| |
| |
Vespers (gospel) special antiphon
|
Exultemus deo omnes
hunc in sanctis collaudantes
o folquine sacer ave
preces audi culpas dele
nos his festis fac adesse
et eternis non deesse
|
| |
Matins I
|
Deum magnum dominum
adoremus humiliter
qui folquinum sanctum suum
coronavit perenniter
|
Matins antiphon 1
|
In folquini mente sacra
semper fuit lex divina
unde fructum sanctitatis
in tempore suo dedit
|
Matins antiphon 2
|
Hic studebat in timore
regi christo deservire
disciplinam apprehendens
viam iustam non relinquens
|
Matins antiphon 3
|
Invocantem exaudivit
sanctum suum quem dilexit
hinc iam nobis rex placare
eo tibi supplicante
|
Matins antiphon 4
|
Verba sua ac clamorem
dei flectens ad amorem
domum eius introivit
astans ibi regem cernit
|
Matins antiphon 5
|
Nomen tuum o domine
quam est cunctis mirabile
qui quem vita decorasti
celo dignum sublimasti
|
Matins antiphon 6
|
Equitatem vultus dei
quia novit contemplari
hunc in monte sancto palma
letum ditat sempiterna
|
Matins respons 1
|
Ortus clara puer sanctus
folquinus prosapia
imbuendus liberalis
doctrine sciencia
datur scholis post nonnullis
profuturus populis
|
Matins verse 1
|
Derelictis a superna
iesu christi gracia
|
Matins respons 2
|
Indolis eximie
sacra dogmata philosophie
ut primum cepit
nil mundi gaudia duxit
|
Matins verse 2
|
Tota virtute satagens
tibi christe placere
|
Matins respons 3
|
Ad regimen sancto
pietatis amore vocato
cunctorum votis
datur infula pontificalis
|
Matins verse 3
|
Virtutum clarus
titulis athleta beatus
ordine melchisedech
rite locatur ad hec
|
Matins respons 4
|
Constitutus in sublimi
speculator domini
clamat verbis et exemplis
et salvantur plurimi
|
Matins verse 4
|
Ecclesieque decus
simul omnibus omnia factus
|
Matins antiphon 7
|
Ad hunc montem suspirare
fac nos presul sanctissime
ut exutos carne gravi
excipiat aula celi
|
Matins antiphon 8
|
Vitam ei dulcedinis
tribuisti in supernis
longitudinem dierum
donans omne per seculum
|
Matins antiphon 9
|
Hic animam adhuc vivens
non in vano accipiens
nunc a deo salutari
suo gaudet coronari
|
Matins antiphon 10
|
Omnis terra deo cantet
et cum sanctis annunciet
in populis eius mira
inter gentes magnalia
|
Matins antiphon 11
|
Regnat deus in eternum
cuius est cum sanctis regnum
unde tibi o folquine
lux orta est leticie
|
Matins antiphon 12
|
In conspectu summi regis
iubilando sanctus plaudit
hinc cantate exultantes
in cithara psalmum dantes
|
Matins respons 5
|
Vir beatus sancti glebam
audomari inclitam
dolet captam sequens eam
sed superna pietas
corpus sistens hostes fugit
hinc presul tripudiat
|
Matins verse 5
|
Amborum meritis
operatur vis deitatis
dum sacer ille sue
redditus est patrie
|
Matins respons 6
|
Dum vult sanctum supplantare
presumptor adveniens
ob reatum hunc percussit
ira dei seviens
|
Matins verse 6
|
Cum sibi coniunctis
penam luit improbitatis
|
Matins respons 7
|
In sithiu tumulari
voto fuit sacerdoti
moxque deus cuncte plebi
sacrum corpus comitanti
per aquarum vastum amnem
viam parat glacialem
|
Matins verse 7
|
Cuius in obsequium
ruit obviam concio fratrum
bertinique latus
est ad dextrum tumulatus
|
Matins respons 8
|
Ad sepulchrum viri dei
quidam pedum sospitati
monachorum est donatus
unde illi plus devotus
hec in laude scribit eius
|
Matins verse 8
|
Folquini veneranda patris
hic membra locantur
qui presul morinis
extiterat celebris
|
Matins (gospel) special antiphon
|
Vir beate te poscentum
offer vota regi regum
qui cibaris pane vite
christo tibi coherede
|
Matins respons 9
|
In occursum sui regis
dei servus vigilavit
ut dum veniens pulsaret
ei statim aperiret
|
Matins verse 9
|
Ad nutum domini
servivit mente fideli
|
Matins respons 10
|
Diem festum solvit sancti
insistens quidam operi
quo percusso vi divina
contrahuntur eius crura
|
Matins verse 10
|
Ac repens manibus
longos traxit cruciatus
cui folquine suum
reparas sanctissime gressum
|
Matins respons 11
|
Presul christi gloriose
servis tuis condescende
tui pignus sit amoris
presencia corporalis
|
Matins verse 11
|
Post vite cursum
trahe nos ad gaudia sursum
|
Matins respons 12
|
Rex celorum pie deus
ad te spectat laus illius
tu per eum nobis parce
ac redemptis miserere
|
Matins verse 12
|
Plasma christe tuum
defende benignus ab hoste
|
| |
Lauds antiphon 1
|
In decore tuo deus
tecum regnat vir beatus
sanctitudo domus tue
decet eum sine fine
|
Lauds antiphon 2
|
Cuncti deo iubilate
nomen eius est suave
cuius portas o folquine
meruisti introire
|
Lauds antiphon 3
|
Ad te deus vigilantem
in te semper sicientem
suscepisti exultantem
tuum sanctum sacerdotem
|
Lauds antiphon 4
|
Sancti dei et humiles
ac domini sacerdotes
cum folquino regem christum
benedicant in seculum
|
Lauds antiphon 5
|
Laudet celum laudet terra
creatoris magnalia
nosque dignos tua laude
fac cum sanctis rex glorie
|
Lauds (gospel) special antiphon
|
O folquine tuis
pius pastor celitus adsis
te memorem nostri
faciat clemencia christi
ac per eum christe
nobis petimus miserere
|
| |
2nd Vespers antiphon 1
|
Gloria sanctorum
deus accipe vota tuorum
nosque tuas laudes
in folquino venerantes
respice placatus
nostros solvendo reatus
|
2nd Vespers antiphon 2
|
Hic athleta tuus
celebris pietate patronus
post invictorum
certamina plena laborum
migrat ad ethereas
hodie gaudendo choreas
|
2nd Vespers antiphon 3
|
Quam letis donas
quem sic deus alme coronas
celica largiris
eternaque pro perituris
|
2nd Vespers (gospel) special antiphon
|
Rex immense sanctis palmam
prestans nobis da veniam
et clementi bonitate
cum folquino nos respice
ut qui presens est corpore
numquam desit pietate
|
full office name: