| |
| |
Vespers respons
|
Sanctus galectorius
presul lascurrensis
orabat devocius
manibus protensis
dum sevit protervius
rex vandalensis
!&Vandalensis [alt: ?]
|
Vespers verse
|
Felix quem non gladius
terret sed in melius
ictus mutat ensis
|
Vespers (gospel) special antiphon
|
Beatus galectorius
cum corona victorie
presul martyr egregius
suscepit thronum glorie
cum magis trino munere
protestans verbis opere
deum regem in homine
iesu nato de virgine
|
| |
Matins I
|
Regem qui regit omnia
secula venerantur
cum presulis sollemnia
lascurris celebrantur
|
Matins antiphon 1
|
Beatus galectorius
vir fortis norma morum
non abiit ut impius
in via peccatorum
|
Matins antiphon 2
|
Deo servit vasconia
gens gotha facit peius
pre ceteris iniuriam
adversus christum eius
|
Matins antiphon 3
|
Fide propugnat comminus
preces fundit ad deum
exclamans tu es dominus
exaltans caput meum
|
Matins respons 1
|
Romanorum imperium
non ferens gens gothorum
regem prefecit proprium
fines italicorum
transit ad hemispherium
pervenit gallicorum
|
Matins verse 1
|
Beatum galectorium
presulem lascurrensium
rumor pulsat eorum
|
Matins respons 2
|
Dum iteratis vicibus
pago burdegalensi
damna darent vasconibus
gothi graves immensi
enarratur a pluribus
presuli lascurrensi
|
Matins verse 2
|
Quod gothis profanantibus
offeruntur altaribus
loco feces incensi
|
Matins respons 3
|
Beatus galectorius
vir mire probitatis
devotus benignus pius
excelse sanctitatis
compatitur profundius
vasconibus gravatis
|
Matins verse 3
|
Fide plenus fervencius
ceteris fit contrarius
gothis malis armatis
|
Matins antiphon 4
|
Lascurrensis ecclesie
gregem cum gubernaret
favit deus iusticie
ipsum cum invocaret
|
Matins antiphon 5
|
Clamat oracionibus
sanctus non mente rea
domine piis auribus
percipe verba mea
|
Matins antiphon 6
|
Deo fit acceptabile
quod hic fecit in guerra
cuius nomen mirabile
in universa terra
|
Matins respons 4
|
Mente gestans et corpore
signum crucis vivifice
servus eterni regis
cruce signat pro tempore
memor mortis dominice
agmen commissi gregis
|
Matins verse 4
|
Gothorum spreto robore
quos invadit magnifice
zelo succensus legis
|
Matins respons 5
|
Agmina bearnensium
beatus galectorius
sermonibus movebat
contra turbas gothensium
velut primipilarius
armatus precedebat
|
Matins verse 5
|
Neque mortem nec gladium
vel si quid est acerbius
pro christo metuebat
|
Matins respons 6
|
Dei magnificenciam
intendens et victoriam
contra gothos pugnabat
currens per pacientam
ad martyrii gloriam
ictus plagas portabat
|
Matins verse 6
|
Sanctus propter iusticiam
liber transit ad patriam
pro qua vivens certabat
|
Matins antiphon 7
|
Hic christi miles ceteros
preivit hostes vivens
morte transit ad superos
in domino confidens
|
Matins antiphon 8
|
Verbi divini pabulo
subditos recreabat
in dei tabernaculo
devotus habitabat
|
Matins antiphon 9
|
Multis potens miraculis
providens de salute
iuva nos in periculis
domini in virtute
|
Matins respons 7
|
Carnis vitam
contemnens penitus
celo sanctus previdens spiritus
ad ethera
vocatur celitus
repromissa
sibi divinitus
|
Matins verse 7
|
Intrat aulam summi regis
pastor gregis preco legis
|
Matins respons 8
|
Beatus galectorius
lascurrensis ecclesie
presul et pater patrie
vir futurorum prescius
mortem subit iucundius
amore vere glorie
|
Matins verse 8
|
Hic cum laude victorie
reportatus decencius
adoratur devocius
altari sedis proprie
|
Matins respons 9
|
Per huius sancti merita
sanitatis remedia
dominum operari
sanata probant capita
plebisque testimonia
que non decet celari
|
Matins verse 9
|
Salus sic mihi tradita
me veritate previa
docet testificari
|
| |
Lauds antiphon 1
|
Beatus galectorius
presul lascurrensis pius
tantum christum amavit
quod ad celum iuncundius
morte transit et forcius
quo dominus regnavit
!Iuncundius [alt: ?]
|
Lauds antiphon 2
|
In acerbi martyrii
beati galectorii
sancta sollemnitate
sicut letantes filii
psalmis hymnis officii
domino iubilate
|
Lauds antiphon 3
|
Deus qui sanctis omnibus
mortem pro te ferentibus
das exemplum in cruce
fons vite sicientibus
lux ad te vigilantibus
ostenderis de luce
|
Lauds antiphon 4
|
Celi terreque marium
facture rerum omnium
benedicant factorem
qui genti bearnensium
beatum galectorium
dat patrem et pastorem
|
Lauds antiphon 5
|
Laboris confirmacio
honoris retribucio
fit cum felicitate
alto celi palacio
beato galectorio
cur dominum laudate
|
Lauds (gospel) special antiphon
|
Sancte galectori
patrie lux presul adesto
sic precibus nostris
adiutor tempore presto
quod pulsis culpis
letemur perpete festo
|
| |
Prime antiphon
|
Deus in cuius nomine
beato galectorio
salus et vita datur
per ducat nos in lumine
cum numero ternario
quo iesus adoratur
!Per !ducat [alt: ?]
|
Terce antiphon
|
Legem in corde posuit
dei quam facto tenuit
in qua iustificatur
beatus galectorius
presul martyr egregius
pro qua martyrizatur
|
Sext antiphon
|
Defecit vita corporis
huius mensura temporis
laboreque dolore
decapitantis gladii
coronam cepit bravii
plenam felicitate
|
Nones antiphon
|
Multa sunt mirabilia
multaque testimonia
eximie virtutis
beato galectorio
prestante patrocinio
donum adest salutis
|
| |
2nd Vespers (gospel) special antiphon
|
Gaude lascurris civitas
tanti patris reliquiis
decorata miraculis
in populis ut veritas
protestetur quod sanctitas
beati galectorii
sit sequenda vestigiis
amore summi premii
|
full office name: