| |
| |
Vespers antiphon 1
|
Letetur plebs fidelium
ad sanctorum consorcium
galganus scandit inclitus
omni virtute preditus
Omnis [alt: v AH]
|
Vespers antiphon 2
|
Exortus in provincia
castro cluslino tuscie
proavorum prosapia
spectabilis progenie
|
Vespers antiphon 3
|
In annis puerilibus
satis effrenis moribus
instruitur angelica
visione mirifica
|
Vespers antiphon 4
|
Princeps celestis patrie
michael visu adfuit
sumat nove milicie
signa galganum monuit
|
Vespers (gospel) special antiphon
|
Magnificat pre ceteris
virtutibus innumeris
galganum sanctum deitas
per graciam preveniens
in eadem stabiliens
coronans per gloriam
per quem nobis veniam
prestet beata trinitas
|
| |
Matins I
|
Regem laudemus eternum
qui sancto galgano regnum
dedit in celis supernum
Regem laudemus eternum
qui sancto galgano regnum
dedit in celo supernum
|
Matins antiphon 1
|
Beatus evangelicam
legem meditatur
que per doctrinam celicam
sibi demonstratur
Celica [alt: v AH 45 #32]
|
Matins antiphon 2
|
Quare mundialia
vana cuncta sprevit
qui sola celestia
querere decrevit
|
Matins antiphon 3
|
Cum invocarem dominum
ait sanctus iusticie
vitare turbam hominum
decet vane milicie
|
Matins antiphon 4
|
Verba mea domine
percipe precantis
viam tuo lumine
dirigens errantis
|
Matins antiphon 5
|
Domine mirabilem
tenens principatum
da vincam terribilem
demonis conatum
Da ut vincam [alt: v AH 45 #32]
|
Matins antiphon 6
|
In domino fiduciam
totam hic iactavit
qui carnis immundiciam
vere declinavit
|
Matins respons 1
|
Aperit matri filius
secreta visionis
que reseravit nuncius
celestis regionis
que mente volvens tacite
mater respondit concite
immensum tibi gaudium
figurat hoc presagium
Quam mente [alt: v AH 45 #32]
|
Matins verse 1
|
Christus dei filius
galganum specialius
suum vocat per nuncium
|
Matins respons 2
|
Archangelus apparuit
iteratoque monuit
galganum se sequatur
ad flumen magnum veniunt
molendinum conspiciunt
quod ibi rotabatur
|
Matins verse 2
|
Decursus presencium
mundanorum fragilium
illo figurabatur
|
Matins respons 3
|
Transacto ponte fluvii
pratum florum reperiunt
odoris mirifici
ascendunt montem sepii
domum ibi conspiciunt
cetus apostolici
Ipsi [alt: v AH 45 #32 ibi]
|
Matins verse 3
|
Erat domus hec rotunda
ubi turba stat iucunda
senatus magnifici
|
Matins respons 4
|
Librum iubetur tollere
versiculum hunc legere
litteras qui ignoravit
in potencias intravit
divini memor nominis
|
Matins verse 4
|
Imaginem speciosam
quam agnovit gloriosam
vidit dei hominis
Cognovit [alt: v AH 45 #32]
|
Matins antiphon 7
|
Domine sine macula
ingreditur possessor
in tua tabernacula
tuus hic confessor
|
Matins antiphon 8
|
Domine letabitur
in virtute tua
sanctus qui servabitur
in puritate sua
|
Matins antiphon 9
|
Domini est gracia
regnum preparatum
qui servat innocencia
cor immaculatum
|
Matins antiphon 10
|
Exaudi oracionem
meam deus qua deprecor
patefac sanacionem
qua confracta tribulor
Spate fac [alt: v AH 24 #75]
|
Matins antiphon 11
|
Te decet hymnus hodie
galgani vocem audiens
rex eterne glorie
fractum ensem reficiens
|
Matins antiphon 12
|
Bonum tibi confiteri
creatori omnium
cui semper misereri
fuit et est proprium
|
Matins respons 5
|
Dum ad castrum civitelle
pergit equus stans in via
prope castrum lugrianum
contradicit suo velle
motus orat voce pia
deus dirige galganum
Ligriani [alt: v AH 45 #32]
|
Matins verse 5
|
Primum adam qui plasmasti
mihi quoque demonstrasti
spernere hunc mundum vanum
|
Matins respons 6
|
Prece fletu terminata
equus moto proprio
pergit condenso nemore
sistens monte sepio
ubi manet fixa spata
manet omni tempore
In monte sepii [alt: v AH 45 #32]
Per eum [alt: v AH 45 #32 manet]
|
Matins verse 6
|
Vera crux ense signatur
que per sanctum honoratur
mortificato corpore
|
Matins respons 7
|
Herbis famem refocillans
aqua sitim non vacillans
perseverat fortiter
satan sevit acriter
in galganum exiliens
Siti [alt: v AH 45 #32]
|
Matins verse 7
|
Demon terrere cupiens
orantem venit iaciens
trabem ignis post fugiens
|
Matins respons 8
|
Fama cupiens latere
sanctis micans virtutibus
diffunditur in tuscia
mulieres mox venere
de arecii partibus
cum maxima fiducia
Post veniunt
[alt: v mox venere]
|
Matins verse 8
|
Manu contractam puellam
ad ipsius ductam cellam
sanat dei gracia
cum gloria
|
Matins (gospel) special antiphon
|
Beatus solitarie
vite galganus studuit
non thesauris pecunie
spem suam umquam posuit
|
Matins respons 9
|
Apostolorum limina
qui sunt mundi lumina
visit pro indulgencia
dum fit absens aliquorum
corda fremunt malignorum
pro pessima invidia
|
Matins verse 9
|
Hos ad locum accedentes
ensem fractum relinquentes
dei ferit sentencia
Accendentes [alt: v AH 24 #75]
|
Matins respons 10
|
Cum sic rome perseverat
hoc per visum asserebat
sibi celestis nuncius
dolens cogitur redire
ubi meretur audire
ne adeas ulterius
|
Matins verse 10
|
Pars fracta dum reponitur
spate fracte reficitur
ensis auditque cicius
|
Matins respons 11
|
Construxit cellulam
galganus parvulam
de lignis humilem
rotundam similem
ei que cernitur
Eius que nunc cernitur [alt: v AH 24 #75]
|
Matins verse 11
|
In montis culmine
celesti numine
talis ostenditur
|
Matins respons 12
|
Sacris dum vacat studiis
continuis vigiliis
luce missa celitus
vox clamat divinitus
satis est quod laborasti
mete nunc quod seminasti
|
Matins verse 12
|
Corpus inane linquitur
anima celo rapitur
galgano dum sic dicitur
|
| |
Lauds antiphon
|
Laudes reddit sanus factus
puer parvulus contractus
manibus atque pedibus
sancti galgani precibus
|
Lauds (gospel) special antiphon
|
Benedictus es domine
qui reparas in homine
angelicum excidium
galganum vana spernere
te solum deum querere
tuorum docens premium
|
| |
Prime antiphon
|
Reddens vite puerum
demersum in fluvio
solatur patrem miserum
suo patrocinio
|
Terce antiphon
|
Clausus arto carcere
fugit ab ergastulo
sancti dei munere
liber a periculo
Clauses exit a carcere [alt: v AH 45 #32]
|
Sext antiphon
|
Religatum in catenis
visu sanctus eripuit
liberum a diris penis
suis eum restituit
|
Nones antiphon
|
Quasi omnis gracie
dono invocatus
cuidam custodiam
reserat beatus
|
| |
2nd Vespers antiphon 1
|
Sancti mirabilia
canamus multiplicia
privatum cunctis sensibus
suis reddit visibus
|
2nd Vespers antiphon 2
|
Visitans sancti limina
contracta manu femina
cum sanitatis gracia
leta redit ad propria
|
2nd Vespers antiphon 3
|
Vexatam a demonio
mulierem septennio
latam in oratorio
suo curat suffragio
|
2nd Vespers antiphon 4
|
Leprosus sui similem
cere ferens imaginem
curatus agit gracias
sancto galgano nimias
|
2nd Vespers (gospel) special antiphon
|
Magnificat miraculis
galganum coram oculis
dominus cernencium
capitis servans decorem
devotorum ad honorem
sibi famulancium
per ipsum languentibus
cunctis se petentibus
dans salutis gaudium
Sanctum [alt: v AH 45 #32 galganum]
|
full office name: