| |
| |
Vespers (gospel) special antiphon
|
O decus britannie
presul briocensis
guillelme qui glorie
premiis immensis
gaudes nobis gracie
precibus impensis
fer opem et venie
pro nostris offensis
|
| |
Matins I
|
Regem regum hodie
adorent omnes populi
qui coronam glorie
dedit guillelmo presuli
|
Matins antiphon 1
|
Beatus vir qui sequi noluit
consilium impiorum
nec impulsus moveri potuit
a semita mandatorum
|
Matins antiphon 2
|
Super montem domini
sion rex effectus
deo est et homini
placens et dilectus
|
Matins antiphon 3
|
In agone salvatorem
deum invocavit
sic se mundum et furorem
hostis superavit
|
Matins respons 1
|
Guillelmus humilis
confessor domini
presul amabilis
deo et homini
lucro laudabilis
talenti gemini
prece sit utilis
suorum agmini
|
Matins verse 1
|
Huic sint vicini
super astra sui peregrini
|
Matins respons 2
|
In die fervens opere
vir plenus pietatis
proventus dignitatis
egenis distribuere
studebat et hoc agere
cum manibus beatis
|
Matins verse 2
|
Gloria prelatis
dabitur qui dant ita gratis
|
Matins respons 3
|
O quam fervens et sincerus
in oracione
quam benignus et severus
in correccione
quam fidelis et quam verus
in promissione
quam discretus et sincerus
erat in sermone
|
Matins verse 3
|
Tali persone
sit laus meriti racione
|
Matins antiphon 4
|
Quid vana diligitis
o filii hominum
non sic quem vos colitis
exquisivit dominum
|
Matins antiphon 5
|
Vir dolosus et malignus
non stat ante deum
sed guillelmus vir benignus
contemplatur eum
|
Matins antiphon 6
|
Gloriatur hic in celis
et honore colitur
nam in pauca vir fidelis
supra multa ponitur
|
Matins respons 4
|
Hic vi tyrannorum
pulsus exulavit
et ad pictavorum
urbem declinavit
ubi commissorum
saluti vacavit
|
Matins verse 4
|
Utque triumphavit
ad oves pastor remeavit
|
Matins respons 5
|
Hic virginale premium
sui victor obtinuit
sepulta per biennium
eius caro non putruit
in quo pudoris lilium
violari non potuit
|
Matins verse 5
|
Quam deus huic tribuit
gracia magna fuit
|
Matins respons 6
|
O quam sanctum protestantur
sanctitatis opera
per quam morbi tot curantur
languores et vulnera
ceci vident muti fantur
per guillelmi munera
|
Matins verse 6
|
Que sunt innumera
nobis tamen omnia vera
|
Matins antiphon 7
|
Guillelmus sine macula
operatur iusticiam
intravit tabernacula
dei patris et gloriam
|
Matins antiphon 8
|
Deus qui vitam glorie
guillelmo tribuisti
da nobis sequi gracie
viam quam precepisti
|
Matins antiphon 9
|
Guillelmus nocens nemini
per gradus caritatis
scandens in montem domini
quiescit cum beatis
|
Matins respons 7
|
Per hunc mater in domo filium
iam combusta sanum recuperat
naufragantum factus refugium
mare sedat procellis imperat
naves salvat ad se clamancium
et personas captivas liberat
|
Matins verse 7
|
In quo qui sperat
eius suffragia querat
|
Matins respons 8
|
In mamilla misere
quedam egrotavit
quam corosam ulcere
dolens amputavit
corde verbis opere
sanctum visitavit
sano gaudens ubere
domum remeavit
|
Matins verse 8
|
Hoc sibi donavit
quem puro corde rogavit
|
| |
Lauds antiphon 1
|
Domum iusti non obruit
ventorum importunitas
nec aquis multis potuit
eius extingui caritas
|
Lauds antiphon 2
|
Guillelmus in leticia
coram deo servivit
cuius portas et atria
confessor introivit
|
Lauds antiphon 3
|
Deus ad te vigilabat
siciens orando
cuius lingue concordabat
manus operando
|
Lauds antiphon 4
|
Benedicant creatorem
qui creavit omnia
qui per suum confessorem
tot facit magnalia
|
Lauds antiphon 5
|
Celi terre maria
sonus vox et sermo
dei beneficia
laudent in guillelmo
|
Lauds (gospel) special antiphon
|
O guillelme pastor egregie
tutor gregis lucerna speculum
briocensis decus ecclesie
morum lampas exemplar presulum
ora patrem misericordie
ut nos salvet clerum et populum
|
| |
2nd Vespers (gospel) special antiphon
|
O magna clemencia
nostri salvatoris
qui tot per suffragia
sui confessoris
facit mirabilia
omnis vim languoris
pellens et demonia
cuius nobis gracia
cunctis adsit horis
|
full office name: