| |
| |
Vespers antiphon
|
Incliti militis tui
christe nos floriani
precatibus a peccatis
emunda
et beata meritorum
nos fruge pietatis
tue largo rore fecunda
et tandem perduc ad atria
celorum iucunda
|
Vespers (gospel) special antiphon
|
O florem eden purpureum
beatissimum florianum
qui seculi miliciam
in vite commutans innocenciam
ad martyrii agonem
per fidei properat confessionem
pro christo letus occubuit
regnumque supernum obtinuit
cuius meritis in celis
commendemur et in terris
|
| |
Matins I
|
Florem quo floret
florianus mundus adoret
ipsi laude pia
iubilando frequens alleluia
|
Matins antiphon 1
|
In floriano latuit
sub militari chlamyde
christi tiro qui patuit
dum pugnam petit avide
|
Matins respons 1
|
Cordis ac vocis organo
pangamus laudes floriano
qui te in suo sanguine
glorificavit domine
|
Matins verse 1
|
Ipsius meritis
nobis deus annue mitis
|
Matins respons 2
|
Cum tyranni desevirent
et christi servos punirent
hic vir adivit inclitus
urbem lauriacum imperterritus
|
Matins verse 2
|
Nam preses aquilinus fidem
veram fassos mactavit ibidem
|
Matins respons 3
|
Sub ea tempestate
que diocleciani feritate
navim ecclesie exagitabat
beatus florianus
in habitu militari christianus
exemplum se constancie
fidelibus prestabat
dum ad martyrii
coronam festinabat
|
Matins verse 3
|
Inundacione facta
illisum est flumen illi
et non potuit eum movere
|
Matins antiphon 4
|
Ingerebat ultroneus
se pugne vir idoneus
nec hostem christi tremuit
qui lauriaci fremuit
|
Matins respons 4
|
Martyr venerandus
dum se commilitonibus
christi fatetur supplicem
mox ducitur ad iudicem
|
Matins verse 4
|
Sed nec blandimentis
separari a recta fide
quivit neque tormentis
|
Matins respons 5
|
Tortores sanctum verberant
bis flagro crudeli
et scapulas lacerant
ungulis ferreis fideli
|
Matins verse 5
|
Constans suppliciis vir dei
opposuit clipeos fidei
|
Matins respons 6
|
Ad pontem igitur
anesi fluminis
iussu perducitur
aquilini presidis
unde facta oracione
precipitatur
sed ab unda super
lapidem reclinatur
ubi ab aquila corpus eius
expansis alis servatur
|
Matins verse 6
|
Cum ceciderit iustus non collidetur quia dominus supponet manum suam
|
Matins antiphon 7
|
Studiis dum crudelibus
ceditur a tortoribus
gaudet sicut ad epulas
ferro fragente scapulas
|
Matins respons 7
|
Vere fecundum palmitem
qui per christum veram vitem
se tulisse fructum multum
revelavit dum sepultum
iumentum vectans lassatur
et novo fonte potatur
|
Matins verse 7
|
In domino hoc factum claret
dum ad hec tempora
manans numquam aret
|
Matins respons 8
|
Se quia valerie
monstrarat martyr humandum
conditur hunc diem
virtutes dant venerandum
|
Matins verse 8
|
Infirmi siquidem
varii curantur ibidem
|
Matins respons 9
|
Beate martyr floriane
dominum pro nobis deprecare
ut relaxet mala
que commisimus
ac donet bona
que speramus
sola pietate paterna
qua mortalibus
largitur eterna
|
Matins verse 9
|
Quid enim oremus
sicut oportet nescimus
sed ipse spiritus
postulet pro nobis
|
| |
Lauds antiphon 1
|
Sanctus in flumen dum iactatur
precipitator excecatur
artus in petra ponunt nobiles
elaciones fluctus mirabiles
|
Lauds antiphon 2
|
Iubilemus dulcisone
tibi christe iesu
redemptor bone
cuius portas in confessione
intravit martyr
cum exultacione
|
Lauds antiphon 3
|
Alarum in velamento
multo fatigata tormento
exultans caro requiescit
nec penas ultro pavescit
|
Lauds antiphon 4
|
Benedicit deo vivo
terra dum novi fontis rivo
fovet animalia
sanctum ducencia
|
Lauds antiphon 5
|
Exultemus in rege
qui pietatis lege
optatam dat
salutem populo
appropinquanti
martyris sui tumulo
|
Lauds (gospel) special antiphon
|
Dum eterne diei
aurora illuxerit
dum tuba
novissima sonuerit
preclare martyr floriane
nos digneris adiuvare
ut gracia
solis iusticie
sanctorum perfruamur
splendore
|
| |
Prime antiphon
|
Sanctus florianus
egregius martyr christi
data super se
sentencia mortis
gaudens et exultans
ibat ad mortem
quia ad vitam credidit
pervenire eternam
|
Terce antiphon
|
Sanctus vir florianus
martyr domini
qui pro amore christi
sanguinem suum fudit
beatus miles christi
gaudet in celestibus
|
Sext antiphon
|
Aquila venit
iussu divino
que protexit corpus
sancti floriani
non venit ad devorandum
sed venit ad conservandum
|
Nones antiphon
|
Floriane dei miles
mundi vincens aciem
mundi vincens aciem
pelle machinas hostiles
culpe solve glaciem
et per actus nos eriles
duc ad christi faciem
|
| |
2nd Vespers (gospel) special antiphon
|
Ad vesperam vite mortalis
que lucescit
in requiem sanctis
ad finem cursus
stadii presentis
dum bravium accipit
dei miserantis
beatus florianus
nobis tarde currentibus
tamen fide
spe tendentibus
ad regnum perveniamus
sempiternum
succurrat nunc et in eternum
|
full office name: