| |
| |
Vespers antiphon 1
|
Letare germania
que de stirpe regia
meranie ducis
ortus ab infancia
dignam dei gracia
hedwigem producis
quam christe cum gloria
mundi post exilia
ad gaudia ducis
perpetue lucis
|
Vespers antiphon 2
|
Hedwigis pietate clara
tibi persolvimus debita laudis
tu solita clemencia
auge devocionis incrementa
|
Vespers antiphon 3
|
Tibi rite psallimus
tibi laudes referimus
ex debito
quia quociens premimur
miseriis in te nobis
fidelis patet recursus
|
Vespers antiphon 4
|
Solaris dum volvitur orbita
votiva recurrunt festa
in quibus et domini
recitantur magnalia
et hedwigis
retractantur merita
|
Vespers antiphon 5
|
Hodierne sollemnitatis gaudia
que anni reduxit orbita
pia recolamus devocione
beate hedwigis
utentes famulamine
|
Vespers (gospel) special antiphon
|
O decus trebnicie
hedwigis mater gracie
concivis milicie
celestis patrie
tribue credentibus
solamen tuis precibus
et da frui laudibus
cum celi patribus
tu tot signis radians
in te plebs fidelis glorians
tocius silesie
digna memorie
asta tuis posteris
mater hedwigis humilis
nobis petens veniam
et celi gloriam
|
| |
Matins I
|
Laudemus in secula
regem seculorum
qui beatam hedwigem
matrem orphanorum
coequavit
meritis sanctorum
|
Matins antiphon 1
|
Biduano ieiunio
carne macerata
mittebat egentibus
queque delicata
|
Matins antiphon 2
|
Nil relinquens preter victum
ex suis proventibus
vilem deferens amictum
servit pauper pauperibus
|
Matins antiphon 3
|
Gaudebat dapis munere
egenos reficere
quia christum in paupere
se sciebat suscipere
|
Matins respons 1
|
Hedwigis stirpe nobilis
omnibusque spectabilis
omni virtutum genere
corde mitis et humilis
etate sexu fragilis
fide fortis et opere
|
Matins verse 1
|
Christo fuit amabilis
ad omne bonum habilis
dei preventa munere
|
Matins respons 2
|
Manum mittit ad forcia
virtutum exercicia
hec comprehendit dulciter
consurgens nocte media
oracionum studia
deo solvebat iugiter
|
Matins verse 2
|
Clam intrat domicilia
dans infirmis obsequia
et leprosis pocula
|
Matins respons 3
|
Margarita solo tecta
quondam vilis et despecta
ista dei famula
gemma lucens ut electa
carnis nube iam detecta
fulgens per miracula
|
Matins verse 3
|
In sublime stans erecta
celum tendit via recta
velut fumi virgula
|
Matins Q
|
1 hec celi feliciter
adepta gracia
fideli fideliter
mundi fallacia
2 corde renuit regia
mater hec egregia
sordes secli fluctibundi
non constantis sed immundi
3 huius genetrix
est germania
eius alitrix
est polonia
4 hedwigis
hec sancta vidua
nos prece
locet assidua
5 sibi devotos
in celi patria
ubi residet
perpetua cum leticia
|
Matins antiphon 4
|
Nivis in algoribus
incedens nudis gressibus
christum insequendo
leprosis et debilibus
eleemosynas tribuendo
|
Matins antiphon 5
|
Mutato vultus pallio
clam carceres visitabat
et reis cibum
cum potu ministrabat
et damnatos sepius
suspendio liberabat
|
Matins antiphon 6
|
Circuibat sedula
cellas dominarum
ut videret emula
statum singularum
et serviret vernula
questibus earum
|
Matins respons 4
|
Que dum oraret sedulo
lumen in habitaculo
super eam diffunditur
hinc marie magdalene
margarete catharine
visu sermone fruitur
|
Matins verse 4
|
En inquiunt post obitus
dies celestis aditus
tibi nobiscum panditur
|
Matins respons 5
|
O vitis cypri nobilis
ferendo botros uberes
hedwigis mater humilis
pie pascendo pauperes
tua virtus laudabilis
nos christo reddat habiles
|
Matins verse 5
|
Ut expiati sordibus
adornemur virtutibus
per te celi
iungamur patribus
|
Matins respons 6
|
Egypti nuda pallio
ornata cultu regio
filia pharaonis
per ascensum purpureum
ad thronum regis aureum
pervenit salomonis
|
Matins verse 6
|
Hedwigis tradens spiritum
felicem agens exitum
de terra babylonis
|
Matins antiphon 7
|
Dictis evangelicis
aurem impendebat
et quotquot dici poterant
missas audiebat
|
Matins antiphon 8
|
Cum se iudex poneret
causas iudicando
hec adesse voluit
fraudes removendo
pupillos et viduas
pie defendendo
|
Matins antiphon 9
|
Hedwigis sancta inclita
nos serves a ruina
nosque frui facias
gracia divina
|
Matins respons 7
|
O quam felix hedwigis
que regnum mundi
et omnem ornatum seculi
contempsit propter amorem
domini iesu christi
currens finem ad beatum
sancte vite celibatum
anhelabat siciens
|
Matins verse 7
|
Signum crucis mente gerens
siti fame se affligens
passionis christi
memor forens
|
Matins respons 8
|
Hec in carne generosa
mortis christi preciosa
stigmata portavit
numquam fuit ociosa
sed mens eius studiosa
legit semper aut oravit
|
Matins verse 8
|
Manus eius operosa
celum sibi copiosa
cum mercede comparavit
|
Matins respons 9
|
Sancta hedwigis inclita
que fuit in spiritu
caritatis fervida
in laude oracionum sedula
ipsa intercedere dignetur
ad iesum christum dominum
regem angelorum
|
Matins verse 9
|
Malens se subicere paupertati
quam propter gloriam huius mundi
esse immemor
preceptorum dei
sitivit enim gloriam
dei et oravit
|
| |
Lauds antiphon 1
|
Hedwigis dei laudibus
diebus atque noctibus
iugiter vacabat
proque persecutoribus
profusis gemitibus
deum exorabat
|
Lauds antiphon 2
|
Iubilate deo omnis terra
quia christo ista famula
corregnat super ethera
cui laus et gloria
per infinita secula
|
Lauds antiphon 3
|
O felix et beata
iam a christo sublimata
virgini marie sociata
in celesti curia coronata
nos post hoc exilium
fac habere celi gaudium
|
Lauds antiphon 4
|
Benedicite spiritus
et anime iustorum
quia dei filius
largitor bonorum
deduxit famulam hedwigem
ad gaudia celorum
|
Lauds antiphon 5
|
Laudate dominum de celis
in quibus hedwigis fidelis
gaudet cum domino
regnans sine termino
|
Lauds (gospel) special antiphon
|
Virtutum exercicio
longoque confecta senio
hedwigis beata
transcenso mortis stadio
carnis dirupto vinculo
celi potitur premio
dei corregnans filio
cui laus sit et gloria
per infinita secula
|
| |
2nd Vespers (gospel) special antiphon
|
O mira dei bonitas
qua mutatur sublimitas
in beata hedwige
cui mundana prosperitas
ac principatus dignitas
prorsus viluere
in qua iugis humilitas
victus et vestis vilitas
modum excessere
quam fides spes et caritas
et christi fecit pietas
celum possidere
|
full office name: