons 1
|
Consilio igitur
lamberti vir memoratus
moribus imbuitur
divino rore rigatus
celitus instruitur
modo lege dei meditatur
|
Matins verse 1
|
Clericus efficitur
domino servire paratus
|
Matins respons 2
|
Summum pastorum
post hec festinat adire
limina sanctorum
petri paulique subire
ut per eos valeat
cum christo fedus inire
?Limina [alt: ?]
|
Matins verse 2
|
Quo sua mens nequeat
a proposito resilire
|
Matins respons 3
|
Sergius hubertum
rome dum sciret adesse
illi lambertum
dodonis nunciat esse
occisum telis
quoniam fuit ore fidelis
|
Matins verse 3
|
Damnator veneris
superinducte mulieris
|
Matins antiphon 4
|
In lamentis resoluta
est tungrorum regio
grave damnum consecuta
lamberti martyrio
extat prorsus destituta
pastoris solacio
|
Matins antiphon 5
|
Dum quievit in aurora
corpus pape sergii
dormienti ipsa hora
predicti martyrii
apparuit sine mora
angelus consilii
|
Matins antiphon 6
|
Rem lamberti notam fuit
divina relacio
rem huberti patefecit
dormienti sergio
argumentum his subiecit
baculi translacio
|
Matins respons 4
|
Sergius angelicis
monitis parere probatur
mitra pontificis
hubertus condecoratur
sic gerit hubertus
insignia pontificatus
|
Matins verse 4
|
Priusquam lambertus
est a dodone necatus
|
Matins respons 5
|
Post funus triste
lamberti martyris iste
presul succedit
et in eius sede resedit
qui peregre venit
mitratus ab urbe recedit
|
Matins verse 5
|
Sic deus accedit
illi quem gracia lenit
|
Matins respons 6
|
Precipuis meritis
et sanguine clarus avorum
servet ab illicitis
nos actibus atque pravorum
nos faciat monitis
attentos eloquiorum
|
Matins verse 6
|
Inclitus et mitis
hubertus semita morum
|
Matins antiphon 7
|
Curam agens tungrensium
sparsas oves congregat
et ad bonarum ovium
gregem illos aggregat
pietatis officium
nulli prorsus denegat
|
Matins antiphon 8
|
Oves fessas sublevabat
salutari baculo
et confractas solidabat
caritatis vinculo
egrotantes sustentabat
spiritali pabulo
|
Matins antiphon 9
|
Magnus erat consolator
horum quibus prefuit
oppressorum sublevator
illis numquam defuit
infirmorum visitator
quibus semper adfuit
|
Matins respons 7
|
Quando suum scivit
corpus debere resolvi
ac animam novit
de carnis carcere solvi
transiit ad claram
lamberti martyris aram
|
Matins verse 7
|
Exorando quidem
se commendavit eidem
|
Matins respons 8
|
Basilicam subiit
quam petri laude dicavit
albini peciit
altare quod ipse sacravit
ante quod extensus
est christum flendo precatus
|
Matins verse 8
|
Illic prostratus
est tumbam corpore mensus
|
Matins respons 9
|
Cum mors instabat
oculos direxit ad astra
hec precabatur
iam cogor languida castra
corporis exire
mortis quoque claustra subire
|
Matins verse 9
|
Sic expirasse
sic fertur ad astra levasse
|
Matins Q
|
Huberte presul eximie
proles insignis prosapie
tocius cultor mundicie
iubar preclarum ecclesie
resides hodie
in throno glorie
frueris requie
celestis patrie
noxas nostras
clementer dilue
atque nostris
precibus adnue
|
| |
Lauds antiphon 1
|
Post discessum confessoris
anno sexto decimo
sibi dari vas honoris
placuit altissimo
et levari ossa foris
cum honore maximo
|
Lauds antiphon 2
|
Apertum est monumentum
gloriosi corporis
nullum sensit detrimentum
vetustate temporis
sed illesum est inventum
os cum membris ceteris
|
Lauds antiphon 3
|
Carlomannus ut audivit
de regali solio
cum uxore tunc exivit
relicto palacio
ad videndum hunc transivit
plenus magno gaudio
|
Lauds antiphon 4
|
Hunc cum cetu rex primatum
de sepulchro sustulit
sacrum corpus prelibatum
et cum hymnis detulit
ad altare consecratum
et in altum sustulit
|
Lauds antiphon 5
|
Postquam corpus collocavit
cum suis proceribus
ecclesiam hanc ditavit
magnis facultatibus
sic in suis honoravit
hubertum muneribus
|
Lauds (gospel) special antiphon
|
Benedicta sis maiestas
creatoris omnium
que huberto tuum prestas
hodie palacium
cuius virtus et potestas
non habet inicium
in qua nulla fit egestas
sed ubertas omnium
|
| |
2nd Vespers (gospel) special antiphon
|
Hanc huberte dedicatam
aulam a te primitus
tue quoque subarrhatam
sepulture dotibus
et corpore consecratam
serva tuis precibus
atque plebem congregatam
hic in tuis laudibus
|
full office name: