full office name: GERTRUDIS of Nivelles (n1)
edition: AH 26 #20
calendar:March 17
manuscript: :DCK 8o 3449, v.3 f.136v
structure summary: Matins: IR3
Lauds: A5E
poetic forms: Matins: e.{lh3}
Lauds: ie4.e [q]
type of saint: abbess virgin
geographical information:Nivelles, Belgium
notes:virgin / feria 5
abbot or abbess
Persons: Gertrudem Gertrudis Sixti Gertrude
Places: Trevirensi Austrasiorum Francorum

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Sacre virginis gertrudis
sollemnia devote
suscipiat plebs fidelis
nam per eam nobis spes
et ipsi facultas suppetit
impetrandi veniam
pro delictis
Vespers (gospel) special antiphon
Laudes christo
sancta canit ecclesia
qui sibi gertrudem castam virginem consecravit
ne ab huius mundi amatoribus rapta vite
dispendium
pateretur sempiterne
 
Matins I
Qui sibi gertrudem
sponsam delegit adoret
et colat et timeat
concio nostra deum
Matins antiphon 1
Beata gertrudis
assidua legis
dei meditacione tantum in divinarum litterarum studio profecit ut brevi omnes coetaneas suas ante iret
Matins antiphon 2
Divine itaque institucionis suffulta presidiis deum diligere mundum odisse ac sese toto mentis affectu christo cepit mancipare
Matins antiphon 3
Christo igitur castitate virginis dicata austrasiorum ducis filium amore eius captum spes lusit inanis
Matins respons 1
Beatissima virgo gertrudis regio francorum exorta stemmate
Nobilitatem sanguinis
ingenii acrimonia
et morum laudabilium
honestate decoravit
Matins verse 1
Que quidem ab ipsis cunabulis christiani nominis professione insignata
Matins respons 2
Spretis mundi labentis illecebris virgo sancta celesti se totam sponso devovit et utriusque testamenti paginis tam luculenter imbuta est
Ut paterne mortis dolorem quodam modo matri temperaret
Matins verse 2
Merito igitur sancti spiritus gracia redundabat
que se totis visceribus christo placituram preparabat
Matins respons 3
Cum oracionis causa beata virgo ad altare sancti sixti martyris stetisset
Flamme a sphera celitus super eam descenderat
Matins verse 3
Ut per tale miraculum ostenderetur quanti apud deum meriti esset
Matins antiphon 4
Ut que ceteri ab egregia forma virginis postulanda resipiscerent mater comarum longitudinem in corone modum detondit
Matins antiphon 5
Quo facto se hostiam deo placentem gaudebat oblatam cum liquido claresceret nullum huius seculi vanitatibus locum in ea reperiri
Matins antiphon 6
Tribulacione igitur carnis conculcata in se persistens indivisa virgo sollicita fuit quomodo corpore et animo placitum deo exhiberet obsequium
Matins respons 4
Sacro beate virginis corpusculo
parsimonie oracio
numque studio pregravato
Ipsa monasterii regimen nepti sue que sub regulari disciplina ad pedes eius sacris litteris erudita est commendavit
Matins verse 4
Ne igitur sacre institucionis norma quidam detrimenti pateretur
Matins respons 5
Sancta gertrudis huius vite stadio transcurso et exitus sui tempore appropinquante
Meruit cuiusdam religiosissimi monachi solitariam vitam agentis precibus de die et hora sue migracionis certificari
Matins verse 5
Sollicita quando carnis onere
deposito ante conspectum iusti iudicis debeat apparere
Matins respons 6
Modeste abbatisse trevirensi beate gertrudis sanctitati inherenti ad eius conspectum colloquiumque anhelanti
Sese virgo sancta obitus sui die sub forma et vestitu propriis demonstravit
?:Treverensi [alt: v in Ms: compare inherenti vowels]
Matins verse 6
Ne modesta desiderio quo ardentissime ferbu erat fraudaretur ut que voti sui compos fieret
Matins antiphon 7
Deinde mater consultu amandi episcopi mire sanctitatis viri sacro velamine accepto monasterium construxit
Matins antiphon 8
In quo vita regulari
instituta cum filia
et eius coetaneis
dies huic vite concessos transegit
Matins antiphon 9
Materno tandem gertrudis destituta solacio totam regendi monasterii curam suscepit
Matins respons 7
O vere prudens
o vere virgo beata
ignivomam occurrens
sponso que lampada sumpsit
Nam bona que gessit
flammis ignivit amoris
divi non laudis
querens aliunde nitorem
Matins verse 7
Hanc dominus veniens
invenit sic vigilantem
Matins respons 8
O nimium felix
est donum virginitatis
subdola versuti
quo fraus eliditur hostis
Cum preter carnem
caro vivit celibe vita
Matins verse 8
Et pro terrenis
celestia regna patescunt
Matins respons 9
Virginis eximie
gertrudis festa colentes
Altithrono regi
solvamus debita laudis
Matins verse 9
A quo cunctorum
procedit origo bonorum
 
Lauds antiphon 1
Vita duarum agitur
gemina in gertrude sororum
fervidus urget amor
sollicitudo premit
Lauds antiphon 2
Quantum crevit onus
tantum devocio crevit
cuncta per hoc fieri
prosperiora putat
Lauds antiphon 3
Exteriora suis
dat queque fidelibus apte
dispensanda tenens
interiora sibi
Lauds antiphon 4
Taliter internis
externa aptabat ut esset
par erga christum
cultus et unus amor
Lauds antiphon 5
Magna datur nobis
divine copia laudis
normaque virtutis
virginis huius ope
Lauds (gospel) special antiphon
Post vite cursum
fragilis durosque labores
gertrudis posuit
flebile carnis onus
leta tamen perfert
lucis discrimen amice
cernere cum liceat
iam sine nocte diem
 
2nd Vespers (gospel) special antiphon
Cum monasterium cui beata gertrudis prefuerat ignibus vastaretur edacibus visa est velamine suo flammas nimis exuperantes albigere et preter spem omnium domum ab incendio liberare