full office name: GABRIEL (n1)
edition: AH 5 #62
calendar:March 24
structure summary: Vespers: A5E
Matins: secular-
Lauds: A5E
poetic forms: Vespers: o5.v
Matins: h.oov{vo,o,vo}ivv{v3}oov{io,vo}
Lauds: ov3s.o [”q]
type of saint: archangel
notes:Christ:
Persons: Gabrieli Daniel Michael Raphael Uriel

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Iam protervorum capita
quassabit dei filius
hinc robustorum abdita
pandit robustus nuncius
Vespers antiphon 2
Felix nimis oraculum
redempcionis gencium
quod datur per miraculum
ad robore celestium
Vespers antiphon 3
Exoriente lumine
recto perfusis flamine
laus datur magno numini
a septiformi agmine
Vespers antiphon 4
Quod reverentur omnia
nomen celeste panditur
iesu voce preconia
per quem ad celum scanditur
Vespers antiphon 5
Psallamus coram angelis
qui nobis opem tribuunt
et cum septem archangelis
hec omnia distribuunt
Vespers (gospel) special antiphon
Robur dei fortissime
princepsque invictissime
robustum sacramentum
denuncias christifere
per quod cladi mortifere
datur medicamentum
quod abrahe promiserat
os tuum clare reserat
nostrum oblectamentum
iesum vitam et gaudium
lumen et ignem cordium
hominis complementum
 
Matins I
Regem archangelorum dominum venite adoremus
Matins antiphon 1
Lex meditanda panditur
in iesu dei filio
qui sinu matris clauditur
divo canente nuncio
Matins antiphon 2
Iam hodie concipitur
eternus fusus homini
dum gabrieli dicitur
ecce ancilla domini
Matins antiphon 3
Fuit deus memor hominis
dum ipsum visitavit
nobisque tamquam dominis
terrestria substravit
Matins respons 1
Gabriel ut collegium
cognovit trinitatis
decrevisse remedium
nostre fragilitatis
iussus venit ad predium
perfecte integritatis
Matins verse 1
Suscipe virgo medium
salutis nostre et tedium
fugato humanitatis
Matins respons 2
Per cuncta semper secula
que donat dei digitus
prodigia miracula
quibus hostis est territus
legem lucem oracula
sancti ministrant spiritus
Matins verse 2
Robora signa fercula
sacra ritus piacula
et cuncta data celitus
Matins respons 3
Portat robur angelicum
nobis iucunditatem
dum in hortum davidicum
virge fecunditatem
affert et donat medicum
ad nostram infirmitatem
Matins verse 3
Suscepit virgo celicum
germen et nexum unicum
et mundi integritatem
Matins antiphon 4
Egressus fuit magnificus
a vertice celorum
sermo vero deificus
cum domina angelorum
Matins antiphon 5
Robustus rex in prelio
marie portam intravit
que tremens in subsellio
viri vocem expavit
Matins antiphon 6
Circumdat bonus angelus
omnes timentes deum
sed gabriel archangelus
matrem que gestat eum
Matins respons 4
Stabat imago celica
in horto voluptatis
divinorum famelica
in statu dignitatis
quam turbavit terrifica
figura antiquitatis
Matins verse 4
Sed vox curat angelica
formata vi deifica
a culpa feditatis
Matins respons 5
Certat homo per stadium
milicie terrestris
ut assequatur bravium
sed serpens a sinistris
multos sternit per gladium
nequicie scelestis
Matins verse 5
Sed nuncius celestium
nos protegit per radium
divinum stans a dextris
Matins respons 6
Orat legatus maximus
in facto nupciarum
quas fauste nos contraximus
in nexu naturarum
unde statum ereximus
in regnum creaturarum
Matins verse 6
Iam gabriel coniunximus
mentem cum quo dileximus
ope precum tuarum
Matins antiphon 7
Annunciat in gentibus
mysteria celorum
et populis querentibus
consorcia divinorum
Matins antiphon 8
Annunciarunt angeli
iusticiam et pacem
viderunt omnes populi
salutem dei veracem
Matins antiphon 9
Benedicant assistentes
celorum opifici
et obediant ministrantes
sacrorum artifici
Matins respons 7
Prevenit princeps inclitus
primam iuvencularum
tympanizantem celitus
concinia divinarum
dum sonat sermo insolitus
fit unio naturarum
Matins verse 7
Cuius corpus chrysolithus
in vultu fulgor solitus
ardencium lampadarum
Matins respons 8
Ecce vir unus gabriel
in veste figurali
sicut prospexit daniel
furore prophetali
cui subvenit michael
in facto divinali
Matins verse 8
Et suam medelam raphael
affert quam conflat uriel
pro grege racionali
 
Lauds antiphon 1
Iesus decorem induit
quo decorantur omnia
mensque celestis splenduit
terrentur+que demonia
Lauds antiphon 2
Omnes ovantes iubilant
dum verbum humanatur
et quod obscura obnubilant
in luce reseratur
Lauds antiphon 3
Excussa iam caligine
in luce vigilemus
verbumque clara indagine
in carne nunc laudemus
Lauds antiphon 4
Benedicant archangeli
tribunal trinitatis
et homines et angeli
cum omnibus creatis
Lauds antiphon 5
Laudet omnis spiritus
opificem celorum
ex quibus gabriel inclitus
fit nuncius sacrorum
Lauds (gospel) special antiphon
Ascendit iam crepusculum
quo lux splendere incipit
solis et iussa suscipit
pacis donande gabriel
tunc virginis corpusculum
sensus et cor perterritur
dum arcanum detegitur
quod pariet emmanuel
qui illuminet in tenebris
euntes et in semitam
pacis regat et perditam
viam collustret uriel