full office name: GERULPHUS (n1)
edition: AH 26 #21
calendar:September 21
September 25
structure summary: Vespers: A5RE
Matins: secular
Lauds: A5E
2nd Vespers: E
poetic forms: Vespers: ovovo{o}.l
Matins: l.o3{o,o,ov}o3{o3}o3{v3}
Lauds: o3ii.o
2nd Vespers: .o [”]
type of saint: martyr
geographical information:Tronchiennes, Belgium
notes:martyr
Persons: Gerulphi Gerulphe Gerulpho Gerulphus Gerulphum

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Illuxit nobis hodie
nove splendor leticie
dum fulget in ecclesia
sancti gerulphi gloria
Vespers antiphon 2
Ut vas electum celitus
virtutibus imbutus
terrena sprevit penitus
celestia secutus
Vespers antiphon 3
Post sanctitatis studium
in quo sanctus prefloruit
ascendit ad martyrium
quod solum ei defuit
Vespers antiphon 4
Athleta fortis domini
processit preliari
vicit victori datum est
in celis gloriari
Vespers antiphon 5
Eius preclara merita
pangamus laude debita
ut nos post mundi prelia
ducat ad celi gaudia
Vespers respons
Gerulphe martyr nobilis
succurre tuis famulis
et salva tuis precibus
tuis intentos laudibus
Vespers verse
Qui letamur cottidie
in laude tue glorie
per te sumamus premia
celestis vite gaudia
Vespers (gospel) special antiphon
O dilecte deo
nostri gerulphe memento
acquirens nobis
eterne gaudia lucis
 
Matins I
Ad iubilum vocis
iungamus cantica cordis
et cum gerulpho
iubilemus in ethere christo
Matins antiphon 1
Gerulphus almis actibus
ab annis puerilibus
in lege dei sedulus
dies egit cum noctibus
Matins antiphon 2
Dum convenirent populi
adversus sanctum domini
solo fidens in domino
vicit eius auxilio
Matins antiphon 3
De multis eum hostibus
victorem fecit dominus
addens eius victorie
donum perennis glorie
Matins respons 1
Adest sacra sollemnitas
sancti gerulphi martyris
quem larga dei bonitas
summis ditavit gaudiis
Matins verse 1
Ut mundum sol illuminat
splendoris sui lumine
sic ornavit ecclesiam
suo gerulphus sanguine
Matins respons 2
Hic puer ab infancia
detestabatur vicia
et intendit virtutibus
sicut precepit dominus
Matins verse 2
Coronandus martyrio
se mancipavit domino
et graciosus extitit
tam deo quam hominibus
Matins respons 3
Frequentabat ecclesias
devocionis gracia
et sanctorum memorias
cum magna reverencia
Matins verse 3
Quos iam cum christo noverat
feliciter gaudere
illorum sanctis gressibus
elegit inherere
Matins antiphon 4
Mirificavit dominus
electum suum famulum
quem dedicando martyrem
mundo fecit mirabilem
Matins antiphon 5
Scuto protectus gracie
palmam sumpsit victorie
cui cessit in premium
celestis benediccio
Matins antiphon 6
Honoris excellenciam
et sempiternam gloriam
sumpsit martyr egregius
cum civibus celestibus
Matins respons 4
Hic sanctus inter homines
more non vixit hominum
nam peritura respuit
solum secutus dominum
Matins verse 4
Flagrabat enim fortiter
celesti desiderio
et blandimenta noxia
fuerunt ei tedio
Matins respons 5
Labentis mundi gaudia
contempsit ut inania
et reputabat frivolum
quidquid habebat terminum
Matins verse 5
Quod mundus suasit dulciter
contempsit ille fortiter
nolens fallaci gaudio
summo fraudari premio
Matins respons 6
Quis non sollemni studio
dei miretur graciam
qui sancto suo famulo
talem donavit gloriam
Matins verse 6
Gementem in exilio
eduxit de miseria
et gloriosum martyrem
letum fecit in patria
Matins antiphon 7
Gerulphus martyr inclitus
confisus est in domino
per quem calcavit omnia
que florent in hoc seculo
Matins antiphon 8
Quem fecit esse dominus
sine mortali macula
perduxit eius animam
in celi tabernacula
Matins antiphon 9
Magna fuerunt prelia
que pertulit pro domino
maiora tamen premia
mansura sine termino
Matins respons 7
Gerulphum sanctum martyrem
devote veneremur
ut ad superna gaudia
per ipsum sublevemur
Matins verse 7
Qui christum subsecutus est
in morte salutari
in eius semper laudibus
curemus gratulari
Matins respons 8
Hic tiro sanctus domini
virtutibus armatus
hic dimicabat fortiter
nam hostis est prostratus
Matins verse 8
Hostis putabat vincere
sed ipse fuit victus
nam ad honorem martyris
finitus est conflictus
Matins respons 9
Qui prius clarus extitit
ut nobilis persona
post martyr fulsit clarior
cum aurea corona
Matins verse 9
Eius oracionibus
in terris protegamur
ut sempiternis gaudiis
in celis perfruamur
 
Lauds antiphon 1
Ad laudes domini
surgamus corde libenti
letabundi de gaudiis
gerulphi sancti martyris
Lauds antiphon 2
Iam cum leticia
celesti vivit in aula
quem vite innocencia
perduxit ad celestia
Lauds antiphon 3
Ad dominum vigilans
prima de luce cucurrit
ut videret dulcissimam
virtutis eius gloriam
Lauds antiphon 4
Eius erat studium
semper benedicere christum
eiusque rei premium
gaudere in perpetuum
Lauds antiphon 5
Iam canit hic sanctus
domino nova cantica letus
quem semper totis viribus
collaudet omnis spiritus
Lauds (gospel) special antiphon
Erexit nobis omnibus
cornu salutis dominus
quod est cum sanctis moribus
vita gerulphi martyris
 
2nd Vespers (gospel) special antiphon
O gerulphe martyr christi
sicut mundo lux fuisti
sic et nobis sis lucerna
qua ducamur ad superna