full office name: GREGORIUS of Langres (n1)
edition: AH 18 #32
calendar:January 04
structure summary: Vespers: E
Matins: secular
Lauds: A5E
2nd Vespers: E
poetic forms: Vespers: .l
Matins: l.e3{lh,lh,lv}e3{lh3}e3{lh3}
Lauds: ele3.l
2nd Vespers: .i [q]
type of saint: bishop
geographical information:Langres, France
notes:bishop
Persons: Gregorius Gregorium Eduorum Gregorii
Places: Lingonica

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Hic sacer est presul
celorum iure colonus
gregorius qui mundane
sibi gaudia pompe
supposuit regnumque poli
virtute petivit
 
Matins I
Laudemus regem
cunctorum sceptra tenentem
qui sibi gregorium
sociavit in ethere sanctum
Matins antiphon 1
Gregorius claris
fulsit natalibus ortus
doctrine studiis
moribus atque piis
Matins antiphon 2
Germinis egregii
genitus de stirpe senatus
sicut flos mundo
prodiit eximius
Matins antiphon 3
Traditus ad sophie
teneris rudimenta sub annis
doctores studuit
equiparare brevi
Matins respons 1
Hic puer insignis
divino plenus amore
vincebat fragiles
maturis sensibus annos
Matins verse 1
Virtutes servans
viciorum pondera calcans
Matins respons 2
Post lubricum tempus
superans etatis adulte
mundicie nitidos
ornavit floribus artus
Matins verse 2
Et templum sancti
se spiritus esse paravit
Matins respons 3
Iam vir precipuo
tunc sublimandus honore
efficitur princeps
eduorum missus ad urbem
Matins verse 3
Iusticia comitante regens
sibi credita iura
Matins antiphon 4
Virtutis laudem
canto vibramine pensans
equus erat rectis
implacidus tumidis
Matins antiphon 5
Integer illecebris
carnis contagia sprevit
donec legitimum
exciperet thalamum
Matins antiphon 6
Tandem nobilium
coniux sortita virorum
progenie natos
edidit ingenuos
Matins respons 4
Namque quater denos
comitatu rexerat annos
cum veneranda comes
suprema sorte quievit
Matins verse 4
Tunc domino proprius
gregorius almus adhesit
Matins respons 5
Hec inter proprios
plebs desolata magistros
lingonica electum
petit hunc recipitque patronum
Matins verse 5
Quem mundi rector
sacravit pneumate sacro
Matins respons 6
Mox virtute potens
fidei circumsitus armis
expugnat rabidos
plebis de cordibus hostes
Matins verse 6
Non passus laceram
fore se pastore catervam
Matins antiphon 7
Frangere iam vehemens
tunc parsimonia cepit
corporeas vires
rata simulque quies
Matins antiphon 8
Triticeos panes
aliis frangendo ministrans
clam duris hordei
se dapibus refovens
Matins antiphon 9
Vitrea cum vitreo
sinu labat pocula vase
sed siciens modicam
excipiebat aquam
Matins respons 7
Noctibus innumeris
christum venerabilis orans
cum sanctis sacras
psallebat pervigil odas
Matins verse 7
His iunctus regi
reddebat vota tonanti
Matins respons 8
Talibus insignem
meritis fessumque labore
christus gregorium
vocat ad celestia sanctum
Matins verse 8
Inter celicolas
turmas sine fine locandum
Matins respons 9
Terrene molis
trabea cum pace solutus
cetibus angelicis
coniunctus ad ethera scandit
Matins verse 9
Felix perpetuo
celi potitus honore
 
Lauds antiphon 1
Postquam vir domini
celi secreta petivit
virtutum signis
quantus erat paruit
Lauds antiphon 2
Fulgebat facies
rosei velut inclita flores
lilia ceu renitent
cetera membra micant
Lauds antiphon 3
Exclamant vincti
dum fertur ad antra sepulchri
quos carcer meritis
eius abire sinit
Lauds antiphon 4
Pontificem vinctus
quidam dum ducitur orat
quem mox divinum
liberat auxilium
Lauds antiphon 5
Ad tumulum sancti
dextra privata puella
sensit virtutem
celitus exhibitam
Lauds (gospel) special antiphon
Gloria sanctorum
decus et laus christe tuorum
gregorii nobis
precibus da gaudia celi
 
2nd Vespers (gospel) special antiphon
O quam dulcisonas
pastor dignissime laudes
exultat chorus
angelorum ubi personat omnis
cantus in etherea
tibi nunc fragor intonat aula
iam regem cernis
cui te famulando dedisti
nunc igitur petimus
nobis succurre benignus