| |
| |
Vespers antiphon
|
Sancte dei presul
memorum non immemor esto
in tam sollemni
quod nunc agimus tibi festo
ut tua sint nobis
semper suffragia presto
securi nullo
nos impediente molesto
|
Vespers (gospel) special antiphon
|
Ave preclare
confessor christi gebeharde
ave flos paradisi
preciose
qui tuo suavi cuncta
respergis odore
nos emundatos ab omni
viciorum squalore
atque te gubernante
transvectos
per hoc spaciosum mare
tuo patrocinio
fac quandoque
celestem patriam
feliciter introire
|
| |
Matins I
|
Iubilantes deo venite
eumque supplices adorate
qui beati
gebehardi animam
introduxit
in requiem suam
|
Matins antiphon 1
|
Generosis ortus maioribus
sed fide christi multo clarioribus
beatus gebehardus lucescit
ut gemma ex auro fulgescit
|
Matins antiphon 2
|
Non consuete enixum
sed volva matris constat
hunc excisum
domino premonstrante
quod ipsum scivit et ante
|
Matins antiphon 3
|
Ad lucem prolatus
et nutrici commendatus
ut isaac patri de suo profectu
gaudium conferebat
quia dominus eum
plus salomone diligebat
|
Matins antiphon 4
|
Hic spiritu renovatus
et inter filios adoptatus
septennis columnis sustentatur
ut domus superne
sapiencie efficiatur
|
Matins antiphon 5
|
Infanciam domi transegit
ubi lacte teneri adolevit
quo sensim proficeret
ut solidum ecclesie
cibum post perciperet
|
Matins antiphon 6
|
Puerile attingens decus
gebehardus dei electus
mundo confestim alienatur
et litterali discipline
mancipatur
|
Matins respons 1
|
Nobilissima stirpe progenitus
sanctus presul gebehardus
clarum sanguinem quo fulgebat
probis moribus exornabat
ut virens palma florebat
et ut cedrus ramis
virtutum se protendebat
|
Matins verse 1
|
Plantatus in domo domini
in atriis domus dei nostri
|
Matins respons 2
|
Flore prime etatis iam vernante
spiritu sciencie sibi inspirante
gebehardus illustris
cellaria regis introductus
mero divini verbi
ita est inebriatus
ut postea ructaret
unde late famem sedaret
|
Matins verse 2
|
Os iusti meditabitur sapienciam et lingua eius loquetur iudicium
|
Matins respons 3
|
Optime indolis adulescens
virtutibus in dies pollens
leva queque
devia linquebat
et dextra itinera
toto nisu tendebat
|
Matins verse 3
|
Propter veritatem
et mansuetudinem
et iusticiam
|
Matins respons 4
|
Egregius vir gebehardus
dilectus deo et hominibus
amabilis pontificibus
venerandus principibus
effulsit decus mundi
flos paradisi gemma celi
|
Matins verse 4
|
Familie domini
prudens et fidelis
dispensator predestinatus
in celis
|
Matins antiphon 7
|
In tabernaculo
quod fixit deus et non homo
cum samuele innocenter
ministrante gebehardo
merito complacebat tam deo
quam sancto presuli conrado
|
Matins antiphon 8
|
Hic velut alter manu fortis
patrimonium extorsit
coheredibus suis
ut decorem exaltaret
tue dulcedinis
iuxta sui domine
desiderium cordis
|
Matins antiphon 9
|
Mirabile negocium
placatum posse
habere dominum
oblata sibi parvissima
gleba cuius est omnis terra
|
Matins antiphon 10
|
In domino laudabuntur
opera huius
qui seminavit
in benediccionibus
cui nihil defuit
cum sua omnia
pauperibus erogavit
|
Matins antiphon 11
|
Hic stare fecit cantores
contra altare
et in sono eorum
dulces fecit modos
quia te domine decet
hymnus in sion
|
Matins antiphon 12
|
Iustus iste venit
saliens inter montes
transiliens colles
soli iusticie
assistens pulcher et decorus
et ut palma
cunctis virtutibus floridus
|
Matins respons 5
|
Verus israelita gebehardus
parentum hereditate
locupletatus
terrenas opes pro supernis
refutavit
ut deus per prophetam
demandavit
|
Matins verse 5
|
Divicie
inquit si affluant
nolite cor apponere
|
Matins respons 6
|
Electus christi discipulus
gebehardus
evangelica verba
mente revolvens
et hec operibus complens
ex omnibus que possedit
egypto liberatis
mansionem effecit
|
Matins verse 6
|
Quia dilexit mandata tua domine super aurum et topazion
|
Matins respons 7
|
Beatissimus gebehardus
ex hominibus assumptus
constituitur
ut sacerdocio fungatur
quia non est inventus
similis illi
qui conservaret
legem excelsi
|
Matins verse 7
|
Iuravit dominus et non penitebit eum tu es sacerdos in eternum
|
Matins respons 8
|
Divinitus eximius
vir electus
ad sacerdocii
culmen provectus
omnia omnibus
factus est protinus
dum quod verbis predicabat
operibus premonstrabat
|
Matins verse 8
|
Et pavit eos in innocencia cordis sui et in virtutibus manuum suarum deduxit eos
|
Matins (gospel) special antiphon
|
Beatus gebehardus
inventus est sine macula
quia non speravit
in pecunia
ideo in domino stabilita
sunt ipsius bona
et eleemosynas illius
enarrabit omnis ecclesia
|
Matins respons 9
|
Sanctus antistes gebehardus
christi amore provocatus
et hic et in celestibus
sanctam construxit edem
quia christum
sibi fecit heredem
|
Matins verse 9
|
Dispersit dedit pauperibus iusticia eius manet in seculum seculi
|
Matins respons 10
|
Iam vinitor egregius
beatus pontifex gebehardus
palmites vere
vitis expurgaverat
iam vinea domini
fructum plurimum attulerat
et ecce pulsanti
domino libens occurrebat
quia excubias suas
bene observaverat
|
Matins verse 10
|
Ecce inquit dominus sto
ad ostium et pulso
|
Matins respons 11
|
Post sedecim
regiminis sui annos
meritis felicibus plenos
liberatur civis
iste hierosolymita
captivitate de babylonica
redditur+que
patrie superne
ubi celebret
pascha perenne
|
Matins verse 11
|
In pace factus est locus eius et habitacio eius in sion
|
Matins respons 12
|
O precelsi meriti
gebeharde sacerdos christi
qui mandata dei secutus
tua omnia dedisti pauperibus
adesto nobis famulis tuis
viciorum pondere pregravatis
ut tuis patrociniis adiuti
eterno cum christo convivio
quandoque mereamur perfrui
|
Matins verse 12
|
Qui iam triumphas in celis
nostris miseratus erumnis
appare vultui dei pro nobis
|
| |
Lauds antiphon 1
|
Ecce sacerdos magnus
beatus scilicet gebehardus
qui in vita sua
suffulsit domum
et in diebus suis
corroboravit pietatem
|
Lauds antiphon 2
|
Sanctus presul gebehardus
dedit in celebritatibus decus
et ornavit tempora usque
ad consummacionem vite
christus purgavit
peccata ipsius
et exaltavit
in eternum cornu eius
|
Lauds antiphon 3
|
In fide et lenitate ipsius
sanctum et excelsum
fecit eum deus
et induit eum dominus
corona glorie
|
Lauds antiphon 4
|
Benediccio domini
super caput iusti huius
ideo dedit illi partem
in tribubus duodecim
et invenit graciam
in conspectu omnis carnis
|
Lauds (gospel) special antiphon
|
Cum vir sanctus tempus suum
feliciter transegit
carne solutus in celis
alto orienti consedit
terris lucens
ut stella matutina
miseris auxilia
sepius ferens opima
|
| |
2nd Vespers (gospel) special antiphon
|
O divine decus machine
beate pater gebeharde
qui terrena despexisti
et celestia acquisisti
tui nos memoriam venerantes
tibi devote supplicantes
tuis meritis
quesumus tuere
quo tecum valeamus
sine fine gaudere
|
| |
Vespers antiphon .a
|
Clementissime pater gebeharde
pro tuis supplicibus intercedere dignare
quo delictorum omnium veniam consequi
et vitam eternam mereamur adipisci
|
| |
Matins I .a
|
In confessione laudis adoremus dominum
qui stola glorie confessorem suum
decoravit gebehardum
|
Matins respons .a1
|
Oliva fructifera in domo dei
oleum leticie fovens beneficiis
coruscans miraculis
fac nos eius qua frueris
lucis suavitatisque participes
|
Matins verse .a1
|
Introisti in potencias domini
et iam potencior ad impetrandum
|
Matins respons .a2
|
Beatus gebehardus
quasi vas auri solidum
ornatum omni lapide precioso
fluenta gracie
propinavit in populo
et accepit stolam glorie
in consummacione virtutis
|
Matins verse .a2
|
Factus est quasi ignis effulgens
et quasi tus redolens
in diebus estatis
|
Matins respons .a3
|
Accepit vir sanctus a domino
potestatem in preceptis
testimonia veritatis docere subditos
et in lege dei lucem dare populo
|
Matins verse .a3
|
Addidit ei gloriam dominus hereditatem pacis possidere in eternum
|
| |
Lauds antiphon .a1
|
Domum tuam domine
decet sanctitudo
in qua tante frequentatur
memoria sanctitatis
|
Lauds antiphon .a2
|
Beatus gebehardus
ab infancia spiritum
sortitus est bonum
per quem erat puer docilis
et amabilis valde
|
Lauds antiphon .a3
|
In disciplina morum
profectuque virtutum
super docentes se in brevi
enituit unccione magistri
|
Lauds antiphon .a4
|
Benediccio domini
super caput iusti
memoria eius
in secula seculorum
|
Lauds antiphon .a5
|
Hodie posito corpore
presul sanctus dives meritis
penetravit in sancta similis
factus in gloria sanctorum
|
Lauds (gospel) special antiphon .a
|
Euge serve fidelis
qui tuum thesaurum
condens in celis
creditum talentum
cum lucro reportasti
et gaudium domini tui
hodie letus introisti
tuis servis
sancte presul gebeharde
clementer digneris
quesumus opitulari
ut in filiorum
numerum adoptati
deique heredibus associati
quandoque facie ad faciem
mereamur contemplare
quem nunc per speculum
nitimur indagare
|
full office name: