| |
| |
Vespers antiphon 1
|
Letetur mater ecclesia
beati guillelmi
recolens sollemnia
qui nobilis prosapia
natus in pictavia
fulget per miracula
nobilior in tuscia
|
Vespers antiphon 2
|
Fit de lupo agnus mitis
de labrusca blanda vitis
ut columba sunamitis
hic sanctus in eremo
|
Vespers antiphon 3
|
Mundus florem protulit
satis graciosum
guillelmum dum attulit
fructum preciosum
|
Vespers antiphon 4
|
Fragrat mundus ex odore
guillelmi mirifico
egros sanat a languore
ex dono deifico
!Fragrat [alt: ?]
|
Vespers (gospel) special antiphon
|
Magnificet sancti
guillelmi mens pia christum
spiritus exultet
suus illi qui beat ipsum
et nos christe tuum
facias sentire iuvamen
illius precibus
quem non dimittis inanem
|
| |
Matins I
|
Cordis oris voce voto
iubilemus domino
qui guillelmum coniunxit
sanctorum consorcio
|
Matins antiphon 1
|
Vir beatus deserit
vias peccatorum
legem dei meditans
vias tenet morum
rectas per quas ducitur
ad regna polorum
|
Matins antiphon 2
|
Discipline semitam
gaudens apprehendit
et viam iusticie
de qua non descendit
|
Matins antiphon 3
|
Contemplans in spiritu
dei caritatem
prudens mundi penitus
sprevit vanitatem
|
Matins antiphon 4
|
Ex maligno fit benignus
fugiens e seculo
eremita deo dignus
fit celi habitaculo
|
Matins antiphon 5
|
In hoc sancto admirandum
nomen tuum domine
factum nobis et amandum
conferens spem venie
|
Matins antiphon 6
|
Deus in de confidentes
prece sancti salva mentes
ut in monte sion stemus
teque digne collaudemus
|
Matins respons 1
|
Dum guillelmus pictavensis
comes vivens in immensis
mortuus criminibus
esset deo miserante
et ad vitam suscitante
revelatur celitus
abbatem sequi primitus
|
Matins verse 1
|
Bernardus fatur
bina verba sed ille miratur
|
Matins respons 2
|
Licet primo ut videtur
ex medela vicietur
verbum tamen domini
mente captum invalescit
vitam prebens homini
|
Matins verse 2
|
Non pudet ergo parum
se verba dedisse minarum
|
Matins respons 3
|
Eremita gemens querit
pro culpis quas mente gerit
quorum unus in illo
a deo premonitus
domat carnem inimicam
iungens ferream loricam
cum lorica spiritus
|
Matins verse 3
|
Induit hunc denis
nexum per membra catenis
|
Matins respons 4
|
Mittitur eugenio
pape sic ligatus
ut lazarus de tumulo
iam resuscitatus
in cilicinis vestibus
et discalciatus
|
Matins verse 4
|
Quis non miretur
de milite quando videtur
|
Matins antiphon 7
|
Sanctus his iusticiam
dei operatur
cum caro spiritui
serviens domatur
|
Matins antiphon 8
|
Per dolorem capitis
ferro galeati
fit zelator capitis
spinis coronanti
|
Matins antiphon 9
|
Huius imitacio
facit ut sit porcio
dominum querencium
in terra vivencium
|
Matins antiphon 10
|
Umbra christi est protectus
a cetu malignancium
nec a multis est illectus
prava operancium
|
Matins antiphon 11
|
Beatus quem elegisti
domine et assumpsisti
ad letandum in atriis
tuis cum celicolis
|
Matins antiphon 12
|
Bonum iusto et iucundum
confiteri domino
qui plantatus est et erit
in celorum atrio
ubi semper audietur
laus et iubilacio
|
Matins respons 5
|
Pater apostolicus
sibi destinatum
mittit hierosolymis
quasi iam renatum
patriarcha suscipit
iussis secundatum
|
Matins verse 5
|
Hunc stupet ornatum
mira virtute beatum
|
Matins respons 6
|
Ad luccensem civitatem
post novem annorum
spacium dum remeat
lumen oculorum
perdit ne astuciis
et fraude malorum
premium depereat
laborum suorum
|
Matins verse 6
|
Cum cupit ad pugnam
cum civibus ire rogatus
cecatur reddit
lumen dominus miseratus
|
Matins respons 7
|
Dum laborat conversari
totus in celestibus
homo dei satan adest
cum multis militibus
suadens ei quasi pater
reditum cum fratribus
quem tandem fracta cella
sauciat verberibus
|
Matins verse 7
|
Virgo dei genetrix
sibi virginibus sociatis
iugiter medetur
oleo cesum pietatis
|
Matins respons 8
|
Anxius pro loco pacis
voce lapsa celitus
iubetur subire montem
qui dicitur petricius
minus habitabilis
visus est hominibus
|
Matins verse 8
|
Innocuos pocius
serpentes atque venenum
reptilium patitur
quam pectus crimine plenum
|
Matins (gospel) special antiphon
|
Sapiencie beatus
vere hic innititur
per quem carni dominatus
spiritus erigitur
pane vite est cibatus
quo in celo vivitur
|
Matins respons 9
|
Arma penitencie
lorica et cilicium
panis artus brevis aqua
continuum ieiunium
quies ligni vel telluris
amor solitudinum
sancti huius vite sancte
certum sunt indicium
|
Matins verse 9
|
Continueque preces
labor et meditacio sancta
sunt miranda magis
quam sint miracula facta
|
Matins respons 10
|
Mira deus facit orbi
cum vix ullum genus morbi
per hunc non repellitur
angelorum vox sonora
cum luce nimis decora
intempeste noctis hora
ad eius tumbam cernitur
|
Matins verse 10
|
Lampadis ascense
vidue non deficit ignis
quo demonstretur
res hec non ficta malignis
|
Matins respons 11
|
Spiritu prophetico
socio dat socium
mortis in agone
sacramenta suscipit
vultu placito
oculis ac manibus
inhians ad bravium
angelice corone
|
Matins verse 11
|
Demone temptatus
tumulum petit unde levatus
secura mente
prestat satane fugiente
|
Matins respons 12
|
Spe patroni gaudeamus
qui deserti exulamus
egentes solacio
non est unde metuamus
licet preditum sciamus
celesti palacio
tamen ut sit memor nostri
cogit illum amor christi
dissimilem egypcio
|
Matins verse 12
|
Unus adherendo
fit spiritus omnipotenti
scit valet et debet
nostre succurrere menti
|
| |
Lauds antiphon
|
Exortum in tenebris
sidus matutinum
tua lucent opera
decus per divinum
deserto in invio
duc ad statum primum
|
Lauds (gospel) special antiphon
|
O comes pictavie
peregrine tuscie
civis celestis curie
in hac valle miserie
dignare nos invisere
et ductore te previo
gressus nostros dirige
|
| |
Prime antiphon
|
Perdit lumen dum respexit
a fervore spiritus
sed resumit dum calescit
ut paulus divinitus
|
Terce antiphon
|
O guillelme naufragantes
respexisti laborantes
in maris periculo
ora ne absorbeamur
in hoc mari sed regamur
crucis gubernaculo
|
Sext antiphon
|
Ad pastorem properans
meridie cubantem
prophetando roborat
ovem trepidantem
et de dato socio
dimittit ovantem
|
Nones antiphon
|
Cecus claudus surdus mutus
multiplex infirmitas
demon carcer maris estus
et omnis calamitas
declarat quod piis prosit
viri dei sanctitas
|
| |
2nd Vespers (gospel) special antiphon
|
O guillelme celi civis
et noster patrone
in sion reduceris
spreta babylone
qui pro solitudinis
luctu et merore
coronatus gloria
gaudes et honore
da nobis auxilium
ut sic gradiamur
mundi per exilium
ut deo fruamur
|
full office name: