| |
| |
Vespers antiphon 1
|
Gaude felix italia
christi novis oraculis
sacra fulgent sollemnia
geminiani presulis
|
Vespers antiphon 2
|
Ex mutinensi gremio
carnis fedus hunc genuit
cuius vite perfeccio
presulatum promeruit
|
Vespers antiphon 3
|
Precinctus continencia
lumbis mansit in seculo
exempla radiancia
salutis prebens populo
|
Vespers antiphon 4
|
Sibi talenta credita
duplicata restituit
et racione posita
scandere celum meruit
|
Vespers antiphon 5
|
Huius o christe precibus
nos duc ad vite lumina
quem hac luce degentibus
celi sumpserunt agmina
|
Vespers (gospel) special antiphon
|
O gemma fulgens presulum
fons vivus sanctitatis
geminiane speculum
divine caritatis
duc te colentem populum
ad regnum claritatis
|
| |
Matins I
|
Regem celestis curie
collaudent omnes populi
qui dat coronam glorie
geminiano presuli
|
Matins antiphon 1
|
Presulatus postquam datur
geminianus nomini
iam in lege meditatur
nocte dieque domini
|
Matins antiphon 2
|
Sion monte constitutus
dei preceptum predicat
satan fugans ope tutus
crucisque signis emicat
|
Matins antiphon 3
|
Mox augusti ioviani
quo sic vexatur filia
quibus erat deus sani
cordis salus et gloria
|
Matins respons 1
|
Luce solis occidentis
oriens splendescit
dum in presulis absentis
demon sic expressit
omnis actus erit vanus
ne de sui servire
|
Matins verse 1
|
Ni presens geminianus
me cogat exire
|
Matins respons 2
|
Iovianus regionem
nominati nesciens
per mundum legacionem
queri mittit inquiens
tandem huius mansionem
que gaudet reperiens
|
Matins verse 2
|
Sed augusti lesionem
nate presul audiens
spondet sequi visionem
mox iter arripiens
|
Matins respons 3
|
Ululatus et ploratus
vox in rama personuit
mutinensis plebs immensis
gemitibus tunc affluit
cum ad mare properare
presul iter arripuit
|
Matins verse 3
|
Sed deflentes consolatur
benedicens et hortatur
nam redire statuit
|
Matins antiphon 4
|
Cum invocaret dominum
procellis in discriminum
demonio commotis
mox mare fit pacificum
portum capit salvificum
classis optatis votis
|
Matins antiphon 5
|
Suo conspectu dominus
direxit viam protinus
beati confessoris
ut mox intrat byzancium
aule confertur gaudium
ingens imperatoris
|
Matins antiphon 6
|
Honore laude gloria
felici dei gracia
hic presul coronatur
puella iam sevissima
fit mox mansuetissima
dum sancto presentatur
|
Matins respons 4
|
Ut presentatur
beato presuli
furens puella
demon fugatur
tristis periculi
cedit procella
sic operatur
crucis signaculi
salutis stella
|
Matins verse 4
|
Patri sunt gaudia
matri solacia
plebi tripudia
hosti flagella
|
Matins respons 5
|
Cetus currit languencium
ad patrem pietatis
qui dat cunctis solacium
quesite sospitatis
ritum extirpans gencium
dat fidem trinitatis
doctrina veritatis
|
Matins verse 5
|
Ad unum sic byzancium
ovile ducit ovium
pastor fidelitatis
|
Matins respons 6
|
Presul dehinc post discessit
rediens ad propria
maris fluctus mansuescit
grata parans invia
qui fert sacra que porrexit
augustus exennia
|
Matins verse 6
|
Mutinensis hilarescit
iubilisque plebs florescit
de patris presencia
|
Matins antiphon 7
|
Tandem transit gens hunnorum
montes appannonie
cuius votum labiorum
non fraudat rex glorie
|
Matins antiphon 8
|
Hac quassatur germanorum
et gallorum regio
desolatur italorum
gens potens in prelio
|
Matins antiphon 9
|
Mutinam mox invadentes
cedunt salvis omnibus
quo nobiscum omnes gentes
plaudant deo manibus
|
Matins respons 7
|
Harum attila gencium
rex videns in excidium
obsesse civitatis
geminiano presuli
fatur flagellum seculi
sum nuto deitatis
flagellum ne respueris
cuius te servum asseris
sermone veritatis
|
Matins verse 7
|
Mox iussu presulis
apertis foribus
intrat exercitus
qui salvis singulis
rebus ac gentibus
tendunt ad exitus
|
Matins respons 8
|
Carnis fedus dum iam tendit
ad eius primordia
vere christus huic descendit
voce ferens propria
serve meus et pretendit
veni tolle premia
|
Matins verse 8
|
Christi presul sic expirat
septus celi curia
cursu vite non delirat
scandens ad celestia
|
Matins respons 9
|
Granum fert dum moritur
copiam frumenti
alabastrum frangitur
fragrat vis unguenti
sospitas dum traditur
omni pacienti
ubi corpus clauditur
arca monumenti
celestis milicia
decor firmamenti
surgit ad tripudia
presuli scandenti
laureato gloria
numquam decidenti
patri laus clemencia
sit omnipotenti
virtus et victoria
nato resurgenti
ab utroque gloria
flamini procedenti
|
Matins verse 9
|
Presul christi dum vocatur
ad regna celestia
voce melos modulatur
omnis celi curia
paradisus gloriatur
vite reddens premia
|
| |
Lauds antiphon 1
|
Regnans filius virginis
splendor paterni luminis
induit se decorem
geminiani presulis
ornans diem miraculis
per laticum liquorem
|
Lauds antiphon 2
|
Quod deus ipse dominus
sit plebs cognovit protinus
dum festo mutinensis
existens in basilica
quam mox invadit latica
procella tam immensis
|
Lauds antiphon 3
|
Confiteantur populi
tibi deus dans presuli
signorum claritatem
dum aque fluxibilitas
stat ut muri stabilitas
non intrans civitatem
|
Lauds antiphon 4
|
Benedicite flumina
deum celique numina
qui dat vobis virtutem
ut non possitis fluere
sed quisque vos assumere
possit ad servitutem
|
Lauds antiphon 5
|
In sanctis eius dominum
cetus laudet fidelium
qui prece confessoris
vertit metum discriminum
aquarum inundancium
in iubilum amoris
|
Lauds (gospel) special antiphon
|
Stella fulget in nebula
dum fugit hungarorum
gens furens visa cellula
flos in qua confessorum
geminianus parvula
lux humatur qui morum
sic mox illesa singula
liquit gens perfidorum
|
| |
2nd Vespers antiphon 1
|
Huic proli dux alme poli
succurre precanti
optatum prebere statum
dignare vaganti
|
2nd Vespers antiphon 2
|
Pace frui nos urbe tui
fac geminiani
meroris stet queque foris
discordia vani
|
2nd Vespers antiphon 3
|
Mordaces prosterne faces
omnes viciorum
lustrari virtute pari
da corda virorum
|
2nd Vespers antiphon 4
|
Qui coram te christe moram
trahit ille beatus
presul ibi sit cura tibi
nostri famulatus
|
2nd Vespers antiphon 5
|
Felices ut in orbe vices
sine lite sequamur
cui grato mox fine dato
super astra feramur
|
2nd Vespers (gospel) special antiphon
|
Ave sidus nauta fidus
navis portus leticie
per hoc magnum secli stagnum
a pirata nequicie
nos tuere consors vere
geminiane glorie
postque mortem duc ad sortem
regni celestis curie
|
full office name: