full office name: HELENA (n2)
edition: AH 17 #39
calendar:August 18
structure summary: Vespers: E
Matins: secular
Lauds: A5E
Hours (little hours): A4
2nd Vespers: E
poetic forms: Vespers: .o
Matins: o.fxg{o,v,x}ovo{o,sl,sl}v3{v,ol,vo}
Lauds: vovvo.o
Hours (little hours): lfvf
2nd Vespers: .v [”q]
type of saint: empress widow
notes:empress or queen
widow
Persons: Helenam Constantini
Places: Iudeus Iudeorum Iudeos

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
O quam felix sedulitas
operatricis humilis
que christi sequens semitas
virtutum fulsit cumulis
 
Matins I
Christum regem adoremus
celi terre dominum
qui helenam post laborem
suum vocat ad gaudium
Matins antiphon 1
In lege dei iugiter
sic meditabatur
quod celo perenniter
iam congloriatur
Matins antiphon 2
Crucis signaculo
se helena signavit
quam christus iaculo
hostis preservavit
Matins antiphon 3
Salvatoris domini
cruce iam inventa
duplicavit homini
fidei talenta
Matins respons 1
Adest diei gaudium
presenti plausu vario
per mundi currat stadium
laus cursu quadrifario
Matins verse 1
In huius sancte studiis
datis prorsus repudiis
virtutis adversario
Matins respons 2
Mater sancta constantini
ex amoris vi divini
in divinis studuit
Matins verse 2
Quod incepit recto fini
commendare voluit
Matins respons 3
Crucem dominicam
quesivit anxia
quam occultaverat
dolo gens impia
Matins verse 3
Sic ars deluditur
delusa truditur
arte salvifica
Matins antiphon 4
Iam in regine labiis
gracia diffunditur
diebusque continuis
a christo benedicitur
Matins antiphon 5
Mane sero diluculo
adiuvit eam deus
quam cupit corde subdolo
decipere iudeus
Matins antiphon 6
Hec fundamentum solidum
in sanctis iecit montibus
liquorem hausit fluidum
a salvatoris fontibus
Matins respons 4
Iudeorum perfidiam
non insitam supplicio
exterminare potuit
vero dei indicio
Matins verse 4
Executrix sollicita
punicione licita
hoc peregit iudicio
Matins respons 5
Spiritali radio
virtuosi luminis
fulgens vite meritis
imperatrix culminis
ex sollicitudinis
Matins verse 5
Longo sudans studio
particeps fit numinis
Matins respons 6
Helena nos eleva
virtuosis precibus
ad loca melliflua
expurgatis fecibus
Matins verse 6
Ut letemur iam exuti
ponderosis nexibus
Matins antiphon 7
Hic est super omnes deos
magnus et terribilis
per quem confundit iudeos
imperatrix nobilis
Matins antiphon 8
Inimicos inflammari
iussit in circuitu
atque vinctos flagellari
in eius intuitu
Matins antiphon 9
Notum fecit salutare
et occultum revelare
vexillum dominicum
signum patet singulare
multiplex mirificum
Matins respons 7
De virtute in virtutem
scalam tendit erectam
animarum ad salutem
se contulit correctam
Matins verse 7
Suam deo servitutem
tradidit subiectam
Matins respons 8
Imperatricis gloria
iugis manet memoria
repellens transitoria
Matins verse 8
Laus regine sine fine
cunctis applausoria
Matins respons 9
Humilitatis actibus
humiliter completis
huius maris anfractibus
radicitus deletis
Matins verse 9
Transfertur ad delicias
et perennes divicias
coniunctis locupletis
 
Lauds antiphon 1
Regnat regina celitus
cum decore virtutum
mundum relinquens penitus
contagiis pollutum
Lauds antiphon 2
In hymnis confitemini
omnes orbis christicole
nam hec regina nemini
morum nocebat incole
Lauds antiphon 3
In matutinis domine
hec in te meditatur
quia in tuo nomine
feliciter letatur
Lauds antiphon 4
Montes et colles plaudite
cum laude iubilantes
imperatrici inclite
sonate concrepantes
Lauds antiphon 5
Collaudant omnes spiritus
deum deorum dominum
quem helena radicitus
quesivit vite terminum
Lauds (gospel) special antiphon
O reginarum speculum
exemplar et vehiculum
virilis animositas
miranda virtuositas
in sexu vigens fragili
in vase servans fictili
christi manna absconditum
arca cordis reconditum
nos helena fac provehi
ad locum summi gaudii
 
Prime antiphon
Nos helena rogitante pia
deus alme tuere
leticia cum dulciflua
lucis tibi vere
Terce antiphon
Intellectum presta rectum
helena beata
ut queramus et discamus
divina mandata
Sext antiphon
Super senes intellexit
et ad deum cor direxit
in crucis memoria
spernens transitoria
Nones antiphon
Hanc deus a calumniis
hominum redemit
et ex hoc in suppliciis
inimicus fremit
 
2nd Vespers (gospel) special antiphon
O sexus imbecillitas
vigore sic dotata
muliebris fragilitas
virtute decorata
perfecta patet caritas
quam vera parit sanctitas
in helena beata