| |
| |
Vespers antiphon
|
Ave gemma claritatis
ad instar carbunculi
ave rosa paradisi
rore fragrans balsami
fides alma virgo felix
gloriosa meritis
assistentes tue laudi
celi iunge gaudiis
|
Vespers respons
|
Virgo fides dilecta deo
lux inclita mundi
auxilium miseris
que cito ferre soles
ad te clamantum
pie suscipe vota precantum
|
Vespers verse
|
Ethereo residens
solio sponso sociata
|
Vespers (gospel) special antiphon
|
Ad honorem atque laudem
sempiterni numinis
celebremus diem festum
sancte fidis virginis
que per ignem per tormenta
calicemque sanguinis
est adepta triumphali
bravium certaminis
|
| |
Matins I
|
Adoremus collaudantes
christum dei filium
cuius fide virgo fides
huius vite stadium
percurrendo comprehendit
immortale bravium
|
Matins antiphon 1
|
Virgo fides generosis
edita parentibus
generosius effulsit
actu verbo moribus
|
Matins antiphon 2
|
Hec instructa documentis
fidei catholice
custodivit vias duras
legis evangelice
|
Matins antiphon 3
|
Non est eius cor elatum
titulis natalium
nec attrivit decor forme
castitatis lilium
|
Matins antiphon 4
|
Quippe vultu speciosa
corpore iuvencula
mente sprevit actu fugit
nupciarum vincula
|
Matins antiphon 5
|
Vultus eius et incessus
nunciabant deforis
quis affectus possideret
officinas pectoris
|
Matins antiphon 6
|
Sic in ea coruscante
bono pudicicie
arridebant ei simul
et virtutes alie
|
Matins respons 1
|
Ex rubente rosa simul
et candente lilio
virgo fides coronata
vivit ex martyrio
|
Matins verse 1
|
Inter choros angelorum
geminato premio
|
Matins respons 2
|
Virgo stirpe supergressa
primos agennensium
sanctitate cumulavit
gloriam natalium
|
Matins verse 2
|
Pacta secum custodire
semitas fidelium
|
Matins respons 3
|
His enitens ad supremum
culmen sanctimonie
holocaustum fecit deo
votum continencie
|
Matins verse 3
|
Rata crimen attrectari
florem pudicicie
|
Matins respons 4
|
Dacianus introgressus
urbem agennensium
christi servos et ancillas
trahit ad supplicium
|
Matins verse 4
|
Immolare contemnentes
eius ad imperium
|
Matins antiphon 7
|
Pectus fidis hortus christi
vernat morum floribus
et ad flatum lenis austri
fluit aromatibus
|
Matins antiphon 8
|
Hoc in votis eius erat
hoc in desiderio
ut perennem compararet
gloriam martyrio
|
Matins antiphon 9
|
Estimabat enim christo
gratam parum virginem
nisi virgo propter christum
funderetque sanguinem
|
Matins antiphon 10
|
Audit deus et exaudit
vota sancte femine
clarificaturus eam
proximo certamine
|
Matins antiphon 11
|
Intrat urbem dacianus
furit atrox bestia
spondet necem christianis
intonat supplicia
|
Matins antiphon 12
|
Arcessita primum fides
ad tyrannum ducitur
immolare vel feriri
gladio precipitur
|
Matins respons 5
|
Ecce fides evocata
clamat ante iudicem
christum colo christum testor
omnium artificem
|
Matins verse 5
|
Ut arcanum mei cordis
tibi iudex indicem
|
Matins respons 6
|
Nihil mihi cum diana
nihil cum apolline
quos vel appellari deos
longe sit ab homine
|
Matins verse 6
|
Dii vestri manufacti
dii solo nomine
|
Matins respons 7
|
Sponsa christi contemnente
minas preces munera
tortor parat universa
tormentorum genera
|
Matins verse 7
|
Iussus penas innovare
perscrutari viscera
|
Matins respons 8
|
Ex precepto daciani
carnifex congreditur
cratem profert subtus carbo
super virgo ponitur
|
Matins verse 8
|
Nihil ille pretermittens
ex his que precipitur
|
Matins respons 9
|
Tortor furens fovet ignem
flamma surgit alcius
rupta cute vis ardoris
penetrat interius
|
Matins verse 9
|
Dum carbones et es candens
vulnerant exterius
|
Matins respons 10
|
Nunciatur daciano
virginis constancia
quam non flectunt sed nec terrent
mine vel supplicia
|
Matins verse 10
|
Iubet ergo capitalis
puniat sentencia
|
Matins respons 11
|
Ducta fides ad delubra
cum tribus iuvenibus
quia nolunt immolare
feriuntur ensibus
|
Matins verse 11
|
Uno corde pari voce
spretis deum cultibus
|
Matins respons 12
|
O coruscans in superno
lapis edificio
virgo martyr laureata
mixto rose lilio
tua nobis apud christum
adsit intercessio
|
Matins verse 12
|
Quo conscribi mereamur
in celi palacio
|
| |
Lauds antiphon 1
|
Dum in crate pateretur
virgo pro iusticia
certis signis agoniste
claruit victoria
|
Lauds antiphon 2
|
Nam columba de supernis
visa est descendere
coronamque super caput
ustulate ponere
|
Lauds antiphon 3
|
Ignis visus est extingui
rore fides ablui
redditaque sanitati
vestem albam indui
|
Lauds antiphon 4
|
Ista mente contemplatus
sanctus vir caprasius
coronandam passione
fidem novit cercius
|
Lauds antiphon 5
|
Mox et visu roboratus
in tanto certamine
post tormenta decollatur
pariter cum virgine
|
Lauds (gospel) special antiphon
|
O fides deo devota
o athlete strenui
quibus est collatum morte
vita superindui
mementote subvenire
devoto conventui
quo vobiscum mereamur
summo bono perfrui
|
Lauds respons
|
O beata et
venerabilis virgo
fides vocata
quesumus tuo
interventu dilue
nostra peccata
|
Lauds verse
|
Sponsa dei egregia
in celesti palacio
diademate gemino
laureata
|
Lauds Q
|
O fides virgo in celo
iuncta sponso inclito
illius dono eterno
congaudens in thalamo
collegio preclaro
angelorum socio
nunc ideo devoto
corde presens concio
conclamat domino
dilue nostra peccata
|
| |
2nd Vespers (gospel) special antiphon
|
O beata que iam sponsum
virginum complecteris
iam quocumque vadit agnus
agnum virgo sequeris
fac orando ne tradamur
ignibus tartareis
cum frumentum iustus iudex
dividet a paleis
|
full office name: