| |
| |
Vespers antiphon 1
|
Hec vera fraternitas
numquam violanda
sancta nunc sollemnitas
semper veneranda
puros monet pueros
sacrum luminare
celum terram inferos
deum collaudare
|
Vespers antiphon 2
|
Omnes gentes deum laudent
patrem omnis gracie
que patronos sanctos gaudent
datos aquilegie
|
Vespers antiphon 3
|
Hi qui iustis sociari
meruerunt supplices
sunt scintille sunt preclari
reges sunt et iudices
|
Vespers antiphon 4
|
Adest merces copiosa
vitam beans hominum
qui pro fide gloriosa
fusionem sanguinum
pacientes moriuntur
dum et vivi recoluntur
non habentes terminum
|
Vespers antiphon 5
|
Ierusalem lauda
summa dignum laude
sed aquilegia
summo plausu plaude
nam laurearis
patribus impensis
per quos ditaris
laudibus immensis
|
Vespers (gospel) special antiphon
|
Salve pater hilare
doctor veritatis
ac grassante cesare
virga maiestatis
gregem tuum prohibe
zelo pietatis
opem lapsis exhibe
tue sanctitatis
|
| |
Matins I
|
Hodierna lux diei
nos invitat laudes dei
cantibus exprimere
quos sanctorum festa quina
recensentes lex divina
docet sic incipere
|
Matins antiphon 1
|
A numeriano
cesare romano
preses aquilegie
datus est baronius
cum effectu plenius
fautor idolatrie
|
Matins antiphon 2
|
Regimen episcopatus
hilarus dum recipit
ordinem diaconatus
tacianus accipit
|
Matins antiphon 3
|
Iniquorum verbera
sancti non timentes
meruerunt ethera
terrea spernentes
|
Matins respons 1
|
Fulget mater ecclesia
tantis dotata patribus
qui sunt in aquilegia
magnis quinque nominibus
|
Matins verse 1
|
Dant isti pacem
mortem mordentque mordacem
|
Matins respons 2
|
Sacer monoffantus
sacrilegos cantus
gencium exemplo
maior ministrabat
deos adorabat
herculis in templo
cuius pena futilis
opere mirabilis
et famosa fuerat
|
Matins verse 2
|
Plurimus numinibus
multis hec hominibus
necis causam dederat
|
Matins respons 3
|
Plagis scorpionibus
flagris et carbonibus
membra beatorum
feriuntur laniantur
affliguntur ustulantur
more pessimorum
sic ad astra pervenerunt
sic et regnum intraverunt
omni plenum gaudio
|
Matins verse 3
|
Tanti fac itineris
orphanos et muneris
frui beneficio
|
Matins antiphon 4
|
Orat presul cum timore
spem apponit in amore
liberari cupiens
a profanis inimicis
ut tam toto quam in micis
deo sit obediens
|
Matins antiphon 5
|
Hilarus dum christum orat
et presidium implorat
mentis cum intuitu
fana templi sunt confracta
sunt in nihilum redacta
flante sancto spiritu
|
Matins antiphon 6
|
In etate iuvenili
vicit hostes et senili
cultus spretor veteris
salvatoris hyssopus
hilarus episcopus
doctus fide litteris
|
Matins respons 4
|
Pontifice beato
dominum precante
ruit templum herculis
illo profugato
qui tam post quam ante
mendax est in singulis
|
Matins verse 4
|
Tremit tota civitas
sicque christi deitas
scitur ex miraculis
|
Matins respons 5
|
Plantis terra claruit
semi martis tempore
quo theos inseruit
arbores cum arbore
quibus inest flos suavis
fructus dulcis cantans avis
voce salutifera
|
Matins verse 5
|
Sunt he plante cultor pie
que clarescunt ista die
quinque celi sidera
|
Matins respons 6
|
O martyrum constancia
constansque paciencia
tu legis liberalitas
et libera legalitas
nam verbis non perverteris
verberibus non frangeris
tu passim passa predicas
te christo regi dedicas
|
Matins verse 6
|
Orbis totus admiratur
hinc ad fidem elevatur
laudesque magnificas
|
Matins antiphon 7
|
Sunt transfixa gladiis
corpora beata
rosea martyriis
in arce coronata
que fruuntur premiis
morte iam sublata
|
Matins antiphon 8
|
Isti quinque tot talenta
duplicantes per augmenta
sapienti studio
in amenis angelorum
quibus pollet rex polorum
vivo splendent radio
|
Matins antiphon 9
|
Qui pro fide veritatis
bella mire probitatis
et squalorem carcerum
cupiendo capiendo
supportando superando
contrectastis asperum
aquilegie civitatis
multe locum sanctitatis
conservate prosperum
|
Matins respons 7
|
Vinculorum unione
mortis quoque passione
simul isti principes
sociati sunt beati
sempiterne qui sunt nati
glorie participes
|
Matins verse 7
|
Collegas quorum
faciat nos rector eorum
|
Matins respons 8
|
Ritus vanos exuentes
mores sanos induentes
christi veste prediti
deum verum veneremur
his et vere sociemur
actu qui sunt incliti
|
Matins verse 8
|
Divinorum dilectores
idolorum subversores
summo bono consiti
|
Matins respons 9
|
Sacerdos et pontifex
cuius dies agitur
tu virtutum artifex
impetra quod petitur
ut nos tecum ad superna
lucet ubi lux eterna
perducamur gaudia
|
Matins verse 9
|
Quare festum hoc honestum
tam suave tam modestum
celebrat ecclesia
|
| |
Lauds antiphon 1
|
Pastor aquilegie
pacis patriarcha
vas misericordie
pietatis arca
nobis adsit hilarus
ne suo nos tartarus
voret cum monarcha
|
Lauds antiphon 2
|
Defleta gentilitas
degens in errore
cuius est crudelitas
fervens in furore
tacianus igitur
hilari levita
legem tutus sequitur
eius qui est vita
|
Lauds antiphon 3
|
Deo cum leticia
felix ille serviens
meruit felicia
morte vitam finiens
|
Lauds antiphon 4
|
Largus sive largius
iste nuncupetur
largus christi filius
largius dicetur
|
Lauds antiphon 5
|
Recolentes prelia
tua dionysi
fac habere prandia
que sunt paradisi
|
Lauds (gospel) special antiphon
|
Ferunt mundo quinque sensus
quinque dona quinque census
sancta quinque nomina
caritatis semina
hilarus hilaritatem
felix fert felicitatem
tacianus taciturnitatem
clamat largus largitatem
deo dionysius
dat nos studiosius
|
full office name: