full office name: GAUDIOSUS (n2)
edition: AH 45 #34
eccles:mon
calendar:November 01
structure summary: Vespers: A4E
Matins: monastic- {-I}
Lauds: A5E
2nd Vespers: EE
poetic forms: Vespers: ilov.i
Matins: v6{v,v,v,iv}v3g3{v,ov,v,v}.g{v,v,v,vf}
Lauds: vvgvv.i
2nd Vespers: .ig [”]
type of saint: bishop
geographical information:Tarragon, Spain
notes:bishop
Persons: Salomonis Gaudiosus Gaudiosi
Places: Salernitana Beneventanos Salernitanos

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Sedenti super cathedra
exultet cum ecclesia
populus clamore
agens leta sollemnia
et iubila preconia
plena devocione
Vespers antiphon 2
Lux exorta rutila
cum sacra carnis germina
pullulant splendore
sicque doctrina varia
cumulat suspiria
fervida amore
Vespers antiphon 3
Rosam rubentem obtulit
finiens per incendium
vitam christo cui credidit
et puritatis lilium
Vespers antiphon 4
Agmina pre ceteris
laudent salernitana
pro tanti patris culmine
voce cottidiana
Vespers (gospel) special antiphon
O stupor o gaudium
o dator cecis luminum
o claudis gressum previum
miserorum auriga
consors existens superum
specta presens exilium
et lacrimarum gemitum
egencium quadriga
fuisti pastus pauperum
saginacio inopum
abiectorum solacium
et demonum pedica
ad devotum collegium
converte mentis oculum
et pietatis viscera
nos christo mente dica
 
Matins antiphon 1
Hic vir anachoritice
perfeccionis forma
concionis hierarchice
micuit quasi norma
Matins antiphon 2
Excelsi dextra copiam
charismatum effudit
mentis intellegenciam
per secula diffudit
Matins antiphon 3
Mansuescit humiliter
dum christum imitatur
celso throno sublimiter
patribus sociatur
Matins antiphon 4
Pertractum ad altaria
sedule celebrantem
leva monstrat teterrima
de celis acceptantem
Matins antiphon 5
Iam liber manu mutila
fervet devocione
dextera fulva rutilat
in consecracione
Matins antiphon 6
Ductus ad sacrificium
per angelum monetur
ut sacrum ministerium
assensus celebretur
Matins respons 1
Produxit auctor omnium
de stirpe puellari
mirum clare preludium
de genere regali
habet tenellum vasculum
sanctitate mentali
Matins verse 1
Paci iunctum amabili
orbi monstrat vertibili
lucem et divinali
Matins respons 2
Leprosum illum sordidum
putri caduco corpore
qui carne defluebat
factum mundi spectaculum
abstersa cutis sanie
saliva liniebat
Matins verse 2
Sanat perfecte languidum
omni propulso vulnere
dum ipsum abstergebat
Matins respons 3
Optata sapiencia
venit per abstinenciam
ingentis salomonis
spernit et refulgenciam
orbicularem gloriam
imaginis decoris
Matins verse 3
Carnem mundumque conterens
vectem nudatam deferens
tractu devocionis
Matins respons 4
Mundi contemptor extitit
culmen indignum suscipere
se fatur subditorum
quem presul grate recipit
verbo salutis affluit
in ordine polorum
Matins verse 4
Gemens alta suspiria
multiplicat oracula
cum pilis camelorum
Matins antiphon 7
Cor pietatis gracia
ad plene delibutum
saccum plenum pecunia
ostendit distributum
Matins antiphon 8
Panem salutis attulit
famelicis ac stratis
angelus lucis obtulit
sacculum pietatis
Matins antiphon 9
Ut novis alimoniis
cessavit famis pestis
suffecit eleemosynis
saccus ille celestis
Matins antiphon 10
Audit hoc sanctissimus
pietatis custos
sed agit promptissimus
consolatur mestos
Matins antiphon 11
Trahe nos ad sidera
pater invocate
cordis desideria
replens bonitate
Matins antiphon 12
Ponit in celestibus
sed non in pertusum
quod datur pauperibus
per numen diffusum
Matins respons 5
Gaudiosus in publicum
verba vite serendo
factus preco celestium
populu admonendo
stabat ad puerperium
mulier pariendo
Matins verse 5
Supplevit lumen celicum
flagrans mentis incendium
sic distans audiendo
Matins respons 6
Leprosis prestat oscula
irradiata plantula
servit et sauciatis
frangit domatque vicia
auget superna opera
indagine claritatis
Matins verse 6
Sidus clarum emicuit
procul sermo insonuit
apice veritatis
Matins respons 7
Functus gradu authentico
vultu nitens angelico
in veste pastorali
spreto pravo consorcio
oves redimit ocio
cultro pontificali
Matins verse 7
Mulierum munuscula
fugit et eius oscula
pro vita virginali
Matins respons 8
Cibum flexis proplitibus
assidue pauperibus
non cessat ministrare
sicque prelatus alcius
humilitatis actibus
nitet in predicare
!Proplitibus [alt: ?]
Matins verse 8
Quam summi patris filius
peroptat sed in melius
pro cunctis laborare
Matins (gospel) special antiphon
Vernat in miraculis
dum esset viator
nunc profundit singulis
sistens contemplator
Matins respons 9
Cum sinistram purrissimam
mulier osculatur
extunc per noxam flammeam
sancti mens titillatur
capit cum dextra rhompheam
sinistra resecatur
?Purrissimam [alt: ?]
Matins verse 9
Manum illam obnoxiam
per vocem evangelicam
tollit dum stimulatur
Matins respons 10
Dum sanctus hic ut mutilus
desiit celebrare
insolitum hoc populus
ceperat mussitare
sed latens mentis gemitus
pavebat revelare
Matins verse 10
Cum manum nigram angelus
ferens missus celitus
iubet sacrificare
Matins respons 11
Draco ille teterrimus
qui virus fundens noxius
omnem hanc regionem
vastabat ferus pessimus
flatu necans pestiferus
vomens contagionem
Matins verse 11
Hunc sanctus celeberrimus
fugat pulsum remocius
per solam iussionem
Matins respons 12
Atrox famis inedia
exinanitum populum
consumens perimebat
victus omnis inopia
panis tollens edulium
pariter defluebat
Matins verse 12
Motus misericordia
pro plebis alimonia
cuncta distruebat
 
Lauds antiphon 1
Dum gaudiosus previis
oracionum studiis
in domino confisus
inter arma micancia
se in salutis federa
est athleta provisus
Lauds antiphon 2
Hic concitos ad prelium
et ad mortis excidium
cives beneventanos
flectit ad pacis vinculum
per solum iussum celicum
contra salernitanos
Lauds antiphon 3
Tres tenet in prodigiis
ordines miraculis
potestates pellit
feritates iaculis
largitate muneris
demones expellit
Lauds antiphon 4
Doctus per flamen spiritus
se dedicavit funditus
servire creatori
spernens mundum penitus
donis perfusus celitus
innixus redemptori
Lauds antiphon 5
Laudans in cordis iubilo
decachordo psalterio
melodi symphonia
hec est plena devocio
gaudiosi precordio
exultans melodia
Lauds (gospel) special antiphon
O presul fragrans meritis
spretis ad plenum deviis
et abiectis lasciviis
ac mundanis illecebris
carne maceratus
refectus extas premiis
illis summis collegiis
sociatus ethereis
et civibus celicolis
rosis laureatus
nobis adsis miseris
et pressurarum tediis
lacrimarum profluviis
pater miseratus
 
2nd Vespers (gospel) special antiphon
O virum mirabilem
cuius vestis in liquidis
undis extat vehiculum
quasi navis perfecta
fugiebat a perfidis
deferens sancti pallium
super ipsum stans solidum
aqua tunc refecta
aciem verte luminis
ad peccatorum barathrum
ne immergens periculum
labe precipicium
in plebe sit subiecta
2nd Vespers (gospel) special antiphon .f
O lumen ecclesie
doctor veritatis
pontifex egregie
norma caritatis
aquam sapiencie
propinasti gratis
predicator gracie
nos iunge beatis