| |
| |
Vespers antiphon 1
|
Gaude mater
fecunda liberis
que serpentis
dum caput conteris
tuis celos
alumnis aperis
quos victores
coniungis superis
|
Vespers antiphon 2
|
Grates deo
reddamus seduli
qui sublatis
erumnis seculi
quod non novit
cor auris oculi
nostro gratis
concessit presuli
|
Vespers antiphon 3
|
Sub etate
guillelmus tenera
blandis parcens
elegit aspera
dum virtuti
sic datur opera
legem carnis
lex domat altera
|
Vespers antiphon 4
|
Iam gaudere nolens ad modicum
adulescens elongat publicum
mundum sibi cognoscens vitricum
pompam fugit evadit lubricum
|
Vespers respons
|
In agendis loco ducis
instans preci vere lucis
implorabat radios
crebro legit in scripturis
quibus doctus de futuris
casus cavet noxios
sic preventus de supernis
his scrutatur in lucernis
motus mentis proprios
|
Vespers verse
|
Ut virtutum in affectu
fetus gestet varios
virgas habet in aspectu
gestus patrum previos
|
Vespers (gospel) special antiphon
|
Magnifice
divinis laudibus
vota reddat
exultans anima
a quo sumpsit
esse cum viribus
reparari
cum drachma decima
quam sponsavit
ornans monilibus
et a paucis
vexit ad plurima
cum hanc iunxit
supernis civibus
veritatis
iam cibans azyma
|
| |
Matins I
|
Exurgamus
mente iam sobria
nos populos
et oves domini
pro collata
guillelmo gloria
laudes eius
reddamus nomini
|
Matins antiphon 1
|
Christi paret
guillelmus legibus
actu foris
intus memoria
legem vite
tenet in moribus
et in lingua
lex est clemencia
|
Matins antiphon 2
|
Elisei
tenens consorcium
iugum spernit
ferre cum impiis
ne cum illo
portet repudium
qui pro iugis
se privat nupciis
|
Matins antiphon 3
|
Cor dilatat
diffusa caritas
quo plus iustum
artat affliccio
sic hebreis
surgit fecunditas
quanto maior
urget suppressio
|
Matins antiphon 4
|
In conspectu
divino dirigit
gressus mundam
percurrens orbitam
viam rectam
consultus eligit
se per artam
restringens semitam
|
Matins antiphon 5
|
Elevatur
ad nutum gracie
nostra spirans
ad auram aquila
escam mentis
contemplans acie
in superna
vitali simila
|
Matins antiphon 6
|
Ut quiete
cum sponso dormiat
nidum sibi
ponit in arduo
montem petit
ut turbam fugiat
christo iunctus
amplexo mutuo
|
Matins respons 1
|
Primum sonet
in laude presulis
conditoris
honor et gloria
qui diffusis
donorum rivulis
patrem nobis
dedit in patria
cuius vita
quam digna titulis
certa nobis
probant indicia
|
Matins verse 1
|
Signis fulget fide plenus
clarum gerens ortum genus
ex illustri gallia
|
Matins respons 2
|
Flos erumpens in novella
planta puri corporis
ne ledatur a procella
circumventi pectoris
munda transit carnis cella
scirpi clausus in fiscella
fedi fluxus temporis
|
Matins verse 2
|
Non irrumpit cordis templum
quod fit casus in exemplum
sub elapsu temporis
|
Matins respons 3
|
Ne seducant mundi vana
cor illustris pueri
sensus regit etas cana
fiunt opes oneri
iam concepta mente sana
mox exurgens in montana
subit raptu celeri
|
Matins verse 3
|
Christum sequens pacis via
nudus fugit cum elia
sub umbra iuniperi
|
Matins respons 4
|
Igitur cum ambitu
spreta mundi cura
ductus est a spiritu
sub claustri censura
commutans cum habitu
pro summis casura
per quod in introitu
non formidat dura
|
Matins verse 4
|
Spe suspensa muneris
relevatur oneris
amore pressura
|
Matins antiphon 7
|
Ingressurus
presul oraculum
mentis vultum
lavat a maculis
fons emanat
iugis per oculum
labrum supplet
factum de speculis
|
Matins antiphon 8
|
Vitam petit
quam dat dileccio
fides et spes
his pro virtutibus
querit pulsans
sub hoc ternario
tribus gaudet
amici panibus
|
Matins antiphon 9
|
Super aquas
cum noe fabricat
arcam cordis
complens in cubitum
cum et mundi
contemptum applicat
accionis
finalem exitum
|
Matins antiphon 10
|
Recte laudes
attollunt strenuum
quem non flectunt
a recto prospera
iuste gaudet
de fructu manuum
quem commendant
in portis prospera
|
Matins antiphon 11
|
Hymnum dicat
presens collegium
christum decent
ipsum preconia
qui assumpsit
in regni solium
patrem replens
bonis in gloria
|
Matins antiphon 12
|
Huius odor
ut cedrus libani
vite bonis
mortis ad exteros
qui nunc gaudent
ad sonum organi
sed in puncto
ruunt ad inferos
|
Matins respons 5
|
Summo tendens in amore
per voti expendium
gradus cepit a timore
sic per septenarium
scandens gustus in sapore
firmat edificium
|
Matins verse 5
|
Factus summi nutu regis
dux caroliloci gregis
pastor et presidium
|
Matins respons 6
|
Pater sanctus dum consultum
tenet solitudinis
pascens sibi consepultum
summi gregem numinis
ut det palmes fructum multum
purgat mentem corpus cultum
iugo reddit ordinis
|
Matins verse 6
|
Ne clamoris det tumultum
terra deflens hominis
|
Matins respons 7
|
Servit iacob pro rachele
per vite septennium
urit estus sed querele
sopit amore tedium
ad amplexus traxit lie
gemens cedit fraudi pie
morem videns patrium
|
Matins verse 7
|
Delicati somnum tori
turbat lippa cum labori
sanctum datur ocium
|
Matins respons 8
|
Adhuc latens in deserto
lucerna sub modio
dare lucem in aperto
procedit in medio
minat oves gressu certo
vagam ponit in lacerto
reportans ab invio
|
Matins verse 8
|
Clamat vigil oculus
quod sit presul sedulus
in ovili proprio
|
Matins (gospel) special antiphon
|
In canticis labiorum
laudis sibi laxet lorum
vox una letancium
rachel plorans consolatur
vox in rama iam mutatur
meroris in gaudium
|
Matins respons 9
|
Hic primatu fungitur
in sede biturica
nec virtutum fabrica
flatu laudis quatitur
supra petram figitur
in virtute modica
|
Matins verse 9
|
Frustra rete iacitur
dum pennatis tenditur
in aspectu pedica
|
Matins respons 10
|
Forma gregis populo
gestis monstrat oculo
leges equitatis
mel perfectis pabulo
lac ad potum parvulo
sub lingua primatis
verbum non adulterat
dum dictis equiperat
facta probitatis
|
Matins verse 10
|
Iugum tollit umeris
quod imponit ceteris
doctor veritatis
|
Matins respons 11
|
Sub undene pondus hore
sudans ab infancia
sero facto de labore
vocatur ad premia
denario gaudet pari
stella fulgens singulari
sumpturus duplicia
|
Matins verse 11
|
Nova iusto lux est orta
transit luctus cum absorpta
mores est in victoria
|
Matins respons 12
|
Pater precum in hac hora
sub noctis silencio
nostra tibi sit decora
laus placens devocio
sic concordent mens et ora
quod post mortem sine mora
tu sis nostra porcio
|
Matins verse 12
|
Pater sancte gregem fulci
ducis prece tuo dulci
nos fovens in gremio
|
| |
Lauds antiphon
|
Vocem laudis
affectus iubilo
deo solvens
te grex exhilara
melos cordis
cum vocis sibilo
dat iucundum
psalmum cum cithara
|
Lauds (gospel) special antiphon
|
Benedictus rex invictus
dux patris ad bravium
qui conflictus vicit ictus
graves gerens hostium
ut vi mortis arma fortis
frangens vires soncium
nos in portis ditet sortis
dans superne gaudium
|
| |
Prime antiphon
|
Primo mane
iunctus agricolis
exit vitis
patris ad opera
nil commune
gerens cum subdolis
diem portat
et estus pondera
|
Terce antiphon
|
Ter exponit verberi
reducens itineri
cum mago iumentum
fami flagris operi
carnis querens conteri
lascive fermentum
|
Sext antiphon
|
Sexta fiunt tenebre
dum cor inflammatur
in qua sancto celebre
nomen occultatur
ne quid cernant palpebre
quo mens extollatur
|
Nones antiphon
|
Novem regis cubitorum
lectulus ostenditur
cum cetibus angelorum
novem presul iungitur
quo quiete post laborum
estus deo fruitur
|
| |
2nd Vespers antiphon 1
|
Mane nobiscum vespere
ne nox surrepat scelerum
dans precum patris munere
rectos progressus operum
|
2nd Vespers antiphon 2
|
Agat cor vigil spiritu
vices dum pausant corpora
litis sopito strepitu
pacis succedant tempora
|
2nd Vespers antiphon 3
|
Nullo iam fine clauditur
vivens iusti memoria
cuius ubique spargitur
lucens signorum gloria
|
2nd Vespers antiphon 4
|
Mors in piscina corruit
languens sub eius pedibus
opem qua cunctis affluit
pastor non neget ovibus
|
2nd Vespers (gospel) special antiphon
|
Magnificat
sponsum in numine
sponsa cuius
trina potencia
trinitatis
splendet imagine
trine dotis
iam fulgens gloria
pio cuius
sponsus precamine
nos ascribat
ad vite premia
|
full office name: