| |
| |
Vespers (gospel) special antiphon
|
O pater eterna
gislene coruscus in aula
sit tibi quantus honos
nunc celicus inspicis heros
nos quatimur sevis
mundo fluctuante procellis
respice per christum
lacrimas et vota gementum
luminis ut tecum
sit fas contingere portum
|
| |
Matins I
|
Progenies lucis
gisleni plaudite festis
est quia celicolis
sociatus in ethere civis
|
Matins antiphon 1
|
Illuxit nostris
celi miseracio gallis
attica gislenum
tellus ubi protulit almum
|
Matins antiphon 2
|
Splenduit in puero
precelse stirpis origo
sed virtus pocior
tum morum gracia maior
|
Matins antiphon 3
|
Culmen prosapie
divino sprevit amore
ob celi gazas
terre placet omnis egestas
|
Matins antiphon 4
|
Scholis prudentum
studio datus inde parentum
addidicit propere
que sunt raciones in arte
|
Matins antiphon 5
|
Iunctus athenis
post hec veneranter alumnis
queque philosophice
penetrat fastigia secte
|
Matins antiphon 6
|
Inscia sed veri
quam sit sapiencia mundi
mox ubi comperuit
animum celestibus indit
|
Matins respons 1
|
Ortu gisleni
grecorum sanguine clari
fit status ecclesie
divina clarior in re
utpote quam meritis
puer inclitus auxit opimis
|
Matins verse 1
|
Floruit exili
sub pectore mente virili
|
Matins respons 2
|
Laude sacerdocii
venerandus in ordine cleri
sanctus item norma
preclarus basiliana
lustrat honorata
francorum secula roma
|
Matins verse 2
|
Lustrat artibus his
sancti verbo fruiturus
|
Matins respons 3
|
Gislenum dictis
ubi mulcet presul amicus
castrilocum migrat
operi vigilancior instat
hinc peregenda ratus
monuit que celica virtus
|
Matins verse 3
|
Lambertum sane
sociat sibi bellirium+que
|
Matins respons 4
|
O pietas domini
o virtus maxima christi
desinit ira canum
peciit ubi belua sanctum
hic omni latebra
stat vestis tucior umbra
|
Matins verse 4
|
Ipsi cum ducibus
miratus rex dagobertus
cedendum statuit
ubi tanta negocia discit
|
Matins antiphon 7
|
Doctus apostolicis
mundum superare magistris
sese eremi castris
sociat vir spiritualis
|
Matins antiphon 8
|
His iunctis certat
animam virtutibus ornat
nil quod pretulerit
maiorum norma relinquit
|
Matins antiphon 9
|
Ordinibus sacris
quare veneranter adeptis
dignior eterne
tractat mysteria vite
|
Matins antiphon 10
|
Nec satis est eremi
contentum legibus uti
exul uti christum
querat decernit agendum
|
Matins antiphon 11
|
Ergo dionysii
volvens exempla beati
cenobium linquit
et romam visere pergit
|
Matins antiphon 12
|
Visitet ut francos
mandatur celitus heros
est locus ursdungus
hic vite transigat usus
|
Matins respons 5
|
Quo properet sanctus
aquila iam preduce doctus
cum catulis ursam
ursdungi in valle repertam
effugat et capsam
repetit cum veste sacratam
|
Matins verse 5
|
Ut christi cultum
statuat genus omne ferarum
|
Matins respons 6
|
Cella fit interea
divinis cultibus apta
omnibus evulsis
sancti sudore nocivis
surgit apostolicis
petri paulique triumphis
|
Matins verse 6
|
Gloria sit trino
qui glorificatur in uno
|
Matins respons 7
|
Presul ut autbertus
gisleni comperit actus
evocat inquirit
sum grecus christicola inquit
quod videor gerere
iussere oracula rome
|
Matins verse 7
|
Nunc faveas ceptis
cum nos prior ipse vocaris
|
Matins respons 8
|
Antistes sanctus
divino numine tactus
nil fore gislenum
cernit mortale secutum
ut dignum fuerat
simul amplexatur honorat
|
Matins verse 8
|
Instet uti ceptis
verbis hortatur honestis
ad benedicendum
se spondet opusque futurum
|
Matins (gospel) special antiphon
|
Presago sanctus
pariter spiramine plenus
proclamat gravidam
partus angore levatam
|
Matins respons 9
|
Auditis precibus
gisleni rex dagobertus
annuit et fundo
cellam dilatat opimo
ne vivant inopes
athlete spirituales
|
Matins verse 9
|
Tum pater hec vere
tua sunt beneficia christe
|
Matins respons 10
|
Ergo oratorio
gislenus rite peracto
autbertum geminas
et amandum invitat olivas
ut prestetur ab his
benediccio pontificalis
|
Matins verse 10
|
Dant oleum pacis
et effundunt chrisma salutis
|
Matins respons 11
|
Prolis sideree
fervens gislenus amore
waltrudem celebres
aldegundemque sorores
lucratur christo
verborum dogmate vivo
|
Matins verse 11
|
Vestrum montenses
insigne et malbodienses
|
Matins respons 12
|
Sanctus milicia
felici laude peracta
fulgidus et cunctis
meritorum prerogativis
transit in etheream
superis mediantibus edem
|
Matins verse 12
|
Lucis ut angelico
gratuletur in arce triumpho
et ferat eternas
vite per regna coronas
|
| |
Lauds antiphon 1
|
Quam fuerit celebris
gislenus in arce tonantis
claruit ex urna
signorum luce stupenda
|
Lauds antiphon 2
|
Unde sacri cineris
furtum struit invidus hostis
ut iubar extinguat
quod prodigiis rutilabat
|
Lauds antiphon 3
|
Dumque cavere putat
fraudi se malbodium aptat
sed sanctam pre se
digno venerantur honore
|
Lauds antiphon 4
|
Prodidit ergo reos
per visum mox sacer heros
et ni reddatur
mortem pro fraude minatur
|
Lauds antiphon 5
|
Vi tandem stephani
qui presul erat cameraci
gemma dei rapitur
cellam cum laude refertur
|
Lauds (gospel) special antiphon
|
Christe tibi laudes
quas possumus aut dare grates
privatos proprii
grata quos sorte patroni
clementer relevas
tua sit benedicta potestas
|
full office name: