| |
| |
Vespers antiphon
|
Sacra fulget sollemnitas
in qua celi sublimitas
suscepit honoratum
pro regno nicomedie
regni celestis hodie
recepit principatum
|
Vespers (gospel) special antiphon
|
O quam dignus honoribus
preconiis et laudibus
confessor honoratus
quem christus honor previus
honoravit sublimius
honore presulatus
hic in columna flammea
previsus fuit antea
parentibus quam natus
|
| |
Matins I
|
Christum regem in secula
laudemus exaltatum
qui tanta per miracula
sublimat honoratum
|
Matins antiphon 1
|
Honoratus vir inclitus
in mundi fausto positus
eius fugit ruinas
parentes habens regios
a fide christi devios
flos fulsit inter spinas
|
Matins antiphon 2
|
Cum esset puer indolis
sub custode christicolis
servatur alienus
christi tamen noticia
datur in silva regia
dum mendicat egenus
|
Matins antiphon 3
|
Pia christi provisio
instruendum caprasio
tradit filium regis
qui dum cervum insequitur
ad audiendum ducitur
verba divine legis
|
Matins antiphon 4
|
Porro post matris obitum
pater parat in genitum
dolosas questiones
sed lux in nube claruit
incutitur nec timuit
frivolas raciones
|
Matins antiphon 5
|
Culmina spernens regia
relicta tandem patria
caprasium sectatur
perveniunt per equora
ad ravennata litora
ibique baptizatur
|
Matins antiphon 6
|
Fide firmus catholica
iubetur apostolica
iacobi visione
mox iter ut arripiat
et carolum eripiat
de dura capcione
|
Matins antiphon 7
|
Ardens ut ignis facula
virtutes et miracula
frequentat vir divinus
tactu cuius erigitur
et sospitate fruitur
debilis anolinus
|
Matins antiphon 8
|
Postquam celorum intima
penetrat fratris anima
tristatur honoratus
inde transit caprasius
remansit solitarius
amens et desolatus
|
Matins antiphon 9
|
Irruunt seve fustibus
et macerant verberibus
tres eum manichei
serpentum in pericula
in lirinensi insula
exponunt virum dei
|
| |
Lauds antiphon 1
|
Honoratus christicola
primus existens incola
insule lirinensis
crevit semper in melius
refulgens velut radius
virtutibus immensis
|
Lauds antiphon 2
|
Iam in christi servicio
crescit nova plantacio
sanctorum monachorum
fama discurrit longius
visu probat eugenius
papa mores illorum
|
Lauds antiphon 3
|
Orante dei famulo
per hunc se petit sedulo
vesianus iuvari
ad arelatum properat
divisumque accelerat
populum adunari
|
Lauds antiphon 4
|
Postquam placavit populum
ad vesiani tumulum
oraturus accessit
obtulit sacrificium
et defunctorum omnium
vox amen bis expressit
|
Lauds antiphon 5
|
Viso tanto miraculo
a clero mox et populo
pontifex est electus
sed qui faustum reliquerat
talibus non obtemperat
donec fuit correctus
|
Lauds (gospel) special antiphon
|
Sanctitatis titulo
mire decoratus
refulsit in populo
presul honoratus
qui vivens in seculo
vir summe beatus
ignis in vehiculo
fratrum in capitulo
stetit transportatus
|
| |
Prime antiphon
|
Lux clara nobis claruit
honore tanti viri
qui defunctorum meruit
clamore sepeliri
|
Terce antiphon
|
Honoratus suscipiens
curam commissi gregis
fuit semper proficiens
in laude summi regis
in terris iam incipiens
vitam celice legis
|
Sext antiphon
|
In obsequiis sedulus
honoratus instabat
tamquam omnium famulus
omnia preparabat
|
Nones antiphon
|
O quam dignus in populis
honoratus honore
qui signis et miraculis
refulsit in stupore
|
| |
2nd Vespers (gospel) special antiphon
|
O presul honorabilis
honoratus tam ardua
non rara sed assidua
prepollens pietate
quam ceca pauper vidua
dum pulsat prece flebilis
pro nato vir laudabilis
pressus anxietate
captivari non renuit
sed se pro illo prebuit
miranda caritate
|
full office name: