| |
| |
Vespers antiphon 1
|
Gaude cappadocia
laudis cum tripudio
clara de prosapia
virente georgio
|
Vespers antiphon 2
|
O stupor o res novella
dei plena munere
ex immo consurgit stella
lilium de cinere
|
Vespers antiphon 3
|
Adolet virtutibus
genere tribunus
claris vernans moribus
gracie per munus
|
Vespers antiphon 4
|
Puber in milicia
prudenter agebat
palestinam gracia
domini vincebat
|
Vespers antiphon 5
|
Alciores gracie
gradus tunc ascendit
quibus metas glorie
felix apprehendit
|
Vespers respons
|
Alabastrum frangitur
et ubique spargitur
unguenti fragrancia
pro deo egregius
multatur georgius
capitis sentencia
|
Vespers verse
|
Gaudens de victoria
martyr ridet
preses stridet et callet vesania
|
Vespers (gospel) special antiphon
|
Celum gaude terra plaude
festum adest dignum laude
omni plenum gaudio
in quo georgi profanum
deiecisti dacianum
in agonis stadio
nobis erge presta precum
tuarum presidio
ut vivamus semper tecum
in celi palacio
?Erge [alt: ?]
|
| |
Matins I
|
Coronantem georgium
omnis creatura
regem adoret omnium
|
Matins antiphon 1
|
Beatus georgius
viam peccatorum
fugit currens ocius
semitas iustorum
|
Matins antiphon 2
|
Quare fremunt impie
contra pium gentes
eidem nequicie
vulnus inferentes
|
Matins antiphon 3
|
Circumdantes populos
sese non timebat
graciarum titulos
domino promebat
|
Matins respons 1
|
Tribunus eximius
cappadox georgius
sanctus nacione
adventat in libyam
regis ubi filiam
salvat a dracone
|
Matins verse 1
|
Quater quinque milia
sacrat eo
die deo
baptismali gracia
|
Matins respons 2
|
Terretur egregius
ut vidit georgius
plures immolare
omnia pauperibus
sua dat ex omnibus
nulla servata re
|
Matins verse 2
|
Idola gentilia
cuncta sunt demonia
proclamavit clare
|
Matins respons 3
|
Daciano preside
ferali tyrannide
pios persequente
christiani cunei
professores fidei
latent egra mente
|
Matins verse 3
|
His quidem innumera
intentantur
et parantur
tormentorum genera
|
Matins antiphon 4
|
Invocantem statuit
hunc in pace deus
qui pro deo studuit
patri iubileus
|
Matins antiphon 5
|
Huius verba merito
iesu percepisti
sue vite merito
quem benedixisti
|
Matins antiphon 6
|
Honore et gloria
coronatur iste
glorians in patria
celi tecum christe
|
Matins respons 4
|
Levat in equuleum
martyrem ethereum
livor daciani
corpus cuius ungulis
latus torquent faculis
tortores insani
|
Matins verse 4
|
Frendenter vulneribus
sal intricant
atque fricant
sanguinem rorantibus
|
Matins respons 5
|
Magus athanasius
stupens cum georgius
ebibit venenum
errores mox abicit
fidei cor subicit
totum fide plenum
|
Matins verse 5
|
Capitis sentencia
dat plectendum
et perdendum
regis hunc insania
|
Matins respons 6
|
Bis acutis ensibus
rota fabricatur
viri dei talibus
corpus ut scindatur
que confracta nutibus
dei annullatur
|
Matins verse 6
|
Exultat iucundius
sanus rota
rupta tota
beatus georgius
|
Matins antiphon 7
|
Passer solitarius
transmigrans in montem
transilit georgius
ad vite sic fontem
|
Matins antiphon 8
|
Non accepit munera
super innocentes
ascendens ad sidera
evadit nocentes
|
Matins antiphon 9
|
Eius desiderium
ei tribuisti
hunc cum super solium
celi posuisti
|
Matins respons 7
|
Ignita sartagine
probatus examine
plumbi christi miles
presidis insaniam
spernit et nequiciam
tortoresque viles
|
Matins verse 7
|
Signo crucis edito
vicit trucis
iras ducis
dei servus subito
|
Matins respons 8
|
Templum totum frivolis
exurit cum idolis
iunctis sacerdotibus
de celis adveniens
ignis cuncta gluciens
viri dei precibus
|
Matins verse 8
|
Exustorum spurias
istorum reliquias
se tellus aperuit
et cuncta absorbuit
|
Matins respons 9
|
Regina gentilium
ob penas fidelium
dure regi fatur
que suspensa crinibus
iussu regis gravibus
flagris laceratur
|
Matins verse 9
|
Orante georgio
regina cum gaudio
celis sociatur
|
| |
Lauds antiphon 1
|
Dominus georgium
induit decore
paratum est solium
cuius in honore
|
Lauds antiphon 2
|
In dulci solacio
omnis terra iubilat
cum sancto georgio
qui velut sol rutilat
|
Lauds antiphon 3
|
Iniqua loquencium
deus os obstruxit
in polum georgium
quando introduxit
|
Lauds antiphon 4
|
Laus et benediccio
sit deo viventi
qui sancto georgio
astitit vincenti
|
Lauds antiphon 5
|
Pro triumpho penitus
sancti tam fidelis
laudet omnis spiritus
dominum de celis
|
Lauds (gospel) special antiphon
|
Cornu nobis hodie
salutis et gracie
martyrem egregium
beatum georgium
dominus erexit
qui castra ecclesie
de mucrone golie
non tutela clipei
sed virtute fidei
valenter protexit
cuius solve meritis
et oracione
nos a nostris debitis
christe iesu bone
|
| |
Prime antiphon
|
Laudibus georgium
digne veneremur
canticis preconium
eius modulemur
|
Terce antiphon
|
Pietatis viscera
deus dilatavit
istum cum sub dextera
de leva locavit
|
Sext antiphon
|
Iste deo placuit
insigni tropeo
vi ita arripuit
celum dignus deo
|
Nones antiphon
|
Cumulavit gaudia
incolis celorum
hic cum in consorcia
transmigrat eorum
|
| |
2nd Vespers antiphon 1
|
Iustus iste floruit
velut flos venustus
nec estu defloruit
culparum robustus
|
2nd Vespers antiphon 2
|
Stolam suam sanguine
veri lavans agni
triumphi solamine
gratulatur magni
|
2nd Vespers antiphon 3
|
Lilium hoc hodie
de terra succisum
placens regi glorie
ornat paradisum
|
2nd Vespers antiphon 4
|
In celis hic hodie
stola serenatur
in terris qui gracie
munere ditatur
|
2nd Vespers antiphon 5
|
Exultans primaria
stola laureatus
certus est de alia
martyr trabeatus
|
2nd Vespers (gospel) special antiphon
|
O georgi spiritus
tuus iam medullitus
exultat in deo
unus enim penitus
in eternum spiritus
est factus cum eo
|
| |
Matins respons .a1
|
Vir insignis glorie
eo florebat tempore
dum amore martyrii
triumphabant plurimi
|
Matins verse .a1
|
Quibus vivere christus est et mori luerum
?Luerum [alt: ?]
|
Matins respons .a2
|
Alme triumphator
rutilans in honore perenni
martyr digne dei
nos serva sancte georgi
&!Georgi [alt: ?]
|
Matins verse .a2
|
Qui palmam sacro
meruisti sanguine fuso
|
full office name: