| |
| |
Vespers antiphon
|
Ope sancti gaudiosi
conterantur vicia
ut cernamus regem regum
in celesti gloria
|
Vespers respons
|
Urbis tirasonis
presul efficitur
clerus ac populus
letus hinc redditur
laus omnium ad
sidera tollitur
|
Vespers verse
|
Gaudiose
da servis gaudium
qui tuum expetunt
semper presidium
|
Vespers (gospel) special antiphon
|
Gaudiosus adest
qui nobis gaudia prestet
que semper vigeant
et fine carencia constent
participes quorum
det nos fore sponsor eorum
|
| |
Compline antiphon
|
Quo fruamur regni sede
in sublimi patria
cum supernis recinentes
eternum alleluia
|
Compline (gospel) special antiphon
|
Cantica iustorum
resonant in laude piorum
quos chorus hic memorat
vel quos memorando perorat
|
| |
Matins I
|
Psallamus cuncti
domini sub nomine iuncti
christum laudantes
et eum semper venerantes
|
Matins antiphon 1
|
Preciosus gaudiosus
in virtute gloriosus
nobis prestat veniam
|
Matins antiphon 2
|
Ut dicamus et agamus
que sunt deo placita
obtinendo veniam
|
Matins antiphon 3
|
Hic vir sanctus fuit tantus
in amore domini
quantus datur fluens cursus
inundanti flumini
|
Matins respons 1
|
Alme christi gloriose
sanctissime gaudiose
tuo pio presidio
noxas nostras dilue
|
Matins verse 1
|
Ut superni regni sedem
valeamus scandere
|
Matins respons 2
|
Hic vir dei gaudiosus
parentibus generosus
natus in iberia
generosior futurus
in domini gracia
|
Matins verse 2
|
Traditus a puero
fuit in inicio
sancto victoriano
|
Matins respons 3
|
In doctrina christe tua
crevit ab infancia
fluxum carnis resecando
dando tua gracia
sic vivendo gaudiosus
meruit sublimia
|
Matins verse 3
|
Hinc victoriane per te
adeptus victoriam
|
Matins antiphon 4
|
Iucundetur et letetur
pia plebs in domino
decantando et laudando
deum absque termino
|
Matins antiphon 5
|
Nomen sancti mirabile
per mundum predicabile
et apud nos laudabile
|
Matins antiphon 6
|
Gaudioso concinimus
de quo miranda legimus
et psallendo proferimus
|
Matins respons 4
|
Scandens ad pontificium
sedis tirasonensium
doctrine sumpsit bravium
per divinum auxilium
|
Matins verse 4
|
Qui cernens ministerium
quo plebi prestet gaudium
non refugit officium
|
Matins respons 5
|
Sollicitudo presulis
dum zelum prestat emulis
sublimatur in titulis
|
Matins verse 5
|
Spargit laudem in populis
predicatur in infulis
|
Matins respons 6
|
Nutu sancti victoriani
sumpsit pontificium
pro quo reddit grates deo
urbs tirasonensium
cui christus prebuit
maximum solacium
gaudiose gaudium
impetre celestium
|
Matins verse 6
|
Doctor et discipulus
sit pro nobis baiulus
apud deum sedulus
|
Matins antiphon 7
|
Preciosi gaudiosi
agentes memoriam
supplicemus et rogemus
eiusdem suffragia
|
Matins antiphon 8
|
Ut sit plebi concinenti
rector et auxilium
et in omnibus adversis
ubique suffragium
|
Matins antiphon 9
|
Prece nobis sancti virtus
adsit et potencia
qua chelydri confringatur
caput et superbia
|
Matins respons 7
|
Presulatus officia
isti sancto sunt munera
que spondent magna premia
in paradisi gloria
|
Matins verse 7
|
Ut spes detur humilibus
fortitudo sublimibus
|
Matins respons 8
|
Cognoscit vite
finem sanctissimus iste
sibi precepit
deferri pignora christi
que venerando tenens
sumpsit pro munere vite
|
Matins verse 8
|
Et felix flatum
misit ad astra beatum
|
Matins respons 9
|
Laus reddatur
ei cui parent
infima summa
cuncta regenti
et gaudioso
gaudia danti
vitam pro meritis
retribuenti
|
Matins verse 9
|
Reddatur domino
gracia patri
nec non et genito
cum flamine sancto
|
Matins Q
|
1 regi regum
summo tripudio
reddat laudes
devota concio
2 gaudiosi
in natalicio
canat deo
vox sensus racio
3 gaudiose
in regno luminis
nos socios
fac tui nominis
4 ut in choro
superni numinis
melos demus
felicis carminis
5 quos peccati
gravat impressio
tua sursum
levet oracio
6 qui fatentur
se plenos vicio
tuo mundi
fiant auxilio
7 ora patrem
et placa iudicem
noxam laxet
ut nobis triplicem
8 servos iuva
subveni subditis
offer tuis
vitam pro meritis
|
| |
Lauds antiphon 1
|
Ad laudem christi nominis
eterne vite principis
gaudiosi sollemnia
vox resonet per omnia
|
Lauds antiphon 2
|
Cuius vox semper sonuit
quecumque doctor docuit
vel victorianus monuit
|
Lauds antiphon 3
|
Ambo sancti magnalia
in domini milicia
operati sunt talia
unde splendent in gloria
|
Lauds antiphon 4
|
Inde chorus leticiam
reducit ad memoriam
cum pueris perpetuam
desiderando gloriam
|
Lauds antiphon 5
|
Reddat celestis curia
cum angelis tripudia
nec non humana gaudia
solvant sancto sollemnia
|
Lauds (gospel) special antiphon
|
Gaudiose tuos
ab iniqua peste tuere
ut semper valeant
rectum sub corde tenere
et semper domino
possint sine fine placere
|
| |
Prime antiphon
|
Ut nobis non dominentur
luxus et lascivia
sed resplendeat in nobis
castitatis gloria
|
Terce antiphon
|
O gaudiose gaudium
infirmis salutare
o presul succedencium
exemplum et altare
in quo fit sacrificium
laudis regi celorum
hunc tuorum propicium
fac meritis bonorum
cum sit boni principium
lapsus pellat malorum
|
Terce respons
|
Crevit in sciencia
plenus dei gracia
doctus in ecclesia
fuit ab infancia
|
Terce verse
|
Christi sapiencia
dat ei subsidia
|
| |
2nd Vespers (gospel) special antiphon
|
O splendens stella
superasti noxia bella
et virtute dei
sumpsisti dona tropei
gaudiose pater
famulos orando tuere
quos petimus facias
tecum sine fine manere
|
full office name: