| |
| |
Vespers antiphon 1
|
Fulget in orbe dies
hodie celeberrima toto
gaudia millesies
repetamus supplici voto
|
Vespers antiphon 2
|
Lux celebris micat in tenebris
dulcedine plena
ecclesie fulget hodie
matrona serena
|
Vespers antiphon 3
|
Digna fide domina tibi de
meritis meritorum
rex hodie dat regna pie
super astra polorum
|
Vespers antiphon 4
|
Hedwigis celebris
cuius clarissima crebris
fama nitet signis
omni modulamine dignis
|
Vespers (gospel) special antiphon
|
Gaude solum silesie
nam tua colona
hedwigis decus trebnicie
nobilis matrona
facta celestis patrie
civis et patrona
transit ad culmen glorie
regni cum corona
|
| |
Matins I
|
Adsunt sollemnia
hedwigis beate
canat ecclesia
cum iucunditate
|
Matins antiphon 1
|
Ex preclaro conubio
nata ducis meranie
copulatur coniugio
henrico duci silesie
|
Matins antiphon 2
|
Potita matrimonio
prole dotatur nobili
sed castitatis opcio
voto manet immobili
|
Matins antiphon 3
|
Christianis cultibus
prolem mancipatam
sub honestis moribus
servat educatam
|
Matins antiphon 4
|
Mundanis honoribus
finem volens dare
hec ad vitam celibem
cepit anhelare
|
Matins antiphon 5
|
A lege tori libera
viri de consensu
virtutum agit opera
cordis in ascensu
|
Matins antiphon 6
|
Dictis evangelicis
aurem impendebat
quotquot dici poterant
missas audiebat
|
Matins respons 1
|
Gaude prole tali nata
ex te o merania
laude cuius honorata
iubilat silesia
hec est hedwigis beata
refulgens per prodigia
|
Matins verse 1
|
Mulierem fortem quis inveniet procul et de ultimis finibus precium eius
|
Matins respons 2
|
Signum refulget in celo
mulier amicta velo
radii solaris
coronata sideribus
lunam subiecit pedibus
laudis temporalis
|
Matins verse 2
|
Cui christus vivere erat et mori lucrum
|
Matins respons 3
|
Ex nobili stirpe nata
moribus nobilior
calcans mundi delicata
te ipsa sublimior
et iam christo copulata
gaudes sole pulchrior
|
Matins verse 3
|
O quam pulchri
sunt gressus tui
in calceamentis
filia principis
|
Matins respons 4
|
Hedwigis mater pauperum
hoc preponens diviciis
vere forma fit operum
et inimica viciis
|
Matins verse 4
|
Manum suam aperuit inopi et palmas suas extendit ad pauperem
|
Matins antiphon 7
|
Biduano ieiunio
carne macerata
mittebat egentibus
queque delicata
|
Matins antiphon 8
|
Nil relinquens preter victum
ex suis proventibus
vilem deferens amictum
servit pauper pauperibus
|
Matins antiphon 9
|
Gaudebat dapis munere
hos et illos reficere
quia christum in paupere
se credebat suscipere
|
Matins antiphon 10
|
Nivis in algoribus
nuda nudis gressibus
nudum christum sequitur
infirmis debilibus
et plenis ulceribus
leprosis obsequitur
|
Matins antiphon 11
|
Mutato vultus pallio
clam visitabat carceres
afflictas matres puerperio
consolatur pauperes
|
Matins antiphon 12
|
Circuibat sedula
cellas dominarum
ut videret emula
statum singularum
et serviret vernula
questibus earum
|
Matins respons 5
|
Manus beate hedwigis
laboribus ex sinceris
murram distillant optimam
murra stillat de manibus
dum dispersit pauperibus
et dedit eleemosynam
|
Matins verse 5
|
Preces quoque cum lacrimis
deo fundens ab intimis
cordis libavit hostiam
|
Matins respons 6
|
Margarita solo tecta
quondam vilis et despecta
ista dei famula
gemma lucens ut electa
carnis nube iam detecta
fulget per miracula
|
Matins verse 6
|
In sublime stans erecta
celum tendit via recta
velut fumi virgula
|
Matins respons 7
|
Egypti nuda pallio
ornata cultu regio
filia pharaonis
per ascensum purpureum
ad thronum regis aureum
pervenit salomonis
|
Matins verse 7
|
Hedwigis tradens spiritum
felicem agens exitum
de terra babylonis
|
Matins respons 8
|
Audi mater orphanorum
gemitus orancium
esto solamen reorum
ac tutum refugium
per te christus peccatorum
vincla solvat omnium
|
Matins verse 8
|
Nunc ergo ora pro nobis dominum quoniam tu mulier sancta es et timens deum
|
Matins (gospel) special antiphon
|
Mundo festus instat dies
quo hedwigi datur quies
et gloria
in celesti patria
cuius dignis precibus
nobis peccatoribus
veniam
iustis quoque graciam
summe pius
donet dei filius
|
Matins respons 9
|
Que dum oraret sedulo
lumen in habitaculo
super eam diffunditur
hinc marie magdalene
margarete catharine
visu sermone fruitur
|
Matins verse 9
|
En inquiunt post obitus
dies celestis aditus
tibi nobiscum panditur
|
Matins respons 10
|
Felix illa femina
lacrimarum flumina
orans profundebat
vincens queque crimina
semper mentis lumina
sursum dirigebat
|
Matins verse 10
|
Accinxit fortitudine lumbos suos et roboravit bracchium suum
|
Matins respons 11
|
Orta stirpe regia
fertur ad humilia
ut sit in exemplum
quare plena gracia
refulgens per omnia
christo fit in templum
|
Matins verse 11
|
Ut hec erat in omnibus famosissima quoniam timebat deum valde
|
Matins respons 12
|
Sit laus dei filio
in sollemni premio
hedwigis beate
cuius intervencio
sit nostra tuicio
in adversitate
|
Matins verse 12
|
Astitit regina a dextris dei in vestitu deaurato circumdata varietate
|
| |
Lauds antiphon
|
Hedwigis dei laudibus
diebus atque noctibus
iugiter vacabat
proque pereuntibus
profusis gemitibus
deum exorabat
|
Lauds (gospel) special antiphon
|
Alma pupillorum
mater per climata mundi
stella micans et labe carens
depelle reatum
stigmataque portans domini
tu que voluisti
tot penis insigne tuum
corpus macerare
plaude satis quod visceribus
pacienter amasti
ferre iugum christi
regnum celi meruisti
|
| |
Prime antiphon
|
Adest dies leticie
lucens christi familie
a virtutum lumine
sanctissime femine
|
Terce antiphon
|
O lampas ecclesie
lucens dei gracia
vas misericordie
dele nostra vicia
|
Sext antiphon
|
Hec est hedwigis beata
cuius vite fama grata
clarior sideribus
lucet ex operibus
|
Nones antiphon
|
Amicta sole femina
hedwigis est hec domina
quam christus iam decoravit
et in celo coronavit
|
| |
2nd Vespers (gospel) special antiphon
|
Glorietur in hac die
iugiter silesia
sonent laudum melodie
cordis ex leticia
alleluia
consonet ecclesia
nam hedwigis hinc transivit
sed cum christo semper vivit
alleluia
consonet ecclesia
vallis trebnicie iucundetur
clerus psallat plebs letetur
alleluia
consonet ecclesia
miserere miserorum
deo digna et tuorum
esto memor memorum
alleluia
consonet ecclesia
|
| |
Matins respons 1.a
|
Felix igitur hedwigis
ab annis infancie
voto continencie
semper inspirata
nupsit duci silesie
dei providencie
nutu copulata
|
Matins verse 1.a
|
Hec non voluntarie
sed obediencie
parens desponsata
|
Matins respons .a3
|
Beata hedwigis
annos agens pubertatis
zona castitatis
lumbos cepit accingere
cor amore puritatis
et ad petram veritatis
parvulos allidere
|
Matins verse .a3
|
Liberisque generatis
sensus fluxe voluptatis
orabat restringere
|
| |
Lauds (gospel) special antiphon .a
|
O viduarum speculum
et devotum spectaculum
caritatis castitis et largitatis
et tocius gracie
quare digna premio
tuo patrocinio
fac ut digni solio
simus celi glorie
|
| |
2nd Vespers (gospel) special antiphon .a
|
Hodierne sollemnitatis gaudia
que nobis anni reduxit orbita
pia recolamus devocione
beate hedwigis utentes famulamine
|
| |
Vespers antiphon 1.a
|
Congaudeat ecclesia
hedwigi claris vocibus
quam coronavit gloria
christus in celi sedibus
|
Vespers antiphon 2.a
|
In exemplum est posita
nobilibus hec nobilis
nam univit seposita
facta dives et humilis
|
Vespers antiphon 3.a
|
Hec temperatis moribus
nec non placidis extitit
valde large pauperibus
voluptatibus restitit
|
Vespers antiphon 4.a
|
Utens perpaucis poculis
fastus corporis mitigat
et sursum cordis oculis
tensis docet quem diligat
|
Vespers antiphon 5.a
|
Vita mores miracula
excellensque devocio
pro christi clamat famula
quod sit cum dei filio
|
Vespers antiphon 6.a
|
Presta deus petentibus
per hedwigis suffragia
ut in eorum mentibus
tua non desit gracia
|
full office name: