full office name: GANGULPHUS (n2)
edition: AH 45 #33
calendar:?
structure summary: Vespers: E
Matins: secular
Lauds: A5E
poetic forms: Vespers: .v
Matins: l.v3{lh3}v3{lh3}v3{lh,v,lh}
Lauds: v5.v [”q]
type of saint: martyr
notes:martyr
Persons: Gangulphi Gangulphus Gangulphe Gerardus
Places: Lingonis

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Recolenda gloriosi
gangulphi preconia
pro voto hunc personando
celebrat ecclesia
cui congaudet in excelsis
angelorum curia
coronato post agonem
triumphali gloria
 
Matins I
Concio nostra deo
iubilans pia vota rependat
per quem martyrio
gangulphus in axe coruscat
Matins antiphon 1
Beatus vir insignitus
clara stirpe germinis
tamquam lignum vite florens
in decursu fluminis
fructum dedit ante deum
preciosi sanguinis
Matins antiphon 2
Disciplinam apprehendens
puritatis animo
serviebat vir beatus
in timore domino
pro quo tandem mortem tulit
felici martyrio
Matins antiphon 3
Adversantes vicit hostes
circumdantis populi
et contrivit peccatorum
dentes scuto fidei
coronandus inter choros
senatus etherei
Matins respons 1
Gloria lausque deo
per secula cuncta resultet
per quem sancta sion
victrici pignore gaudet
dum sic martyrii
numerosa prole refulget
Matins verse 1
Quam specialis amor
matris pia viscera complet
Matins respons 2
Gangulphus martyr
titulis insignis avorum
stemmate reque potens
et culmine fretus honorum
dulce decus generis
compsit dulcedine morum
Matins verse 2
Pro christo paciens
certamina dura laborum
Matins respons 3
Lingonis urbs felix
divinum nacta virorem
parturiens roseum
viridi de cespite florem
gangulphi meritis
dignum diffudit odorem
Matins verse 3
Sicut fructifera
produxit oliva saporem
Matins antiphon 4
Invocavit deum suum
amator iusticie
ut ab illo procul pellens
merorem tristicie
vultum eius consignaret
splendore leticie
Matins antiphon 5
Scuto bone voluntatis
in agone preditus
linguam nequam et dolosam
nihil prorsus veritus
operantes vanitatem
vicit martyr inclitus
Matins antiphon 6
Iustum sanctus se confidens
habiturum iudicem
procellosum peccatorum
devitando calicem
transmigrabat gloriosus
ad virtutum apicem
Matins respons 4
Dux venerandus emit
collato munere fontem
utque viri sancti
fieret memorabile nomen
transtulit externam
pius hunc deus in regionem
Matins verse 4
Servat adhuc veterem
laticis fons ille colorem
Matins respons 5
Dum solito more
regis dormiret in aula
ne domini servum
vexaret nox tenebrosa
celitus accendi
meruit deiecta lucerna
Matins verse 5
Rex stupuit mirans
quia ter virtute superna
Matins respons 6
Martyr et athleta
fidei fervendo calore
terrea contemnens
vite celestis amore
fulget in excelsis
celebri gangulphus honore
Matins verse 6
Martyrii roseo
radians super astra cruore
Matins antiphon 7
Montis dei semper optans
sanctus heres fieri
et celestis habitator
esse tabernaculi
totis votis affectabat
coronam martyrii
Matins antiphon 8
Magna satis ante deum
beatorum gloria
qui coronat decertantes
felici victoria
vitam prestans longiorem
per eterna secula
Matins antiphon 9
Quam beatus qui in vanum
non accepit animam
mundo corde pura manu
servans innocenciam
hic salutem obtinebit
et misericordiam
Matins respons 7
Coniugis inceste
potuit nudare reatus
frigidus in fonte
lapis a duce sanctificatus
dum cute detracta
digitis cadit unguis abactus
Matins verse 7
Terribilis deus hic
districcius est operatus
Matins respons 8
Miles christi gloriose
gangulphe sanctissime
tuo pio interventu
culpas nostras ablue
Matins verse 8
Ut celestis regni sedes
valeamus scandere
Matins respons 9
O quam mira dei
pietas virtusque refulget
per quem gangulphus
signorum iubare splendet
arcet enim febres
requiem dat demoniosis
precipue piat hos
quos pestifer inficit ignis
Matins verse 9
Omnibus optate
donat pia vota salutis
 
Lauds antiphon 1
Triumphali fine sanctus
translatus ad ethera
sicut crebra incessanter
protestantur opera
claris signis illustratur
post beata funera
Lauds antiphon 2
Dum gerardus presul sacra
tullum defert pignora
fragor venti ter extinxit
cere luminaria
sed hec deus reparavit
propter sancti merita
Lauds antiphon 3
Cecus supplex est prostratus
in beato limine
et post christum invocato
sancti viri nomine
sospitatem est adeptus
reparato lumine
Lauds antiphon 4
Captus quidam vir evadens
templum sancti subiit
quem perverse mentis homo
extra templum repulit
unde reus mox a terra
absorptus interiit
Lauds antiphon 5
Iam veterno lapsu pendens
ruebat maceria
quam sic pronam diu fixit
viri dei gracia
donec plebis procedentis
pertransirent agmina
Lauds (gospel) special antiphon
Tua christe sunt ubique
laudanda miracula
qui in sanctis gloriosus
facis mirabilia
tu es deus benedictus
per eterna secula