| |
| |
Vespers antiphon
|
Laus deo sit pro helena
regina egregia
que triumphat luce plena
in celesti curia
|
Vespers (gospel) special antiphon
|
Stabulariam beatam
enarrat ambrosius
hanc que mentem gerens gratam
presepe attencius
requisivit iesu christi
et mentis in stabulo
vulneratum peste tristi
fovit corde sedulo
|
| |
Matins I
|
Adoremus mente cara
regem continencium
qui helene luce clara
dat frui vivencium
|
Matins antiphon 1
|
Probatam crucem helena
dividendo secuit
partem detulit serena
filio quem genuit
|
Matins antiphon 2
|
Per hanc crux est exaltata
fidesque catholica
hanc laudemus mente grata
cum phalange celica
|
Matins antiphon 3
|
Dux helena christi sponsa
mirum templum condidit
ubi steterat absconsa
crux quam deus edidit
|
Matins respons 1
|
Mens letetur fidelium
in helene sollemniis
ipsam decet preconium
et laudari cum gaudiis
possidet celi solium
remunerata premiis
regnum sprevit terrestrium
christi hesit vestigiis
|
Matins verse 1
|
Hec iudeos distrinxit pandere
crucem christi quam ivit querere
ierusalem nati instanciis
|
Matins respons 2
|
De hac dicit ambrosius
beata stabularia
requisivit attencius
et mente voluntaria
presepe christi verius
ut stercus spernens omnia
ad hoc ut christum firmius
lucraretur hic gracia
et haberet in gloria
|
Matins verse 2
|
Novit ait is stabularium
hec quem fovit plagatum nimium
ex latronum gravi iniuria
|
Matins respons 3
|
Licet fuit hec stabularia
vir eius surgit ad imperium
non ex hoc tamen salutaria
ipsa liquit nec bonum studium
immo ivit sat voluntaria
ierusalem ad sanctuarium
post hec redit ad regnum proprium
|
Matins verse 3
|
Delibuta
hec sanctis moribus
ac induta
virtutum floribus
rome solvit
carnis terminum
|
Matins antiphon 4
|
Frenum fecit et coronam
hec de clavis domini
quos invenit fidem bonam
in his gerens numini
|
Matins antiphon 5
|
Fuit hec domina orbis
nec ex hoc intumuit
carnis mundi satan morbis
repulsam opposuit
|
Matins antiphon 6
|
Hec propter amorem christi
velut stercus habuit
hec que sunt in mundo tristi
sic deo complacuit
|
Matins respons 4
|
Fulget iam virtutibus
helena satis clare
deus dignis precibus
favorem vult huic dare
et eam exaltare
|
Matins verse 4
|
Hec fuit domina mundi
et mater imperii
per hanc tristes sunt iucundi
et reducti devii
collaudemus hanc care
|
Matins respons 5
|
O helena
mundo fulsisti bonis
nunc serena
sat gaudes celi donis
vox amena
te mulcet miris sonis
tota plena
benediccionis
|
Matins verse 5
|
Nobis ora
in mundo tribulatis
et implora
virtutem trinitatis
mortis hora
nos iungat celi thronis
|
Matins respons 6
|
Ista dum vixit seculo
devicit adversarium
quando cum corde sedulo
crucis fecit scrutinium
per quam fideli populo
celi paratur gaudium
et cerbero exicium
|
Matins verse 6
|
Postquam fuit celi indicio
crux inventa et signis patuit
partem tulit helena filio
remanereque partem voluit
ierusalem ad fidem gencium
|
Matins antiphon 7
|
O helena tu vicisti
per crucem demonium
imperatrix extitisti
sis nobis presidium
|
Matins antiphon 8
|
Hanc post dies suos bonos
imbutam virtutibus
collocavit deus honos
in excelsis sedibus
|
Matins antiphon 9
|
Hac die hec mente sana
migravit e seculo
rome via lavicana
fuit clausa tumulo
|
Matins respons 7
|
Die hac helena
migravit insignis
sanctitate plena
et cunctis benignis
|
Matins verse 7
|
Munda plenius
a cunctis malignis
gaudet alcius
cum sanctis condignis
|
Matins respons 8
|
Huius sancte reliquie
rome quondam locate
per sacerdotem anxie
quendam sunt asportate
iuncte remensi patrie
virtutibus probate
et signis exaltate
|
Matins verse 8
|
Nata in prima belgica
de hac gaudet secunda
nam virtute mirifica
huius fit letabunda
nec non societate
|
Matins respons 9
|
Ecclesiam dotavit
helena alcius
et fidem roboravit
per crucem plenius
o quantum laboravit
in hoc devocius
viam nobis monstravit
sequamur cicius
|
Matins verse 9
|
Hanc deus inspiravit
ex suo munere
virtutibus dotavit
regnat in ethere
triumphans dignius
|
| |
Lauds antiphon 1
|
Laus sit deo pro helena
regina egregia
que triumphat luce plena
in celesti curia
|
Lauds antiphon 2
|
Fuit mater constantini
helena sanctissima
nec non amoris divini
amatrix verissima
|
Lauds antiphon 3
|
Magna fides hanc firmavit
ex divino munere
ierusalem transfretavit
crucem christi querere
|
Lauds antiphon 4
|
Helena minis pressuris
in iudeos irruit
quousque iude fossuris
crucem christi habuit
|
Lauds antiphon 5
|
Laudemus helenam tantam
omnes voluntarie
que invenit crucem sanctam
in monte calvarie
|
Lauds (gospel) special antiphon
|
O helena imperatrix
vixisti rectissime
fuisti christi laudatrix
obisti sanctissime
regnas celis triumphatrix
audi nos piissime
|
| |
Prime antiphon
|
Rome fuit sepelita
dignitate regia
helena que et unita
christo est in gloria
|
Terce antiphon
|
Diem rome ultimum
hodie helena
clausit iter optimum
agens ad amena
|
Sext antiphon
|
Exaltata est helena
in celi palacio
nobis impetret amena
cum divino filio
|
Nones antiphon
|
Est helena exaltata
in celesti solio
fruitur deo beata
et celi collegio
|
| |
2nd Vespers (gospel) special antiphon
|
Fuit hec conversione
filia ecclesie
soror conversacione
et mater egregie
ex crucis invencione
christi regis glorie
hec nobis devocione
semper sit memorie
|
| |
Matins respons .a1
|
Imperatrix hagia
nostra dele vicia
helena
|
Matins verse .a1
|
Per tua suffragia
|
full office name: